ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ថ្វីត្បិតតែបានជាសះស្បើយពីកូវីដ-១៩យ៉ាងណាក្ដី ប៉ុន្តែរាងកាយយើងអាចនៅមានរោគសញ្ញាមួយចំនួនដែលប៉ះពាល់ដល់ការប្រកបកិច្ចការប្រចាំថ្ងៃ។ ជាទូទៅ រោគសញ្ញាកូវីដ-១៩ រយៈពេលវែង មានការពិបាកក្នុងការគ្រប់គ្រង ប៉ុន្តែបើយើងបានដឹងពីរោគសញ្ញាទាំងនេះនៅដំណាក់កាលដំបូង អាចកាត់បន្ថយផលវិបាកបានខ្លះដែរ។
រោគសញ្ញានៃកូវីដ-១៩រយៈពេលវែង កើតឡើងនៅពេលដែលរោគសញ្ញាជាក់លាក់នៃវីរុសកូវីដ-១៩នៅតែបន្តជាច្រើនខែ ទោះបីជាយើងជាសះស្បើយហើយក៏ដោយ។ ជាធម្មតា រោគសញ្ញាដែលនៅតែលេចឡើង ក្រោយពេលដែលយើងជាសះស្បើយពីកូវីដ-១៩ រួមមាន៖
កន្លងមក អ្នកជំនាញបានបញ្ជាក់តែរោគសញ្ញាខាងលើប៉ុណ្ណោះ។ ប៉ុន្តែ ថ្មីៗនេះ តាមការសិក្សាបានបង្ហាញថា ក្រោយជាសះស្បើយពីវីរុសកូវីដ-១៩ អ្នកជំងឺនៅអាចមានរោគសញ្ញាថ្មីៗមួយចំនួនទៀត។
ស្ថានភាពធ្ងន់ធ្ងរ និងអាចគ្រោះថ្នាក់ដល់ជីវិត ដែលកើតឡើងក្រោយជាសះស្បើយពីកូវីដ-១៩ គឺការខូចសរសៃប្រសាទ។ ពិតណាស់ មេរោគកូវីដ-១៩ មានឥទ្ធិពលក្នុងការបំផ្លាញផ្នែកជាច្រើននៃរាងកាយ រួមទាំងសរសៃប្រសាទ។ អ្នកស្រាវជ្រាវនៅមន្ទីរពេទ្យទូទៅ Massachusetts និងវិទ្យាស្ថានជាតិសុខភាពបានបង្ហាញពីភស្តុតាងនៃជំងឺប្រព័ន្ធប្រសាទ ដែលកើតលើអ្នកដែលបានជាសះស្បើយ។ រោគសញ្ញានៃផលវិបាកមួយនេះ គឺខ្សោយ ឈឺចាប់នៅដៃ និងជើង ព្រមទាំងអស់កម្លាំង។
កម្មវិធីពិនិត្យជំងឺបម្រុងទឹកនោមផ្អែមអនឡាញ
កម្មវិធីពិនិត្យបញ្ហាលិង្គមិនឡើងរឹងអនឡាញ
កម្មវិធីពិនិត្យគ្រោះថ្នាក់ជំងឺកូវីដ-១៩ អនឡាញ
ទន្ទឹមនឹងនេះដែរ ផលវិបាកធ្ងន់ធ្ងរមួយទៀតក្រោយជាសះស្បើយពីកូវីដ-១៩ គឺជំងឺបាក់ទឹកចិត្ត ថប់បារម្ភ ឬប្រែប្រួលអារម្មណ៍ញឹកញាប់។ យោងតាមការសិក្សាមួយបានឲ្យដឹងថា អ្នកដែលឆ្លងវីរុសកូវីដ-១៩ អាចជួបប្រទះការថប់បារម្ភដល់ទៅ៣ដង ខ្ពស់ជាងមនុស្សធម្មតា ហើយការបាក់ទឹកចិត្តដល់ទៅ២ដង ខ្ពស់ជាងអ្នកដែលមិនធ្លាប់កើតកូវីដ-១៩ ទាល់តែសោះ។
អានបន្ថែម៖
កូវីដ-១៩ មិនត្រឹមតែប៉ះពាល់ដល់សួត និងបេះដូងប៉ុណ្ណោះទេ វាក៏ធ្វើឲ្យរាងកាយរបស់យើងជួបប្រទះបញ្ហាផ្លូវចិត្តធ្ងន់ធ្ងរផងដែរ។ ជាក់ស្ដែង កូវីដអាចបង្កផលប៉ះពាល់ដល់ខួរក្បាល និងបង្កជារោគសញ្ញាមួយចំនួនដូចជាពិបាកផ្ចង់អារម្មណ៍ បញ្ហានៃការចងចាំ អស់កម្លាំង បញ្ហាអាកប្បកិរិយា និងរោគសញ្ញានៃប្រព័ន្ធសរសៃប្រសាទផ្សេងទៀត។
ការឈឺចាប់ភ្លាមៗ ឬឈឺឆៀបៗពេលអង្គុយយូរ អាចជារោគសញ្ញានៃជំងឺកូវីដ-១៩ រយៈពេលវែងដូចគ្នា។ បើតាមរបាយការណ៍របស់សាកលវិទ្យាល័យMichigan បានបង្ហាញថា អាការៈស្ពឹករ៉ាំរ៉ៃ ឬឈឺឆៀបៗ ក៏អាចជារោគសញ្ញានៃជំងឺមួយចំនួនដូចជា គ្រោះថ្នាក់សរសៃឈាមខួរក្បាល ដុំសាច់ និងជំងឺប៉ះពាល់ដល់ប្រព័ន្ធខួរក្បាលនិងឆ្អឹងខ្នង ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
