គ្រុនពោះវៀនជាជំងឺដែលគេឧស្សាហ៍កើតមានញឹកញាប់ទាំងលើកូនក្មេង និងមនុស្សធំ វាបង្កឡើងដោយបាក់តេរីឈ្មោះ Salmonella Typhi។ តាមប្រភពផេកហ្វេសប៊ុករបស់មន្ទីរពេទ្យកាល់ម៉ែត ជំងឺគ្រុនពោះវៀនជាជំងឺឆ្លង ដែលគំរាមកំហែងដល់អាយុជីវិត បើយើងព្យាបាលមិនទាន់ពេល និងត្រឹមត្រូវ។
១. មូលហេតុនាំឲ្យកើតជំងឺគ្រុនពោះវៀន
ជំងឺគ្រុនពោះវៀនឆ្លងតាមរយៈការបរិភោគទឹក ឬអាហារដែលមានផ្ទុកនូវពពួកមេរោគ Salmonella ឬប៉ះពាល់ជាមួយមេរោគគ្រុនពោះវៀន ដែលមាននៅកន្លែងមិនស្អាត និងក្នុងបរិយាកាសជុំវិញខ្លួនយើង។
២. រោគសញ្ញាជំងឺគ្រុនពោះវៀន
– ក្តៅខ្លួន ៣៩-៤០ អង្សារសេ
– កម្តៅ និងជីពចរមិនស៊ីសង្វាក់គ្នា
– អស់កម្លាំង
– ចង្អោរ
– ពិបាកបន្ទោរបង់ ឬរាករូស
– មានកន្ទួលក្រហមនៅលើស្បែក ពិសេសស្បែកពោះ (ករណីតិចតួច)។
[embed-health-tool-heart-rate]
៣. ការធ្វើរោគវិនិច្ឆ័យ និងវិធីសាស្ត្រព្យាបាល
ក្រៅពីសាកសួរនូវរោគសញ្ញា គ្រូពេទ្យអាចនឹងពិនិត្យឈាម ពិនិត្យលាមក និងបណ្ដុះមេរោគ ដើម្បីដឹងពីប្រភេទមេរោគ ប្រើថ្នាំសម្លាប់មេរោគបានត្រឹមត្រូវ។ ក្រោយដឹងពីប្រភេទមេរោគហើយ គ្រូពេទ្យអាចព្យាបាលដោយប្រើថ្នាំផ្សះ (Antibiotic) ដើម្បីសម្លាប់មេរោគ ចំណែករយៈពេលនៃការព្យាបាល អាស្រ័យទៅលើស្ថានភាពរបស់អ្នកជំងឺ មិនសូវធ្ងន់ធ្ងរ ឬធ្ងន់ធ្ងរ។
កម្មវិធីពិនិត្យជំងឺបម្រុងទឹកនោមផ្អែមអនឡាញ
កម្មវិធីពិនិត្យបញ្ហាលិង្គមិនឡើងរឹងអនឡាញ
៤. វិធីបង្ការជំងឺគ្រុនពោះវៀន
វិធីបង្ការជំងឺគ្រុនពោះវៀនមិនស្មុគស្មាញនោះទេ គ្រាន់តែយើងបង្កើនទម្លាប់ល្អក្នុងការធ្វើអនាម័យ ជាពិសេសលាងដៃនឹងសាប៊ូក្រោយពេលបន្ទោរបង់រួច និងមុនពេលញ៉ាំអាហារ ហើយត្រូវផឹកទឹកស្អាត និងញ៉ាំចំណីអាហារដែលឆ្អិនល្អ។ ក្រៅពីនោះយើងអាចចាក់វ៉ាក់សាំងការពារជំងឺគ្រុនពោះវៀនដែលមាន២ប្រភេទ គឺប្រភេទចាក់ និងថ្នាំគ្រាប់ ដែលប្រសិទ្ធភាពរបស់វ៉ាក់សាំងប្រភេទនេះ អាចការពារបានត្រឹមតែ ៥០% ទៅ ៦០% ប៉ុណ្ណោះ។
អត្ថបទពាក់ព័ន្ធ៖
- រលាកខ្នែងពោះវៀន បើវះកាត់មិនទាន់ពេល អាចស្លាប់បាន
- ឧស្សាហ៍រាក មិនកាត់បន្ថយអាហារទាំងនេះ ប្រយ័ត្នខូចពោះវៀន
- ឈឺក្នុងពោះ ឬបត់ជើងធំប្រែប្រួល អាចជារោគសញ្ញារលាកពោះវៀនរ៉ាំរ៉ៃ
- កូនឧស្សាហ៍រាក ឬឈឺពោះញឹក អាចមានបញ្ហារលាកពោះវៀនរ៉ាំរ៉ៃ
- អ្នកវិទ្យាសាស្រ្តរកឃើញតម្រុយបង្ការជំងឺមហារីកពោះវៀនធំ
- Crohn Disease Surgery (វះកាត់ជំងឺរលាកពោះវៀនរ៉ាំរ៉ៃ)
ចំណុចសំខាន់
– ជំងឺគ្រុនពោះវៀនឆ្លងតាមរយៈ៖
- ការញុំាទឹក ឬអាហារដែលមានផ្ទុកនូវពពួកមេរោគ Salmonella
- ឬប៉ះពាល់ជាមួយមេរោគគ្រុនពោះវៀនដែលមាននៅកន្លែងមិនស្អាត និងក្នុងបរិយាកាសជុំវិញខ្លួនយើង
- លាងដៃនឹងសាប៊ូក្រោយពេលបន្ទោរបង់រួច និងមុនពេលញ៉ាំអាហារ
- ញុំាទឹកស្អាត និងញ៉ាំចំណីអាហារដែលឆ្អិនល្អ
- ចាក់វ៉ាក់សាំងការពារជំងឺគ្រុនពោះវៀន
