តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ចង់ឲ្យភ្នែកល្អ មិនម្ញូប មិនព្រិល ត្រូវថែទាំបែបណា?

    ចង់ឲ្យភ្នែកល្អ មិនម្ញូប មិនព្រិល ត្រូវថែទាំបែបណា?

    ចង់បាន ឬរក្សាភ្នែកឲ្យនៅស្អាតល្អ មិនស្រវាំង មិនព្រិល មិនឈឺថ្កាត់ មិនមែនងាយទេ! គ្នាយើងខំប្រឹងថែដែរ តែអត់ដឹងក្បួន ខណៈមួយចំនួនធំខ្ជិល មិនសូវជាខ្វល់ ទាល់តែដុនដាបទើបភ្ញាក់ខ្លួន។ ថ្ងៃនេះ “Hello គ្រូពេទ្យ” ប្រាប់របៀបថែភ្នែកឲ្យនៅល្អ៖

    ១- រើសចំណី

    សុខភាពភ្នែកល្អ ចាប់ផ្តើមពីរបបអាហារ។ ដើម្បីការពារពីបញ្ហាភ្នែក​ដោយសារវ័យជ្រេ ខូចចំណុចពណ៌លឿងក្នុងភ្នែក (រេទីនភ្នែក) ឬភ្នែកឡើងបាយ ត្រូវញុំាអាស៊ីដខ្លាញ់អូមេហ្គា-៣ ជាតិលុយតេអ៊ីន (Lutein) រ៉ែស័ង្កសី វីតាមីន A, C និង E។

    ប្រភពទាំងនេះមានក្នុងបន្លែបៃតង ការ៉ុត ត្រីសម្បូរខ្លាញ់ (ជាពិសេសត្រីសាលម៉ុន) ស៊ុត សាច់ក្នុងគ្រាប់រុក្ខជាតិ សណ្តែក ផ្លែក្រូច អយស្ទ័រ និងសាច់ជ្រូក (អត់ខ្លាញ់) ហើយវាអាចជួយបង្ការកុំឲ្យកើតជំងឺធាត់ ឬទឹកនោមផ្អែម (ជាហេតុនាំឲ្យពិការភ្នែក)។

    ២- បារី

    បារី ឬថ្នាំជក់ មានហានិភ័យខ្ពស់ងាយប្រឈមជំងឺភ្នែកឡើងបាយ ខូចសរសៃប្រសាទអុបទិច និងទ្រុឌទ្រោម ខូចចំណុចពណ៌លឿងនៃរេទីនភ្នែក។ ព្យាយាមផ្តាច់បារី ដើម្បីសុខភាពខ្លួនឯង និងគ្រួសារ ហើយគ្មានអ្វីខ្លាំងជាងការតាំងចិត្តទេ។

    ៣- វ៉ែនតាការពារពន្លឺ

    សម្លឹង ឬភ្នែកប៉ះពន្លឺថ្ងៃច្រើន ប្រឈមកើតជំងឺភ្នែកឡើងបាយ និងជំងឺទ្រុឌទ្រោមខូចចំណុចពណ៌លឿងនៃរេទីនភ្នែក។ បើឧស្សាហ៍ ឬប្រើភ្នែកញឹកញាប់ក្រោមពន្លឺព្រះអាទិត្យ គួរពាក់វ៉ែនតាការពារ កាំរស្មីយូវី ដើម្បីបន្ថយសម្ពាធ (ប្រឹងសម្លឹង)។

    គណនា BMI
    គណនា BMR

    ៤- វ៉ែនតាឃ្លុប

    បើការងារ ឬសកម្មភាពយើង ប្រឈមនឹងការប៉ះពាល់អង្គធាតុគ្រោះថ្នាក់ (ឧ.ផ្សារដែក) សារធាតុ ឬធូលីហុយតាមខ្យល់ ត្រូវមានវ៉ែនតាឃ្លុបការពារភ្នែក។

    ៥- សម្រាកពីអេក្រង់

    រាប់ទាំងអេក្រង់ទូរសព្ទ កុំព្យូទ័រ ឬទូរទស្សន៍ គួរសម្រាក (ងាកមុខចេញ) ឲ្យបានញឹកញាប់រៀងរាល់ ១៥-២០ នាទី។ បើភ្នែកស្ងួត សូមព្យាយាមធ្មេចបើកៗឲ្យបានញឹកញាប់។

    បើយើងកំពុងប្រើវ៉ែនតា ត្រូវប្រាកដថា ដឺក្រេ ឬកម្រិតរបស់កញ្ចក់វ៉ែនតា ត្រូវគ្នាជាមួយកម្រិតភ្នែក។ បើតម្រូវប្រើកុំព្យូទ័រច្រើន គួរសារ៉េអេក្រង់ឲ្យអេនបន្តិច ដើម្បីបន្ថយការជះពន្លឺខ្លាំងចូលភ្នែក។

    កម្មវិធីពិនិត្យ​សុខភាពក្រពេញប្រូស្តាតអនឡាញ
    កម្មវិធីពិនិត្យ​បញ្ហាលិង្គមិនឡើងរឹងអនឡាញ
    កម្មវិធីពិនិត្យ​បញ្ហាឆាប់ចេញទឹកកាម​អនឡាញ​

    មើលទូរសព្ទ

    ៦- កុំចោលពេទ្យ

    គ្នាយើងភាគច្រើនអត់ខ្វល់រឿងពិនិត្យសោះ ចាំរហូតដល់ឈឺ ឬមានបញ្ហា បានរកពេទ្យ។ ការពិនិត្យ អាចដឹងពីជំងឺទឹកដក់បាតភ្នែក។ បើមាន បើរកឃើញ ហើយព្យាបាលទាន់ពេល (ដំណាក់កាលស្រាល) ជាការល្អ។

    ពេទ្យភ្នែកចែកជាពីរ៖
    – ពេទ្យឯកទេសចក្ខុរោគ៖ គឺពេទ្យឯកទេសថែទាំភ្នែក អាចធ្វើរោគវិនិច្ឆ័យ និងព្យាបាល (បូករួមទាំងវះកាត់)។
    – ពេទ្យអុបទិចមាត្រសាស្ត្រ៖ អាចព្យាបាលជំងឺភ្នែក តែមិនអាចវះកាត់បាន។

    រកពេទ្យភ្នែកដើម្បីព្យាបាល ត្រូវមើលលើស្ថានភាពផ្នែក ថាតើគួរទៅរកពេទ្យភ្នែកមួយណាក្នុងចំណោមទាំងពីរខាងលើ។

    អាន៖

    គណនាថ្ងៃមេជីវិតញីទុំធ្លាក់

    តាមដានវដ្តរដូវរបស់អ្នកកំណត់ថ្ងៃមេជីវិតទុំធ្លាក់ បង្កើនឱកាសមានគភ៌ឬគ្រប់គ្រងការពន្យារកំណើត

    គណនាថ្ងៃមេជីវិតញីទុំធ្លាក់

    គណនាថ្ងៃមេជីវិតញីទុំធ្លាក់

    តាមដានវដ្តរដូវរបស់អ្នកកំណត់ថ្ងៃមេជីវិតទុំធ្លាក់ បង្កើនឱកាសមានគភ៌ឬគ្រប់គ្រងការពន្យារកំណើត

    គណនាថ្ងៃមេជីវិតញីទុំធ្លាក់

    រយៈពេល​វដ្ដរដូវ

    (ថ្ងៃ)

    28

    វដ្ដរដូវ

    (ថ្ងៃ)

    7

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ប្រភព

    How to Keep Your Eyes Healthy. https://medlineplus.gov/eyecare.html

    https://www.nei.nih.gov/learn-about-eye-health/healthy-vision/keep-your-eyes-healthy

    https://www.bausch.com/vision-and-age/20s-and-30s-eyes/healthy-eyes

    https://www.everydayhealth.com/photogallery/9-simple-ways-to-keep-your-eyes-healthy.aspx

    រូបថត​របស់​អ្នក​និពន្ធbadge
    ដោយ Meng Vatana កែសម្រួល​ចុងក្រោយ 31/01/2022
    ត្រួតពិនិត្យដោយ វេជ្ជ. ចាន់ ស៊ីណេត
    Next article: