ហេម៉ូហ្វីលា (Hemophilia) ជាជំងឺវិបត្តិហូរឈាមពីកំណើតដែលកើតទៅមានទៅលើក្មេងប្រុស ឯក្មេងស្រីអាចជាអ្នកផ្ទុក ដោយមិនចេញរោគសញ្ញា។ តាមការលើកឡើងរបស់ប្រធានផ្នែកជំងឺឈាមកុមារ នៃមន្ទីរពេទ្យកុមារជាតិ លោកសាស្ត្រាចារ្យ វេជ្ជបណ្ឌិត ជាន សុផល បើកើតជំងឺ Hemophilia នេះហើយ មិនអាចព្យាបាលជាដាច់ឡើយ ត្រូវការព្យាបាលអស់មួយជីវិត ហើយចំណាយថវិកាច្រើនទៀត។
ទារក ឬកុមារ បើកើតជំងឺឈាមម្យ៉ាងនេះហើយ ត្រូវព្យាបាលអស់មួយជីវិត
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
លោកវេជ្ជបណ្ឌិតបន្តថា ជា Hemophilia ជំងឺតពូជពីម្តាយទៅកូន មិនមែនពីឪពុកទៅកូនទេ ៧០% នៃជំងឺ Hemophilia គឺមានប្រវត្តិក្រុមគ្រួសារដែលកើតជំងឺហ្នឹងជាប្រភេទជំងឺហូរឈាម ឬក៏យើងហៅថា ឈាមក្រកក តែមិនមែនជាជំងឺឈាមរាវនោះទេ។ ចំណែក ៣០%ទៀត ជំងឺ Hemophilia កើតឡើងដោយសារបម្រែបម្រួលទៅលើក្រូម៉ូសូមដោយខ្លួនឯង។
លោកវេជ្ជបណ្ឌិតបានលើកឡើងថា អត្រានៅលើពិភពលោក រួមទាំងនៅប្រទេសកម្ពុជាយើងផង ក្នុងចំណោមក្មេងប្រុស ៥ពាន់នាក់ មានម្នាក់ កើតជំងឺ Hemophilia ហើយក្នុងនោះគេចែកក្មេងដែលមានជំងឺ Hemophilia ជា ៣ កម្រិត មានកម្រិតស្រាល ធម្យម និងធ្ងន់ធ្ងរ។
រោគសញ្ញាជំងឺ Hemophilia
– ឡើងជាំនៅពេលទង្គិចអ្វីមួយ
– ឧស្សាហ៍ហើមជង្គង់ កែងដៃ
– ឈាមក្រកក
– ឈាមហូរខុសប្រក្រតីនៅតាមមាត់ សន្លាក់ សាច់ដុំ
– ហើម ឬហូរឈាមខុសប្រក្រតីពេលចាក់វ៉ាក់សាំង
– មានឈាមនៅក្នុងទឹកនោម ឬលាមក។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម