ពិតណាស់ កុមារម្នាក់ៗមានជំនាញ និងការលូតលាស់មិនដូចគ្នាទេ ហើយការរៀនភាសា និងនិយាយស្ដីក៏ស្ថិតនៅវ័យខុសគ្នាដែរ។ យ៉ាងណាមិញ នៅពេលដែលប៉ាម៉ាក់ស្វែងយល់ខ្លះៗពីការអភិវឌ្ឍលើជំនាញភាសា និងការនិយាយរបស់កូន នោះអាចឲ្យយើងដឹងកាន់តែច្បាស់ថាអាអូនប្រឈមនឹងបញ្ហានិយាយស្ដីដែរឬយ៉ាងណា។
អ្វីទៅជាការក្រចេះនិយាយស្ដី ឬចេះភាសាយឺត?
កុមារដែលប្រឈមនឹងបញ្ហាចេះភាសាយឺត អាចនិយាយជាពាក្យមួយម៉ាត់ ពីរម៉ាត់ ប៉ុន្តែមិនអាចបង្កើតជាឃ្លាបាន។
កុមារដែលប្រឈមនឹងបញ្ហានិយាយស្ដីយឺត អាចប្រើពាក្យ ឬឃ្លាដើម្បីបង្ហាញពីគំនិតផ្ទាល់ខ្លួនបាន ប៉ុន្តែយើងពិបាកយល់ន័យរបស់កូន។
[embed-health-tool-due-date]
សញ្ញានៃការក្រចេះនិយាយស្ដី ឬចេះភាសាយឺត
ប្រសិនបើអាអូនមិនមានប្រតិកម្មទៅនឹងសំឡេងទេនោះ ប៉ាម៉ាក់គួរនាំកូនទៅពិគ្រោះជាមួយនឹងគ្រូពេទ្យជំនាញ ទើបជាការប្រសើរ។ យ៉ាងណាមិញ ខាងក្រោមនេះជាសញ្ញាដែលប៉ាម៉ាក់គួរតាមដានឲ្យបានដិតដល់៖
- ត្រឹមអាយុ១២ខែ៖ កូនមិនប្រើភាសាកាយវិការ ដូចជាចង្អុល ឬបក់ដៃ
- ត្រឹមអាយុ១៨ខែ៖ ចូលចិត្តប្រើកាយវិការជាងនិយាយស្ដី
- ត្រឹមអាយុ១៨ខែ៖ មានបញ្ហាក្នុងការត្រាប់តាមសំឡេង
- ពិបាកយល់លើការណែនាំងាយពីអាព្យាបាល
- ត្រឹមអាយុ២ឆ្នាំ៖ អាចធ្វើត្រាប់តាមពាក្យសម្ដី ឬសកម្មភាព ប៉ុន្តែមិនអាចនិយាយចេញជាពាក្យ ឬឃ្លាដោយឯកឯង។
- ត្រឹមអាយុ២ឆ្នាំ៖ និយាយបានតែពាក្យមួយចំនួនដដែលៗ ហើយមិនអាចប្រើភាសាផ្ទាល់មាត់ ដើម្បីសន្ទនាលើសពីតម្រូវការរបស់ខ្លួនបាន។
- ត្រឹមអាយុ២ឆ្នាំ៖ មិនអាចធ្វើតាមការណែនាំងាយៗបាន។
បន្ថែមពីនេះ ប៉ាម៉ាក់ក៏ចាំបាច់ត្រូវពិគ្រោះយោបល់ជាមួយគ្រូពេទ្យផងដែរ ប្រសិនបើកូននិយាយពិបាកយល់ជាងកុមារមានវ័យស្រករគ្នា។
- ប៉ាម៉ាក់គួរយល់ដឹងថា កុមារប្រហែលជា៥០%អាចនិយាយបាននៅពេលដែលមានវ័យ២ឆ្នាំ និង៧៥% នៅពេលដែលក្មេងមានវ័យ៣ឆ្នាំ។
- ត្រឹមអាយុ៤ឆ្នាំ កុមារអាចនិយាយស្ដាប់យល់ច្រើន។
ចង់គណនាថ្ងៃសម្រាលកូន ចុចទីនេះ!
ចង់គណនាទម្ងន់ស្រ្តីពពោះ ចុចទីនេះ!
ចង់គណនាថ្ងៃមេជីវិតញីទុំធ្លាក់ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
ក្មេងក្រចេះនិយាយស្ដី ឬចេះភាសាយឺតបណ្ដាលមកពីមូលហេតុអ្វី?
ក្មេងក្រចេះនិយាយស្ដី អាចបណ្ដាលមកពី៖
- ខូចប្រអប់មាត់ ដូចជាមានបញ្ហាអណ្ដាត ឬក្រអូមមាត់
- ចុងអណ្តាតខ្លី
- បញ្ហាលើការស្ដាប់
- ការឆ្លងមេរោគក្នុងត្រចៀក
អត្ថបទគួរអាន៖
- ៥ តិចនិក ម៉ាក់ប៉ាលែងល្វីងមុខ ពេលអាអូនចាប់ផ្ដើមក្បាលខូច
- កុមារ ឬក្មេងជំទង់មានចរិតហិង្សា អាចមកពីកត្តាទាំងនេះ
- ប៉ុន្មានហេតុផលនេះ ប៉ាម៉ាក់ល្មមឈប់ដាក់ទណ្ឌកម្មកូនទៀតទៅ
- ម៉ាក់ប៉ាមករៀនតិចនិកទប់ស្កាត់ កូនៗឈ្លោះគ្នាជាមួយបងប្អូន
- មិនចង់ឲ្យកូនធំឡើងកោងកាច ម៉ាក់ប៉ាកុំធ្វើរឿងទាំងនេះនៅមុខកូន
- បើមិនចង់ឲ្យក្លាយជាក្មេងទម្រើស សាកប៉ុន្មានរបៀបនេះ
គន្លឹះជួយជំរុញការអភិវឌ្ឍលើការនិយាយស្ដីរបស់កូន
ផ្ដោតទៅលើការសន្ទនា៖ ដោយជជែកជាមួយកូន ច្រៀង ព្រមទាំងលើកទឹកចិត្តឲ្យកូនធ្វើត្រាប់តាមសំឡេង និងកាយវិការ។
អានសៀវភៅឲ្យកូនស្ដាប់៖ ចាប់ផ្ដើមអានសៀវភៅនៅពេលដែលកូននៅតូច និងស្វែងរកសៀវភៅដែលស័ក្ដិសមទៅនឹងវ័យរបស់កូន។
ដើម្បីពង្រឹងការនិយាយស្ដី និងភាសា ប៉ាម៉ាក់ចាំបាច់ត្រូវជជែកជាមួយកូន ដោយរៀបរាប់ឈ្មោះអាហារ សម្ភារៈ ពន្យល់ថាប៉ាម៉ាក់កំពុងតែធ្វើអ្វី ឬចង្អុលទៅវត្ថុងាយៗដែលនៅជុំវិញផ្ទះ ដើម្បីឲ្យកូនរៀននិយាយឲ្យបានច្រើន។
