ប៉ាម៉ាក់ភាគច្រើន នៅបច្ចុប្បន្ននេះ បញ្ជូនកូនតូចទៅសាលារៀន ឬមត្តេយ្យសិក្សា ទាំងមិនទាន់គ្រប់អាយុ ដោយសារចង់ឲ្យកូនតូចរៀនឆាប់ចេះ ស្គាល់វិន័យ សម្របខ្លួនជាមួយក្មេងដទៃ រួមជាមួយប៉ាម៉ាក់រវល់នឹងការងារ អត់មានពេលមើលថែកូនផងដែរ។
តើការបញ្ជូនកូនតូចទៅរៀនទាំងមិនទាន់គ្រប់អាយុដូច្នេះ ផ្ដល់ការវិវត្តអ្វីខ្លះ?
ដើម្បីឆ្លើយនឹងសំនួរនេះ យើងពិនិត្យលើការសិក្សាមួយរបស់អាមេរិក ក្រោម “គម្រោងការត្រៀមខ្លួនចូលរៀន Chicago” ដែលបានសិក្សាលើការចូលរៀនរបស់កុមារ ៤៦៦នាក់ អាយុ ៣-៤ឆ្នាំ អស់រយៈពេល ១០ឆ្នាំ។ កុមារតូចៗចំនួនពាក់កណ្ដាល បានចូលរៀនជាមួយគ្រូមានវិជ្ជាជីវៈខ្ពស់ និងបានបង្រៀនពីយុទ្ធសាស្ត្រវិន័យបែបវិជ្ជមាន រួមជាមួយការផ្ដល់ជំនួយគ្រប់គ្រងបញ្ហាស្ត្រេសនៅក្នុងថ្នាក់រៀន។ ចំណែកពាក់កណ្ដាលទៀត ចូលរៀនក្នុងថ្នាក់ដែលមានកម្មវិធីសិក្សាធម្មតា។
អ្នកស្រាវជ្រាវ រកឃើញថា កុមារតូចៗដែលមានរៀនជាមួយគ្រូមានវិជ្ជាជីវៈ មានវិន័យផ្ទាល់ខ្លួនល្អ និងមានមូលដ្ឋានក្នុងសិក្សាល្អ ជាងកុមារដែលរៀនក្នុងថ្នាក់មានកម្មវិធីសិក្សាធម្មតា។
ចង់គណនាថ្ងៃសម្រាលកូន ចុចទីនេះ!
ចង់គណនាទម្ងន់ស្រ្តីពពោះ ចុចទីនេះ!
ចង់គណនាថ្ងៃមេជីវិតញីទុំធ្លាក់ ចុចទីនេះ!
អ្នកនាំពាក្យសមាគមន៍ផ្នែកកុមារអាមេរិក P. Gail Williams បញ្ជាក់ថា ការចូលរៀនមុនគ្រប់អាយុ មានអត្ថប្រយោជន៍ជាច្រើន ដោយវាជួយឲ្យកុមារតូចៗ រៀនពីការទំនាក់ទំនងជាមួយក្មេងផ្សេងទៀត។ កុមារតូចៗ ចូលចិត្តលេងជាមួយគ្នា ហើយតាមរយៈការលេងនេះ វាជួយឲ្យកុមាររៀននិយាយពាក្យសម្ដីជាមួយកុមារផ្សេងទៀត។
អត្ថបទគួរអាន៖
- ៥ តិចនិក ម៉ាក់ប៉ាលែងល្វីងមុខ ពេលអាអូនចាប់ផ្ដើមក្បាលខូច
- កុមារ ឬក្មេងជំទង់មានចរិតហិង្សា អាចមកពីកត្តាទាំងនេះ
- ប៉ុន្មានហេតុផលនេះ ប៉ាម៉ាក់ល្មមឈប់ដាក់ទណ្ឌកម្មកូនទៀតទៅ
- ម៉ាក់ប៉ាមករៀនតិចនិកទប់ស្កាត់ កូនៗឈ្លោះគ្នាជាមួយបងប្អូន
- មិនចង់ឲ្យកូនធំឡើងកោងកាច ម៉ាក់ប៉ាកុំធ្វើរឿងទាំងនេះនៅមុខកូន
ចំណែកលោកស្រី Tara Phebus នាយក នៃវិទ្យាស្ថាន Nevada សម្រាប់គោលនយោបាយ និងការស្រាវជ្រាវលើកុមារ បញ្ជាក់ថា ការចូលរៀនមុនគ្រប់អាយុ ជួយបង្កើនការនិយាយពាក្យសម្ដី ជំនាញអាន ក៏ដូចជាការអភិវឌ្ឍជំនាញគណិតវិទ្យា ដូចជាការរាប់ រៀបចំ និងកត់ចំណាំ។
[embed-health-tool-vaccination-tool]
