បើពុលស្រា អាចធ្វើឲ្យយើងប្រឈមនឹងគ្រោះថ្នាក់ខ្លាំងដែរអត់?
លោកវេជ្ជបណ្ឌិត បន្តថា ការពុលស្រាអាចធ្វើឲ្យយើងប្រឈមនឹងគ្រោះថ្នាក់ខ្ពស់ដូច គាំងបេះដូង ប្រកាច់ដោយសារជាតិស្ករចុះទាប រាងកាយចុះត្រជាក់ខ្លាំង បាត់បង់ជាតិទឹក (អាចខូចខួរក្បាលរហូត បើធ្ងន់ធ្ងរ) ស្លាក់នឹងកម្អួត ឬហឺតយកកម្អួតខ្លួនឯង បណ្ដាលឲ្យស្លាប់ដោយសារស្ទះ និងខូចខាតសួត។
ក្នុងករណីដែលយើងផឹកស្រាច្រើនហួសហេតុ ឬពុលស្រាខ្លាំង ត្រូវរកគ្រូពេទ្យឲ្យជួយ ឬមួយក៏ជូនអ្នកពុលស្រាទៅមន្ទីរពេទ្យផ្ទាល់ ហើយត្រូវចាំថា មិនត្រូវផ្ដល់អាហារ ភេសជ្ជៈ ឬថ្នាំពេទ្យ ទៅជនរងគ្រោះឡើយ ព្រោះវាសុទ្ធតែអាចធ្វើឲ្យអ្នកពុលស្រា កាន់តែប្រឈមគ្រោះថ្នាក់ខ្លាំងថែមទៀត។