បញ្ហាឆ្អឹងថ្គាម សំដៅលើអាការៈឈឺ ឬជាប់ឆ្អឹងថ្គាម ជាភាសាបច្ចេកទេស Temporomandibular joint ឬ (TMJ, TMD) ខណៈរោគសញ្ញាអាចមានខុសៗគ្នា ហើយអាចប៉ះពាល់ដល់ថ្គាម និងមាត់។
រោគសញ្ញាទូទៅនៃបញ្ហាឆ្អឹងថ្គាម (TMD) រួមមាន សង្កៀតធ្មេញ (Clenching Teeth) ឈឺថ្គាមញឹកញាប់ខុសធម្មតា ឈឺក្បាល ពិបាកធ្វើចលនាបើកបិទមាត់ ហើយពេលខ្លះក៏អាច ឮសំឡេងនៅពេលទំពា ឬហ៊ឹងត្រចៀកផងដែរ។ បើគិតថាយើងកំពុងមានបញ្ហានេះ ល្អបំផុតគួរត្រួតពិនិត្យទម្លាប់ការញ៉ាំអាហារឡើងវិញ។
ដោយការញ៉ាំអាហារទន់ៗ បានកាត់តូចៗរួចស្រេច អាចជួយយើងកាត់បន្ថយកម្លាំងសង្កត់លើសន្លាក់ ដែលមាននាទីធ្វើឲ្យថ្គាមបើក និងបិទ ជួយធ្វើឲ្យសន្លាក់ អាចសម្រាកបានពេលកាន់តែច្រើន។ មានអាហារជីវជាតិជាច្រើន អាចសាកល្បងញ៉ាំ ដើម្បីចៀសវាង ឬកាត់បន្ថយរោគសញ្ញាបញ្ហាឆ្អឹងថ្គាមនេះ។