តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ចង់បានស្បែកស្រស់ថ្លា គួរកាត់បន្ថយអាហារប៉ុន្មាន​មុខ​នេះ

ចង់បានស្បែកស្រស់ថ្លា គួរកាត់បន្ថយអាហារប៉ុន្មាន​មុខ​នេះ

ស្បែកស្អាតស្រស់ថ្លាបានមកពីការថែទាំប្រចាំថ្ងៃ និងពីអាហារដែលយើង​ញុំា ប៉ុន្តែទម្លាប់នៃការញុំា​អាហា​រ​អាចបំផ្លាញសុខភាពស្បែករបស់យើងដោយមិនដឹងខ្លួន។ តើអាហារបំផ្លាញស្បែកមានអ្វីខ្លះ ហើយប៉ះពាល់​ដល់​សុខភាព​ស្បែករបស់យើងយ៉ាងណាខ្លះ?

លោកស្រី Paulina Lee ឯកទេសចំណីអាហារ និងជាស្ថាបនិកក្រុមហ៊ុន Savvy Stummy, LLC. បាន​លើក​ឡើងថា ជម្រើសអាហារ និងទម្លាប់នៃការញ៉ាំសុទ្ធ​តែអាចជះឥទ្ធិពល​អវិជ្ជមាន​ដល់ស្បែក​របស់​យើង។ ជារឿយៗ ការមានបញ្ហាស្បែកពាក់ព័ន្ធនឹងការរលាក សុខភាពពោះវៀនខ្សោយ និង ​អតុល្យភាព​អ័រម៉ូន

ដូច្នេះបើយើងចង់បានស្បែកស្អាតស្រស់ថ្លា យើងគួរកាត់បន្ថយ​ការញុំាអាហារដូចជា៖

១. អាហារធ្វើឱ្យរលាក

ការញុំាអាហារដែលធ្វើឱ្យរលាកដូចជា អាហារបំពង អាហារមានជាតិស្ករច្រើន​ និងខ្លាញ់ខ្ពស់ជាដើម​ អាច​ជះឥទ្ធិពលអវិជ្ជមានដល់សុខភាពពោះវៀន និងបង្កើនការរលាកខាងក្នុង​ដែលនាំ​ឱ្យស្បែក​យើង​ឡើង​មុន។

សុខភាព​​ពោះវៀនមានទំនាក់ទំនងយ៉ាងជិតស្និទ្ធនឹងស្បែករបស់យើង ដូច្នេះ​ប្រសិន​បើសុខភាពពោះវៀនរបស់មិនល្អ សុខភាពស្បែក​​​​របស់ក៏មិនល្អដែរ។

២. អាហារមានសន្ទស្សន៍ជាតិស្ករខ្ពស់

អាហារដែលសម្បូរទៅដោយកាបូអ៊ីដ្រាតចម្រាញ់ ដូចជាបាយស ភីហ្សា ប៉ាស្តា នំបុ័ងស នំដុត បង្អែម ឬភេសជ្ជៈផ្អែមៗ​គឺជាអាហារ​ដែលមានសន្ទស្សន៍ជាតិស្ករ​ខ្ពស់ដែលអាចបង្កើន​កម្រិត​ជាតិស្ករ​ក្នុងឈាមលឿន។

ការកើនឡើងនៃជាតិស្ករក្នុងឈាមអាចជំរុញការផលិតរបស់អ័រម៉ូន androgens ដែលរួមចំណែកធ្វើឱ្យយើងឡើងមុន។

៣. អាហារ​ប្រភេទ Fast Food

អាហារដូចជា ប៊ឺហ្គឺ ដំឡូងបំពង ភីហ្សា សាំងវិចផ្សំទៅដោយកាបូអ៊ីដ្រាត​ចម្រាញ់ អាហារកែច្នៃ ជាតិខ្លាញ់ ស្ករ និងអំបិលខ្ពស់ដែលធ្វើឱ្យអាហារទាំង​នេះមានរស់ជាតិឆ្ងាញ់។ គ្រឿងផ្សំទាំងនេះ​អាច​ធ្វើ​ឱ្យរាងកាយយើងរលាក។

ហ្វាសហ្វូត (អាហារឆ្អិនស្រាប់)

ចង់គណនា BMR ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
ចង់គណនារង្វាស់ចង្វាក់បេះដូង ចុចទីនេះ!
ចង់គណនាថ្ងៃមេជីវិតញីទុំធ្លាក់ ចុចទីនេះ!

៤. សាច់ក្រហម

សាច់ក្រហមដូចជា សាច់គោ សាច់ចៀម សាច់ជ្រូកជាដើមផ្ទុកទៅដោយជាតិខ្លាញ់ឆ្អែត និង​កូលេស្តេរ៉ូល ដែលនេះ​មាន​ន័យ​ថា ការញុំាសាច់​ក្រហម​ច្រើន​នាំ​ឱ្យ​មាន​ការ​រលាក​ក្នុង​ខ្លួន។ ប្រសិន​បើ​មាន​ការរលាកច្រើនពេកនៅក្នុងរាងកាយ ការផលិត ខូឡាជែន​របស់ស្បែក​ថយចុះ​នាំឱ្យស្បែក​របស់យើងស្រអាប់។

៥. គ្រឿង​ស្រវឹង

ការញុំាគ្រឿង​ស្រវឹងច្រើនធ្វើឱ្យខ្សោះជាតិទឹក បណ្តាលឱ្យស្បែកយើងស្រអាប់ ជ្រីវជ្រួញ និងស្ងួត។ លើសពីនេះទៅទៀតគ្រឿង​ស្រវឹងបង្ក​ឱ្យ​មាន​បញ្ហា​ស្បែក​ដូចជា ​ឡើងមុន និងត្រអក​ជាដើម ហើយធ្វើឱ្យរាងកាយយើងបាត់បង់វីតាមីន A ដែលមាននាទី​ជួស​ជុល​កោសិកា​ស្បែក​ឡើង​វិញ។

៦. កាហ្វេអ៊ីន

ជាតិកាហ្វេអ៊ីននៅក្នុងកាហ្វេ ភេជ្ជៈប៉ូវកម្លាំង ទឹកក្រូចកំប៉ុង ជាដើមអាច​ធ្វើឱ្យស្បែកយើងស្រអាប់ និង​ស្ងួត។ ជាតិកាហ្វេអ៊ីនអាចបង្កើនកម្រិត cortisol (អ័រម៉ូនស្ត្រេស) ដែលអាចបំផ្លាញស្បែករបស់យើង ធ្វើឱ្យស្បែកស្តើង និងឆាប់ចាស់។

៧. អាហារប្រៃៗ

ការញុំាអាហារប្រៃៗធ្វើឱ្យចាល់ជាតិទឹកក្នុងរាងកាយ ដែលធ្វើឱ្យយើង​ហើម ជាពិសេសហើមភ្នែក ឬមុខ ហើយមើលទៅអស់កម្លាំង។ ម៉្យាងទៀត កាញុំាអាហារប្រៃៗក៏ធ្វើឱ្យយើងឡើងមុនដែរ។

របបអាហារមានផលប៉ះពាល់យ៉ាងខ្លាំងលើសុខភាពស្បែករបស់យើង ដូច្នេះ​​​យើង​គួរ​ចៀសវាង ឬកាត់​បន្ថយ​​អាហារ​បំផ្លាញស្បែក និងញុំាអាហារដែលល្អចំពោះស្បែកដូចជា ត្រី គ្រាប់ធញ្ញជាតិ គ្រាប់​ផ្លែឈើ បន្លែ និងផ្លែឈើស្រស់ឱ្យបានច្រើន។

អត្ថបទគួរ​អាន៖

health-tool-icon

គណនាថ្ងៃសម្រាលកូន

ប្រើ​វិធី​គណនា​នេះ​​ គឺ​ដើម្បី​រក​ថ្ងៃ​សម្រាល​កូន​។ វិធី​​នេះ​អាច​ប៉ាន់ស្មាន​ថ្ងៃ​សម្រាល​បាន​ តែ​មិន​ធានា​ថា​ត្រឹម​ត្រូវ​ទាំង​ស្រុង​ទេ​។ ស្រ្តី​ភាគ​ច្រើន មិន​ទាំង​អស់​ទេ អាច​ឆ្លង​ទន្លេ​មុន​ ឬ​ក្រោយ​មួយ​សប្ដាហ៍ នៃ​ពេល​វេលា​ប៉ាន់​ស្មាន​នេះ។

រយៈពេល​វដ្ដរដូវ

28 ចំំនួន​ថ្ងៃ​

Verifying...

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕


អត្ថបទពាក់ព័ន្ធ

ចង់បានស្បែកស្អាត ដោយមិនបាច់លាបឡេ គួរញុំា និងចៀសវាងអាហារទាំងនេះ

ដេកត្រាំទឹកក្តៅឧណ្ហៗជាមួយគ្រឿងផ្សំទាំងនេះ ជួយឲ្យអារម្មណ៍ល្អ និងស្បែកស្រស់ថ្លា

តិចនិកជ្រើសរើសផលិតផលឲ្យ​ត្រូវនឹង​សភាពស្បែក បង្ការ​បញ្ហាផ្សេងៗ

គន្លឹះ​លាង​សម្អាត​មុខ​ឲ្យ​ស្អាត​ល្អទៅ​តាម​ប្រភេទ​ស្បែក​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

តិចនិកថែទាំស្បែកមុខ ការពារកុំឲ្យឡើងអាចម៍រុយផ្ដេសផ្ដាស

ចង់​បាន​ស្បែក​ស្អាត និង​សក់​​រឹងមាំ កុំ​រំលង​​ផ្លែឈើ​ទាំង​នេះ​​​​​​​​​​​​​​​​​​​​​​​​​​​​​​​​

អាកាសធាតុត្រជាក់ ងាយឲ្យស្បែកស្ងួតយារធ្លាក់ គួរថែទាំបែបណាល្អ?

ទម្លាប់​ពេល​ព្រឹក​ទាំង ​៤ អាចបំផ្លាញ​​សុខភាព​ស្បែក​​​មិន​ដឹង​ខ្លួន​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

វិធី​ថែទាំ​ស្បែកពេល​មក​រដូវ​ ជួយ​ឲ្យ​ស្រស់​ថ្លា​បែប​ធម្មជាតិ​​​​​​​​​​​​​​​​​​​​​​​​​​


រូបថត​របស់​អ្នក​និពន្ធbadge
ដោយ សុខ វណ្ណ កែសម្រួល​ចុងក្រោយ 21/02/2022
ត្រួតពិនិត្យដោយ វេជ្ជ. ចាន់ ស៊ីណេត