បើចេញសញ្ញាបែបនេះកុំទុកយូរ កូនអាចកើតជំងឺរលាកខួរក្បាល

    បើចេញសញ្ញាបែបនេះកុំទុកយូរ កូនអាចកើតជំងឺរលាកខួរក្បាល

    ជា​ទូទៅ អា​អូន​តូច​ៗ ងាយ​ឈឺ​ជំងឺ​ផ្សេងៗ​ញឹក​ញាប់​ដូច​ជា ផ្ដាសាយ គ្រុន​ក្ដៅ​អី​ធម្មតា គ្រាន់​តែលេបថ្នាំ​ក៏​អាច​ជា​ដែរ។ ប៉ុន្តែ ពេល​ខ្លះ​​កូនៗ​អាច​មាន​បញ្ហា​សុខភាព​គួរ​ឲ្យ​បារម្ភ​ដែល​ម៉ាក់​ប៉ាគួរ​យក​ចិត្ត​ទុក​ដាក់​ ​ព្រោះ​វា​អាច​ប៉ះពាល់​ដល់​កូន​ខ្លាំង​ដូច​ជំងឺ​រលាក​ខួរ​ក្បាល​ជាដើម។

    ទាក់​ទង​នឹង​បញ្ហា​នេះ លោក​វេជ្ជបណ្ឌិត ហ៊ាង រតនា ឯក​ទេស​ជំងឺ​ទូទៅ បាន​ឲ្យ​ដឹង​ថា ធម្មតា ក្មេង​តូចៗ​ដែល​កើត​ជំងឺ​រលាក​ខួរ​ក្បាល ភាគ​ច្រើន​ចេញ​រោគ​សញ្ញា​ស្រដៀង​ទៅ​នឹង​ជំងឺ​ស្រាល​ៗដែរ តែ​ប្រសិន​បើ​កូន​ចេញ​រោគ​សញ្ញា​ដូច​ការ​រៀប​រាប់​ខាង​ក្រោម​នេះ ម៉ាក់​ប៉ា​មិន​ត្រូវ​ធ្វេស​ប្រហែស​ឡើយ​មាន៖

    រោគ​សញ្ញាជំងឺរលាកខួរក្បាល​ទូទៅ៖

    – ឈឺ​ក្បាល
    – ក្ដៅ​ខ្លួន
    – ចង់​ក្អួត

    រោគ​សញ្ញា​អាសន្នជំងឺរលាកខួរក្បាល៖

    – មិន​ស្រួល​ខ្លួន
    – មិន​ឆ្លើយ​តប​ដូច​ធម្មតា
    – ហត់ៗ អស់​កម្លាំង ខ្សោយ
    – ត្អូញ​ឈឺ​ក្បាល​ញឹក​ញាប់
    ប្រកាច់។ល។

    ចង់គណនាថ្ងៃមេជីវិតញីទុំធ្លាក់ ចុចទីនេះ!
    ចង់គណនាថ្ងៃសម្រាលកូន ចុចទីនេះ!
    ចង់គណនាទម្ងន់ស្រ្តីពពោះ ចុចទីនេះ!
    ចង់ដឹងអត្ថន័យពណ៌ និងរូបរាងលាមកទារក ចុចទីនេះ!

    ក្នុង​ករណី​ដែល​កូន​ចេញ​សញ្ញា​អស់​នេះ ម៉ាក់​ប៉ា​ត្រូវ​នាំ​កូន​ទៅ​ជួប​គ្រូ​ពេទ្យ​ជំនាញ​ជា​បន្ទាន់ ដើម្បី​ធ្វើ​រោគ​វិនិច្ឆ័យ និងព្យាបាល​ទាន់​ពេល ចៀស​វាង​អាការៈ​កូន​កាន់​តែ​ធ្ងន់ធ្ងរ​លើស​ដើម។

    លោក​វេជ្ជបណ្ឌិត បញ្ជាក់​ថា អា​អូន​តូចៗ​ដែល​កើត​ជំងឺ​រលាក​ខួរ​ក្បាល​នេះ មាន​ហានិភ័យ​ខ្ពស់​ប្រឈម​នឹង​គ្រោះ​ថ្នាក់​ដល់​ជីវិត​ ហើយ​ក្រោយ​ពី​កើត​ជំងឺ​នេះ វា​អាច​បណ្ដាល​ឲ្យ​កូនៗ​ទៅ​ជា៖

    – ពិការ​អវយវៈ
    – ពិការ​ប្រាជ្ញា
    – មាន​ភាគ​រយ​ខ្ពស់​ក្លាយ​ជា​មនុស្ស​រុក្ខជាតិ។

    ម៉ាក់​ប៉ា​ត្រូវ​ដឹង​ថា កូន​ៗ​ដែល​កើត​ជំងឺ​រលាក​ខួរ​ក្បាល​នេះ ភាគ​ច្រើន​បណ្ដាល​មក​ពី​មូល​ហេតុ​ដូច​ជា ខ្វះ​អនាម័យ ឆ្លង​មេរោគ ខ្វះ​អាហារូបត្ថម្ភ និង​ចាក់​វ៉ាក់សាំង​មិន​គ្រប់​គ្រាន់​ជាដើម។

    ពី​ជំងឺរលាកខួរក្បាលផ្សេងទៀត៖

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ប្រភព

    Meningitis in Children – https://www.stanfordchildrens.org/en/topic/default?id=meningitis-in-children-90-P02528#:~:text=Meningitis%20is%20most%20often%20caused,with%20a%20weak%20immune%20system.
    Meningitis – Symptoms – https://www.nhs.uk/conditions/meningitis/symptoms/
    Meningitis Signs and Symptoms in Children – https://www.meningitisnow.org/meningitis-explained/signs-and-symptoms/signs-and-symptoms-children/
    Kids Health Information : Meningitis – https://www.rch.org.au/kidsinfo/fact_sheets/Meningitis/

    រូបថត​របស់​អ្នក​និពន្ធbadge
    ដោយ នាង សុខុមដាលីញ៉ា កែសម្រួល​ចុងក្រោយ 05/10/2022
    ត្រួតពិនិត្យដោយ វេជ្ជ. ចាន់ ស៊ីណេត