ស្ត្រីភាគច្រើនគិតថា ខ្លួនមិនមានហានិភ័យទៅនឹងមហារីកមាត់ស្បូនទេ ដោយសម្អាងថា ទី១ ខ្លួននៅវ័យក្មេង និងទី២ មិនមានក្រុមគ្រួសារកើតជំងឺមហារីកមាត់ស្បូន។ នេះជាការលើកឡើងរបស់លោកស្រីវេជ្ជបណ្ឌិត ពឹង ជុតិមា នាយិកាសេវាកម្មគ្លីនិករ៉ាក់។

ការយល់ឃើញបែបនេះ លោកស្រីវេជ្ជបណ្ឌិតអះអាងថា ជាការយល់ច្រឡំ ពីព្រោះគេបានរកឃើញថា ស្ត្រីទាំងឡាយណាក៏ដោយ ក្នុង១ជីវិតរបស់ស្ត្រី យ៉ាងហោចណាស់ក៏មានប្រឈមមុខ ១ដង កើតជំងឺមហារីកមាត់ស្បូន ជាពិសេសស្ត្រីដែលមានការរួមភេទ។

ចង់គណនា BMR ចុចទីនេះ !

ចង់ពិនិត្យជំងឺមហារីកសុដន់ ចុចទីនេះ !

ចង់ពិនិត្យជំងឺមហារីកមាត់ស្បូន ចុចទីនេះ !

ចង់គណនាថ្ងៃមេជីវិតញីទុំធ្លាក់ ចុចទីនេះ !

លោកស្រីវេជ្ជបណ្ឌិតបន្តថា បែបនេះ ទើបអង្គការសុខភាពពិភពលោក (WHO) ណែនាំថា ស្ត្រីទាំងឡាយណាដែលមានការរួមភេទ គប្បីទៅស្រាវជ្រាវរកមើលកោសិកាប្រែប្រួល ដែលអាចជំរុញឲ្យទៅមហារីកយ៉ាងហោចណាស់ ឲ្យបាន ១ដង/ ជីវិត បើសិនជាពុំមានលទ្ធភាព។

ប៉ុន្តែបើសិនជាមានលទ្ធភាពវិញ គួរតែទៅតាមដានសុខភាពទាក់ទងនឹងជំងឺមហារីកមាត់ស្បូនឲ្យបានរៀងរាល់ ១ឆ្នាំ/ម្តង។ ប្រសិនលទ្ធផលមិនមានការប្រែប្រួល ៣ឆ្នាំជាប់គ្នា យើងអាចទៅតាមដាន ៣-៥ឆ្នាំ/ម្តង ចំពោះអ្នកមិនមានការប្រឈមមុខខ្ពស់នឹងជំងឺមហារីកមាត់ស្បូន។

ចំពោះអ្នកប្រឈមមុខខ្ពស់នឹងជំងឺមហារីកមាត់ស្បូន ដូចជា ស្ត្រីដែលមានក្រុមគ្រួសារកើតជំងឺមហារីក ស្ត្រីប្រឡូកក្នុងការរួមភេទទាំងវ័យក្មេង ស្ត្រីមានប្រព័ន្ធការពាររាងកាយចុះខ្សោយ (អ្នកជំងឺអេដស៍ អ្នកជំងឺថ្លើម ទឹកនោមផ្អែម) អ្នកមានដៃគូរួមភេទច្រើន លោកស្រីវេជ្ជបណ្ឌិតណែនាំឲ្យស្រាវជ្រាវរកមេរោគ HPV ១ឆ្នាំ/ម្តង ទោះលទ្ធផលឃើញថា មិនមានបញ្ហាក៏ដោយ។

អត្ថបទគួរអាន៖

មហារីកមាត់ស្បូន

២ ចំណុច ស្រីៗគិតខុសទាំងស្រុងពីហានិភ័យជំងឺមហារីកមាត់ស្បូន