ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ចែងថ្ងៃងាយកើតលើទារក និងកុមារតូចៗណាស់ដែលធ្វើឱ្យស្បែកអាអូនឡើងកន្ទួលក្រហមតូចៗ ហើយរមាស់។ តើចែងថ្ងៃបណ្តាលមកពីអ្វី? ម៉ាក់ប៉ាគួរថែទាំអាអូនបែបណាកុំឱ្យអាអូនឡើងចែងថ្ងៃ?
ម៉ាក់ប៉ាអាចការពារអាអូនពីការឡើងចែងថ្ងៃដោយ៖
ការស្លៀកសំលៀកបំពាក់ចង្អៀត ឬតឹងៗអាចបណ្តាលឱ្យស្បែកអាអូនរលាកដោយសារសំលៀកបំពាក់កកិតនឹងស្បែក។ ដូច្នេះ ម៉ាក់ប៉ាគួរស្លៀកសម្លៀកបំពាក់រលុងៗ រលោង ទន់ និងស្រាល ព្រោះថាសម្លៀកបំពាក់បែបនេះល្អចំពោះស្បែក ហើយអាចជួយការពារស្បែកអាអូនពីការរលាក និងបែកញើសច្រើនដែលបណ្តាលឱ្យឡើងចែងថ្ងៃ ជាពិសេសសម្លៀកបំពាក់ដែលធ្វើពីកប្បាស។
នៅខែក្តៅ ម៉ាក់ប៉ាគួរចៀសវាងពាក់ខោអាវឱ្យកូនច្រើនជាន់ ជាពិសេសទារក ព្រោះការពាក់សម្លៀកបំពាក់ច្រើនជាន់អាចធ្វើឱ្យអាអូនស្អុះ និងបែកញើសច្រើន ហើយបង្កឱ្យស្ទះរន្ធ ឬក្រពេញញើស នាំឲ្យកើតចែងថ្ងៃដែរ។
ពេលអាកាសធាតុក្តៅ ម៉ាក់ប៉ាគួរចៀសវាងងូតទឹកក្តៅឧណ្ហៗឱ្យអាអូន ហើយគួរប្រើសាប៊ូដែលមិនធ្វើឱ្យស្បែកប្រតិកម្ម ឬស្ងួត។ លើសពីនេះទៅទៀត បន្ទាប់ពីងូតទឹករួច ម៉ាក់ប៉ាគួរជូតខ្លូនអាអូនឱ្យស្ងួត ព្រោះអាកាសធាតុក្តៅបូកផ្សំនឹងសំណើមលើស្បែកអាចបណ្តាលឱ្យស្បែកអាអូនរលាក និងស្ទះរន្ធញើសដែលបង្កឱ្យឡើងចែងថ្ងៃ។
ចង់គណនាទម្ងន់ស្រ្តីពពោះ ចុចទីនេះ!
ចង់គណនាថ្ងៃមេជីវិតញីទុំធ្លាក់ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
អាកាសធាតុក្តៅបូកនឹងកម្តៅព្រះអាទិត្យទៀតអាចបណ្តាលឱ្យអាអូនបែកញើសច្រើន និងងាយឡើងចែងថ្ងៃណាស់។ ដូច្នេះ ម៉ាក់ប៉ាគួរចៀសវាងឱ្យអាអូនលេងក្រៅផ្ទះ ឬដើរក្រោមកម្តៅថ្ងៃ។ ម៉ាក់ប៉ាគួរឱ្យអាអូនលេង ឬនៅក្នុងម្លប់ដើម្បីកាត់បន្ថយការបែកញើស។
ម៉ាក់ប៉ាគួរឱ្យអាអូននៅកន្លែងដែលមានសីតុណ្ហភាពត្រជាក់ល្មម។ ម្យ៉ាងទៀត ម៉ាក់ប៉ាអាចបើកកង្ហារ ឬបង្អួចដើម្បីឱ្យមានខ្យល់ចេញចូលល្អដែលមិនបណ្តាលឱ្យអាអូនស្អុះ និងបែកញើស។
ម៉ាក់ប៉ាគួរចៀសវាងលាបឡេ ឬគ្រីមផ្តល់សំណើមដែលមានសាច់ឡេ ឬគ្រីមក្រាស់ឱ្យអាអូនព្រោះអាចបណ្តាលឱ្យស្ទះរន្ធញើស ឬក្រពេញញើសរបស់កូន ដែលនឹងបង្កឱ្យកើតចែងថ្ងៃ ជាពិសេសនៅរដូវក្តៅដែលជាពេលវេលាដែលអាអូនអាចបែកញើសច្រើន។
ចែងថ្ងៃកើតឡើងដោយសារការបែកញើសច្រើន ហើយស្ទះរន្ធញើស។ ដូច្នេះ ម៉ាក់ប៉ាគួរការពារអាអូនពីការបែកញើសច្រើន។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
