ឥទ្ធិពលទឹកចំពោះស្បែក បើខ្វះ អាចបង្កបញ្ហាច្រើន

ដោយ Meng Vatana កែសម្រួលចុងក្រោយ 27/11/2019

ត្រួតពិនិត្យដោយ វេជ្ជ. ចាន់ ស៊ីណេត

ឥទ្ធិពលទឹកចំពោះស្បែក បើខ្វះ អាចបង្កបញ្ហាច្រើន

ទឹកសំខាន់ណាស់សម្រាប់រាងកាយ ពិសេសការរំលាយអាហារ របត់ឈាម ស្រូបជីវជាតិចំណីដែលញ៉ាំ និងការបញ្ចេញចោល។ ដឹងអត់ថា ទឹកល្អសម្រាប់ស្បែកខ្លាំងប៉ុនណា?

១- ស្បែកខ្សោះជាតិទឹក

ស្បែកដូចសរីរាង្គដទៃទៀតដែរ ផ្សំឡើងដោយកោសិកា។ កោសិកាស្បែក ដូចកោសិកាដទៃទៀតដែរ ផ្គុំឡើងដោយទឹក។ រាល់សរីរាង្គទាំងអស់ត្រូវការទឹក ដើម្បីបំពេញមុខងារបានល្អ។ បើរាងកាយស្រូបយកជាតិទឹកមិនគ្រប់គ្រាន់ ឈាមនឹងទាញទឹកពីកោសិកាស្បែកទៅប្រើ ធ្វើឲ្យស្បែកប្រែជាស្ងួត តឹង និងបែកស្រកា។

ស្បែកស្ងួតមិនសូវមានលក្ខណៈបត់បែនបាន ឬយឺតរលាស់ បង្កជាជ្រីវជ្រួញ។ បើរាងកាយខ្សោះជាតិទឹករយៈពេលយូរនោះ ស្បែក មើលទៅកាន់តែចាស់ទៅៗ អ៊ីចឹងគួរញ៉ាំទឹកឲ្យច្រើន។ ទឹកញ៉ាំចូល មិនមែនមានន័យថា ស្បែកទទួលបានទេ ព្រោះវានឹងចូលក្នុងសរីរាង្គដទៃទៀត ដែលបឺតយកជាតិទឹក មុនវាទៅដល់ស្បែក ហើយអ្វីដែលគួរធ្វើ ត្រូវញ៉ាំទឹកឲ្យច្រើន។

២- ថែស្បែកបន្ថែម

ងូតទឹក ហើយគួរលាបឡេជំនួយស្បែក ព្រោះក្រោយងូតទឹក ស្បែកងាយស្រូបផលិតផលថែរក្សាខ្លួនបានល្អ។ ជ្រើសរើសផលិតផលដែលមានផ្ទុកជាតិអាស៊ីដ ហ៊ីយ៉ាលូរ៉ូនិក (hyaluronic acid) ពេលប្រើផលិតផលផ្តល់សំណើម (ឡេ)។ ប្រភេទខ្លះនៃផលិតផលនេះ រួមមាន Skinceuticals Hydrating B5 Gel។

៣- ញ៉ាំទឹកប៉ុនណាទើបគ្រប់?

ចន្លោះពី ៦-៨ កែវ (ក្នុងមួយកែវ ប្រហែល ២៤០ មិល្លីលីត្រ) ក្នុងមួយថ្ងៃ ទើបគ្រប់សម្រាប់តម្រូវការរាងកាយបាន។ បរិមាណប៉ុណ្ណេះ អាចជួយបន្សាបជាតិពុលក្នុងរាងកាយ និងស្បែកបានយ៉ាងល្អ។ ដើម្បីដឹងថាតើ រាងកាយស្រូបទឹកគ្រប់អត់ អាចសម្គាល់មើលពណ៌ទឹកនោម៖

– ថ្លា៖ មានន័យថា យើងញ៉ាំទឹកច្រើនពេក ហើយកុំព្យាយាមឲ្យលើសកម្រិត ព្រោះធ្វើឲ្យតម្រងនោមធ្វើការច្រើនលើសកម្រិត។
– លឿងស្លេក៖ ជាសញ្ញាមានសុខភាពល្អ និងមានជាតិទឹកគ្រប់គ្រាន់។
– លឿងចាស់៖ រាងកាយយើងត្រូវការបរិមាណទឹកបន្ថែមទៀត។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

គណនាថ្ងៃសម្រាលកូន

ប្រើវិធីគណនានេះ គឺដើម្បីរកថ្ងៃសម្រាលកូន។ វិធីនេះអាចប៉ាន់ស្មានថ្ងៃសម្រាលបាន តែមិនធានាថាត្រឹមត្រូវទាំងស្រុងទេ។ ស្រ្តីភាគច្រើន មិនទាំងអស់ទេ អាចឆ្លងទន្លេមុន ឬក្រោយមួយសប្ដាហ៍ នៃពេលវេលាប៉ាន់ស្មាននេះ។

វិធីសាស្ត្រគណនា