ជំងឺឆ្លង

អំឡុងពេល​វីរុស COVID-19 កំពុងរាលដាល​ទូទាំង​ពិភពលោក មនុស្សជាច្រើន​បារម្ភពីការឆ្លងវីរុសនេះ។ក្នុងនោះអ្នក​មាន​ជំងឺ​លើសឈាម​រឹតតែគួឲ្យបាម្ភ ព្រោះថា​អ្នកមានជំងឺនេះ​គឺ​មាន​ហានិភ័យ​ខ្ពស់​នៃ​ផលវិបាក​ធ្ងន់ធ្ងរ​ប្រសិនជា​​ឆ្លង​វីរុស COVID-19 ឬក៏កើតស្រេ្តសដោយសារបារម្ភច្រើនពីបញ្ហាវីរុសនេះ​។ វេជ្ជបណ្ឌិត Maria Carolina Delgado-Lelievre សាស្ត្រាចារ្យ​ផ្នែក​វេជ្ជសាស្ត្រ​នៅ​សាកលវិទ្យាល័យ​វេជ្ជសាស្ត្រ​ Miami’s Miller បាន​និយាយ​ថា​ប្រសិន​ជាយើង​មាន​ជំងឺ​ដែល​មាន​ការ​ខូចខាត​ដល់​សួត យើង​ត្រូវការ​បេះដូង​ដែល​មាន​សុខភាព​ល្អ​ក្នុង​ការ​ឆ្លើយតប​ទៅ​នឹង​វីរុស។ ប៉ុន្តែ​សម្រាប់​អ្នក​មាន​ជំងឺ​លើស​ឈាម​ វីរុស COVID-19 អាច​ធ្វើឲ្យ​ប៉ះពាល់​ដល់​សរីរាង្គ​ផ្សេងៗ នេះ​មក​ពី​សុខភាព​បេះដូង​ខ្សោយ។ ជំងឺ​លើស​ឈាម​គឺជា​ជំងឺ​ទូទៅមួយ​ប្រភេទ​នៃ​ជំងឺ​បេះដូង និង​កើត​មាន​នៅ​ពេល​មនុស្ស​យើងចាស់ទៅ​។ ​នេះ​មាន​ន័យ​ថា​មនុស្ស​ជា​ច្រើន​មាន​ជំងឺ​លើស​ឈាម និងមនុស្ស​វ័យ​ចំណាស់​​គេ​ជឿថា​មាន​ហានិភ័យ​ខ្ពស់​ក្រោយ​​ការឆ្លង​វីរុស COVID-19។ អត្ថបទពាក់ព័ន្ធ៖ នេះជាដំណើរការ COVID-19 បំផ្លាញសរីរាង្គយើងពេលចូល​ក្នុង​ខ្លួន វីរុស Covid-19 អាច​សម្ងំ​ក្នុង​ខ្លួន​យើងដល់​ទៅ ២៧​ថ្ងៃ ទើប​​ចេញ​រោគ​សញ្ញា មនុស្សប្រភេទណា ងាយប្រឈមនឹងការឆ្លងវីរុសកូរ៉ូណាថ្មី? ដឹង​ពី​រោគសញ្ញា​ជាមុន និង​ការ​វាស់​​សម្ពាធ​ឈាម ជំងឺលើស​ឈាម​កើត​ឡើង​នៅ​ពេល​មាន​ភាព​មិន​ប្រក្រតី​នៃ​សរសៃឈាម​ដែល​អាច​ប៉ះពាល់​ដល់​ការ​បញ្ជូន​អុកស៊ីសែន​ទៅ​ក្នុង​កោសិកា។ ការ​មាន​កម្រិត​អុកស៊ីសែន​ក្នុង​ឈាម​ទាប​គឺ​កើត​មាន​ជា​ទូទៅ​ទៅ​លើ​អ្នក​សម្រាក​នៅ​មន្ទីរពេទ្យ​ពេល​ឆ្លង​វីរុស COVID-19 នេះយោង​តាម​ការសិក្សា​ទៅ​លើ​អ្នក​ជំងឺ​នៅ​ទីក្រុង​អ៊ូហាន ប្រទេស​ចិន។   ជំងឺ​លើសឈាម​អាច​នឹង​មិន​មាន​រោគសញ្ញា​ដែល​អាច​សម្គាល់​បាន ដូចនេះ​វិធី​ដែល​ល្អបំផុត​ក្នុង​ការ​ដឹង​គឺ​វាស់​សម្ពាធឈាម។ ប្រសិន​ជា​ពេលយើងវាស់សម្ពាធឈាម​ហើយ​ទទួល​បាន​លទ្ធផល ១២០/៨០ នោះ​មាន​ន័យ​ថាយើង​កំពុង​មាន​សម្ពាធ​ឈាម​ខ្ពស់​ហើយ។ សម្ពាធ​ឈាម​មួយ​ចំនួន​ដែល​វាស់​ឃើញ១២០ លើ៨០​គឺ​អាច​ចាត់​ទុក​ថា​ឡើង​ឈាម​ហើយ​នេះ​បើ​តាម​ការ​បញ្ជាក់​​របស់​ វេជ្ជបណ្ឌិត Delgado lelievre។ ការ​ឡើង​ចាប់​ពី​ចំណុច​នេះ​កម្រិត​ដំបូង​នៃ​ជំងឺ​លើស​ឈាម​គឺ​គេ​កំណត់​ចាប់​ពី១៣០ ឬ​ខ្ពស់​ជាង​នេះ​សម្រាប់ Systolic (លេខ​ខាង​លើ) និង ៨០ ឬ​ខ្ពស់​ជាង​នេះ​សម្រាប់ Diastolic (លេខ​ខាង​ក្រោម) […]

ជំងឺ​រើមបង្កឡើង​ដោយវីរុស Varicella-zoster ​ដូច​គ្នា​ទៅ​នឹង​​ជំងឺ​អុតស្វាយដែរ តែ​បើ​និយាយ​ឲ្យ​ស្រួល​ស្ដាប់​ទៅវានៅក្នុងអម្បូរតែមួយ។ អ្នកកើត​ជំងឺ​នេះ​​សុទ្ធ​សឹង​តែ​ជា​អ្នក​ដែល​​ធ្លាប់​កើត​មាន​ជំងឺ​អុត​ស្វាយ​ ព្រោះ​វា​បង្ក​​ឡើង​​​​​​​​​​ដោយ​វី​​រុស​ដូច​គ្នា។ លោក​វេជ្ជបណ្ឌិត ហ៊ាង រតនា ឯកទេស​ទូទៅ​ថា ផល​វិបាក​នៃ​ជំងឺ​រើម គឺ​ឈឺ ក្តៅ មានលេចចេញពងទឹកតូចៗ ធ្វើឲ្យ​ស្បែក​ខូច​ដោយ​បន្សល់​ស្លាកស្នាម។ តែ​ទាស់​ត្រង់​ថា​អ្នក​ខ្លះ​ទៅ​រក​ពេទ្យ​​ឲ្យ​ព្យាបាល និង​អ្នក​ខ្លះ​ទៀត​នៅ​ធ្វើ​តាម​បែប​បុរាណ​ទៅ​រក​គ្រូ​ស្ដោះ ផ្លុំ ឬ​វ៉ៃ​ឲ្យ​ឆាប់​ចេញ​អស់។ ទង្វើ​បែប​នេះ​ លោកថា អាច​ឈឺ​លើស​​ដើម​ទៅ​វិញ។ អត្ថបទពាក់ព័ន្ធ: ល្អ​មែន​ទែន ទឹកឃ្មុំ​ជួយ​ព្យាបាល​រើម​លើ​មាត់ ដូច​ថ្នាំ​ដែរ ឆ្ងល់អត់ ម៉េចបានកើតភ្លឺ? ធ្វើម៉េចឆាប់បាត់? កើតរើមត្រូវទៅពេទ្យ កុំទៅរកគ្រូស្ដោះផ្លុំ វ៉ៃ ប្រយ័ត្នលើសដើម បើម្តាយមានជំងឺទាំងនេះ អាចឆ្លងដល់កូនក្នុងផ្ទៃបាន ម៉ាក់ប៉ាកុំថើបមាត់កូនឲ្យសោះ មានមេរោគជាច្រើនឆ្លងតាមផ្លូវដង្ហើម

នៅ​ក្នុង​អំឡុង​ពេល COVID-19 នេះ ម្នាក់​ៗ​ពិតជា​ខ្លាច​ឆ្លង ដូចនេះ​ហើយ​ជា​ខិតខំ​ធ្វើអនាម័យខ្លួនប្រាណដោយលាង​សម្អាត​ដៃ​ជាមួយ​ទឹក​អាល់កុល ជែល  ហើយ​មនុស្ស​ភាគច្រើន​ជួប​បញ្ហា​ស្ងួត របក ប្រេះ​ទៅ​វិញ ព្រោះតែ​ត្រូវ​លាង​សម្អាត​ញឹកញាប់​ខ្លាំង​ពេក។ លោក​វេជ្ជបណ្ឌិត ហ៊ាង រតនា ឯកទេស​ជំងឺ​ទូទៅ​បាន​ឲ្យ​ដឹង​ថា អាចមកពីកត្តា ៣ យ៉ាង ទី១មកពីយើង​លាង​អាល់កុល ឬ​ជែល បណ្ដាល​ឲ្យ​ស្ងួត មកពី​ទិញ​ផលិតផល​មិន​សុទ្ធ គឺ​ទឹក​អាល់កុល និង​ជែល មាន​លាយ​ជាមួយ​មេតាណុល ដែល​ជា​មូលហេតុ​នាំ​ឲ្យ​មាន​បញ្ហា​បែប​នោះ។ ចំណែក​មូលហេតុ​ទី២ វិញលោក​បាន​បន្ត​​ថា អាច​មកពី​ដៃ​យើង​មាន​ស្បែក​ស្ដើង ឬ​ងាយ​ប្រតិកម្ម​ជាមួយ​សារធាតុ​សម្លាប់​មេរោគ​ទាំង​នោះ ទៀត​មិន​អាច​ទ្រាំទ្រ​នឹង​ជាតិ​កាត់​ទាំង​នោះ។ ប្រសិនបើ​យើងនៅតែ​មាន​បញ្ហា​មិន​ធូរស្រាល​សោះ អាច​មកពី​កត្តាទី ៣ អាលែកហ្ស៊ី​ជាមួយ​ផលិតផល​ប្រភេទ​នោះ ដូចនេះ​ព្យាយាម​ស្វែង​រក​ផលិតផល​ល្អ ដែល​លក់​នៅ​តាម​ឱសថ​ស្ថាន ព្រោះ​កន្លែង​ទាំង​នោះ​ភាគច្រើន​លក់​ផលិតផល​ត្រូវ​បាន​ទទួល​បាន​ការ​អនុញ្ញាត និង​ទទួល​ស្គាល់​ពី​ក្រសួង​ត្រឹមត្រូវ។ ដើម្បី​ដោះស្រាយ​បញ្ហា​នេះ វេជ្ជបណ្ឌិត​រូប​នោះ​បាន​ឲ្យ​ជា​ដំបូន្មាន​ថា ក្រោយ​លាង​សម្អាត​ដៃរួច យើង​អាច​រក​ក្រែម​ផ្ដល់​សំណើម​ដល់​ស្បែក​មក​លាប ឬ​ទិញ​ឡេ​លាប​ប្រអប់​ដៃ​មក​លេប​ពី​លើ។ ក្រៅ​ពី​នោះ​យើង​អាច​យក​វីតាមីន E ឬ​ប្រេង​ដូង អូលីវ អាល់ម៉ុង ជាដើម។ អត្ថបទពាក់ព័ន្ធ៖ ដំបូន្មានល្អៗ ជុំវិញវិធីបង្ការកូនពីវីរុស COVID-19 ការព្យាបាលអ្នកជំងឺ COVID-19 ជា អាស្រ័យលើកត្តា ៣ យ៉ាង ដំណាក់កាលនេះ បើកូនឈឺ ត្រូវនាំទៅពេទ្យ […]

គ្នា​យើង​ខ្លះ​ក្រោយ​ពី​លាង​ដៃហើយ ​អ្នក​ខ្លះក៏និយម​ប្រើម៉ាស៊ីនសម្ងួត​ដៃ និង​ខ្លះទៀត​ក៏ប្រើក្រដាសជូតដៃវិញ។ តើមួយណាល្អប្រើជាង? ក្រុម​អ្នក​​ស្រាវជ្រាវ​វិទ្យាសាស្រ្ត​​​បាន​បង្ហាញ​នូវ លទ្ធផល​ស្រាវជ្រាវ​មួយ​​ថា ក្រដាស​​ជូត ដើម្បី​សម្ងួត​ គឺ​ជា​ជម្រើស​ប្រសើរ​ជាង​ ម៉ាស៊ីន​សម្ងួត។ ក្រុម​អ្នក​ស្រាវជ្រាវ​នៃ​សាកលវិទ្យាល័យ Leeds នៃ​ចក្រភព​អង់គ្លេស បាន​ដាក់​ម៉ាស៊ីន​​អតិសុខុមទស្សន៍​ (មីក្រូស្កូប) ពិនិត្យ​មើល​លើ​ដំណើរ​នៃ​មេរោគ លើ​ម៉ាស៊ីន​​ផ្លុំ​សម្ងួត​ដៃ និង​​ក្រដាស​អនាម័យ​​ជូត​សម្ងួត​ដៃ ក្នុង​បំណង​ប្រៀប​​ធៀប​រក​​ឱ្យ​ឃើញ​ថា តើ​វិធី​សម្ងួត​ដៃ​មួយ​ណា ដែល​​បន្ថយ​ហានិភ័យ​​មេរោគ​បាន​ប្រសើរ​ជាង។ អត្ថបទពាក់ព័ន្ធ៖ បើខោអាវជាប់សំណាកអ្នកផ្ទុក COVID-19 ហើយយកទៅហាលថ្ងៃ មេរោគងាប់អត់? តើពេលឈឺអាចបន្តការហាត់ប្រាណបានដែរឬទេ? ក្រុម​អ្នក​ស្រាវជ្រាវ​បាន​​តាម​ដាន​ទៅ​លើ​ អ្នក​ស្ម័គ្រ​ចិត្ត​៤​នាក់ ដោយ​ឲ្យ​អ្នកទាំងនោះលាង​សម្អាត​ដៃ និង​សម្ងួត​ដៃ ដោយ​ប្រើ​​ម៉ាស៊ីន​ផ្លុំ​​សម្ងួត ឬ​ក្រដាស​ជូត​សម្ងួត​តាម​ទម្លាប់​ធម្មតា​របស់​​ខ្លួន។ បន្ទាប់​មក​ អ្នក​ស្រាវជ្រាវ​បាន​​ទៅ​ ប្រមូល​​ទិន្នន័យ​​ ដោយ​ពិនិត្យ​មើល​វត្ថុ និង​កន្លែង​​ដែល​​អ្នក​ស្ម័គ្រ​ចិត្ត​ប៉ះ​ពាល់​ក្រោយ​លាង​សម្អាត​ដៃ​ភ្លាម​ៗ មាន​ទាំង​ ដៃ​ទ្វារ កៅ​អី ទូរសព្ទ​ -ល- បាន​រក​ឃើញ​ថា ការ​សម្ងួត​ដៃ​ដោយ​ម៉ាស៊ីន គឺ​សល់​ហានិភ័យ​មេរោគ​ច្រើន​ជាង ប្រើ​ប្រៀប​នឹង​ការ​សម្ងួត​ដៃ​ដោយ​ក្រដាស​អនាម័យ។ អត្ថបទពាក់ព័ន្ធ៖ ការព្យាបាលអ្នកជំងឺ COVID-19 ជា អាស្រ័យលើកត្តា ៣ យ៉ាង ៤ កន្លែងត្រូវប្រយ័ត្ន ខ្លាចឆ្លង COVID-19 ដោយមិនដឹងខ្លួន ដំបូន្មានល្អៗ ជុំវិញវិធីបង្ការកូនពីវីរុស COVID-19 ​ករណី​ខាង​លើ លោក​វេជ្ជបណ្ឌិត Graham […]

កន្លង​មក​មាន​មតិ​មួយ​ចំនួន​លើក​ឡើង​ថា ប្រទេស​ដែល​មាន​អាកាសធាតុ​ក្ដៅ COVID-19 មិន​អាច​ឆ្លង​បាន​ទេ។ តែ​អង្គការ​សុខភាព​ពិភពលោក​បាន​ប្រកាស​ច្រានចោល ហើយ​ថាប្រទេស​ដែល​មាន​កម្ដៅ​ក្ដៅ​ខ្លាំង ឬ​ក្ដៅ​សើម​បែប​ណា ក៏​វីរុស COVID-19 នៅតែ​រីក​រាល​ដាល​ឆ្លង​ដដែល។ តែបើ​​ទឹក​សម្បោរ ឬ​កំហាកទឹកមាត់​របស់​អ្នក​ផ្ទុក COVID-19 ខ្ទាត​ទំ​លើ​សម្លៀកបំពាក់ ហើយ​យើង​យក​សម្លៀកបំពាក់​នោះ ទៅ​ហាល​ថ្ងៃ វា​ងាប់​ឬ​អត់? លោក​វេជ្ជបណ្ឌិត ហ៊ាង រតនា ឯកទេស​ជំងឺ​ទូទៅ បាន​បកស្រាយ​ថា ពេល​មេរោគ​នោះ​ទំ​លើ​ខោអាវ​យើង ហើយ​យើង​មិន​បាន​ប៉ះពាល់​កន្លែង​នោះ យើង​អាច​ចៀស​ផុត​ពី​ការ​ឆ្លង COVID-19 តែ​ត្រូវ​យក​សម្លៀកបំពាក់​នោះ​ទៅ​បោក​សម្អាត​ជាមួយ​សាប៊ូ ដើម្បី​កម្ចាត់​មេរោគ រួច​ចាំ​យក​ទៅ​ហាល​ថ្ងៃ។ ប៉ុន្តែ​ បើ​ដោះ​សម្លៀក​បំបាក់​នោះ ហើយ​យក​ទៅ​ហាល​ថ្ងៃ​តែម្ដង ដោយ​មិន​បាន​បោក​សម្អាត វា​ក៏​​អាច​ងាប់​ កម្ដៅ​ថ្ងៃ​កាត់​បន្ថយ​សមត្ថភាព​នៃ​ការ​រីក​លូតលាស់​កោសិកា​របស់​វីរុស​បាន​ពាក់​កណ្ដាល ជីវិត​វីរុស​អាច​រស់នៅ​បាន​ក្រោម​ពន្លឺ​ថ្ងៃ​ត្រឹមតែ​ពី ២ ទៅ ៥ នាទី​ប៉ុណ្ណោះ។ ទោះ​ជា​កម្ដៅ​ថ្ងៃ​មាន​សមត្ថភាព​សម្លាប់​វីរុស COVID-19 បាន​ក៏​ពិត​មែន តែ​លោក​វេជ្ជបណ្ឌិត មិន​ណែនាំ​ឲ្យ​យើង​យក​សម្លៀកបំពាក់​ដែល​ទើប​ស្លៀក​ពាក់​ពេល​ចេញ​ទៅ​ក្រៅ មកដល់​ផ្ទះ​វិញ​ហាល​ថ្ងៃ​នោះ​ទេ គឺ​ត្រូវ​បោក​សម្អាត ហើយ​វិធី​រក្សា​អនាម័យ​បែប​នេះ ទើប​យើង​អាច​ចៀស​ផុត​ពី COVID-19។ វេជ្ជបណ្ឌិត​រូប​នោះ​បាន​បន្ថែម​ទៀត​ពេល​ចេញ​ក្រៅ ហើយ​ត្រឡប់​មក​ផ្ទះ​វិញ​មិនគួរ​ប៉ះពាល់​សមាជិក​ក្នុង​ក្រុម​គ្រួសារ​ភ្លាម​ទេ ត្រូវ​ងូត​ទឹក​លាង​សម្អាត​ខ្លួន ឬ​ផ្លាស់ប្ដូរ​សម្លៀកបំពាក់ លាង​សម្អាត​ដៃ​ជើង មុខ​ឲ្យ​បាន​ស្អាត​សិន ចាំ​ចូល​ទៅ​ជិត​អ្នក​ក្នុង​ផ្ទះ។ អត្ថបទពាក់ព័ន្ធ៖ ឈប់យល់ច្រឡំទៀត អាហារទាំងនេះ […]

បច្ចុប្បន្ន​​មិន​ទាន់​​មាន​ការ​បញ្ជាក់​ទេ​ថា​​វីរុស COVID-19​ អាច​នៅ​លើ​ក្រណាត់ ឬ​សម្លៀកបំពាក់​បាន​យូរ​ប៉ុណ្ណា​នោះ​ តែ​សម្រាប់​សម្លៀកបំពាក់​ដែល​មានជាតិ​​ប្លាស្ទិក ឬ​ជាតិដែក​វីរុស​អាច​រស់​នៅ​បាន​រហូត​ដល់​ទៅ​ច្រើន​ថ្ងៃ។ គ្នាយើងខ្លះ​​​អាចថា​​នឹង​មាន​ការ​បារម្ភ​ពេល​ចេញ​ទៅ​ក្រៅ​ ដោយ​គិតថា​អាចមាន​​វីរុស​តោងជាប់​នៅ​លើ​សម្លៀកបំពាក់​របស់យើង​បាន។ ដូចនេះ​ហើយ​បើសង្ស័យបែបនេះ យើង​​អាច​ការពារ​បាន​ដោយ​ដោះស្បែកជើង ផ្លាស់​សម្លៀកបំពាក់​ថ្មី​ពេល​ទៅ​ដល់​ផ្ទះ​ ក្រោយ​ពេលយើងបាន​ទៅ​កាន់​​កន្លែង​ដែល​មាន​មនុស្ស​ច្រើន ឬ​កន្លែង​ដែលយើង​ដឹងថា​មាន​អ្នក​ឆ្លងពីមុន​មក។ អ្វីដែល​ត្រូវ​ធ្វើដែរ​នោះគឺត្រូវ​​លាង​សម្អាត​ដៃ។ សម្រាប់​សម្លៀកបំពាក់​ដែល​ពាក់​ទៅ​ក្រៅ​នោះ​ក៏​គួរ​តែ​សម្អាត​ដែរ​ និង​ត្រូវ​ប្រុងប្រយ័ត្ន​ពេល​សម្អាត។ ខាង​ក្រោម​នេះ​ជា​វិធី​បោក​គក់​ដែល​គួរ​អនុវត្ត​ដើម្បី​កម្ចាត់វីរុស​លើសម្លៀក​បំពាក់។ ពេលបោកគក់យើង​ត្រូវ៖ កុំ​រលាស់​សម្លៀកបំពាក់​កខ្វក់​ទាំង​នោះ​​មុន​ពេល​បោក​គក់​ចៀសវាង​ការសាយ​ភាយ​នៃ​វីរុស​ក្នុង​ខ្យល់ បោកសម្អាត​ជាមួយ​សាប៊ូ និង​ទឹក​ក្ដៅ​ក្នុង​សីតុណ្ហភាព​សមរម្យ​ចន្លោះ ៦០ទៅ៩០​អង្សាសេ តាមការណែនាំ​របស់​អង្គការសុខភាពពិភពលោក។ តែគ្នា​យើង​ក៏ត្រូវដឹងដែរសម្លៀក​បំពាក់​ខ្លះ​បើ​ត្រូវ​សីតុណ្ហភាពក្ដៅអាចនាំឲ្យ​ខូច​បាន អ៊ីចឹង​ត្រូវ​មើល​ថាអាវខោយើង​អាចធន់​នឹង​សីតុណ្ហភាព​ប៉ុន្មាន។​ ​ហាល​សម្លៀកបំពាក់​ឲ្យ​ស្ងួត​ល្អ ពាក់​ស្រោម​ដៃ​ពេល​បោក​គក់ និង​លាង​សម្អាត​ដៃ​ជាមួយ​សាប៊ូក្រោយ​ពី​ដោះ​ស្រោម​ដៃ បើ​យើង​​មិន​ប្រើ​ស្រោម​ដៃត្រូវ​លាង​សម្អាត​ដៃ​ជាមួយ​សាប៊ូ​ភ្លាម​ក្រោយពី​បោកគក់​រួច លាង​សម្អាត​កន្ត្រក​ដាក់​សម្លៀកបំពាក់​របស់​យើង ឬ​យើង​អាច​ប្រើ​ថង់​ប្លាស្ទិក​ដាក់​សម្លៀកបំពាក់​កខ្វក់មុន​បោកគក់​ ​រួច​បោះថង់នោះចោលឲ្យបាន​ត្រឹម​ត្រូវ​។ ក្នុង​ករណី​យើង​យក​សម្លៀបំពាក់​ទៅ​បោកគក់​នៅ​កន្លែងមាន​ម៉ាស៊ីន​បោកគក់​សាធារណៈ​ យើង​​ត្រូវ​មាន​ការ​ប្រុង​ប្រយ័ត្នដូចគ្នាដែរ។ យើង​ត្រូវ​អនុវត្តវិធីនេះទាំងដែរ​៖ រក្សា​គម្លាត​ពីអ្នក​ដទៃ​យ៉ាង​តិច២ម៉ែត្រ ពាក់​ស្រោមដៃ និង​ចៀសវាង​ការ​ប៉ះពាល់​មុខ​ សម្អាត​ម៉ាស៊ីន​បោកគក់​ និង​ម៉ាស៊ីន​សម្ងួត​ដោយ​ទឹក​សម្លាប់​មេរោគ យក​សម្លៀកបំពាក់​មក​បត់​នៅ​ផ្ទះ និងលាងសម្អាតដៃ​ជាមួយ​សាប៊ូ​ក្រោយ​ពី​បត់​រួច លាង​សម្អាត​កន្ត្រក​ដាក់​សម្លៀកបំពាក់ ឬ​ប្រើថង់​រួច​បោះចោលឲ្យ​បាន​ត្រឹម​ត្រូវ។ អត្ថបទពាក់ព័ន្ធ៖ អ្នកវិទ្យាសាស្រ្តអាមេរិកបារម្ភថាវីរុស COVID-19 អាចក្លាយជាជំងឺឆ្លងតាមរដូវ ចិនតេស្តវ៉ាក់សាំងការពារ COVID-19 លើមនុស្ស WHOមិនសង្ឃឹមថាអាចចេញលើទីផ្សារលឿន អាមេរិកផ្អាកផ្ដល់​ថវិកាដល់ WHO ក្រោយលោកត្រាំ រិះគន់អង្គការនេះខ្លាំងៗរឿងCOVID-19 វ៉ាក់សាំងប្រឆាំងCOVID-19 របស់ចិន ឈាន​ដល់ដំណាក់កាលតេស្តលើកទី២ អ្នកវិទ្យាសាស្រ្ត​អង់គ្លេស សង្ឃឹមផលិតវ៉ាក់សាំងប្រឆាំង COVID-19 បាននៅខែកញ្ញា អ្នកឆ្លងCOVID-19 ៦ពាន់​នាក់នឹងតេស្តថ្នាំមួយ​ប្រភេទ​នៅផ្ទះ ក្រោមការតាមដានពីចម្ងាយ ភស្តុតាងបញ្ជាក់ថា​អ្នកជាពីវីរុស COVID-19 មានអង់ទីករការពារ​ខ្លួន​នៅស្រពេចស្រពិល ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ទោះ​ជា​កម្ពុជា​មាន​ភាព​ធូរ​ស្បើយ​ពី COVID-19 យ៉ាងណា​ក៏​ដោយ ក៏​ក្រសួង​សុខាភិបាល​បញ្ជាក់​ថា ត្រូវតែ​ប្រកាន់​ខ្ជាប់​អនាម័យ និង​រក្សា​គម្លាត ដើម្បី​ការពារ​ខ្លួន​ជាប់​ជានិច្ច។ ក្នុង​នោះ​ដែរ​លោក​វេជ្ជបណ្ឌិត​ផ្នែក​ទូទៅ លី ឬទ្ធីគុណ បាន​បញ្ជាក់​ថា ត្រូវ​ចៀសវាង​ទៅ​កន្លែង​ទាំង ៤ ទីតាំង​នេះ ព្រោះ​ទី​នោះ​មាន​ហានិភ័យ​ឆ្លង​ខ្ពស់។ ១- ឡាន​ក្រុង សម្រាប់​ឡាន​ក្រុង​ដែល​ផ្ទុក​មនុស្ស​ប្រជ្រៀត​គ្នា ពិតជា​មាន​អត្រា​ឆ្លង​ខ្ពស់ ព្រោះ​ពេល​មាន​អ្នក​ក្អក កណ្ដាស់ ហើយ​គ្មាន​ការ​ការពារ​ត្រឹមត្រូវ។ បើ​ទោះ​ជា​គ្មាន​ការ​បញ្ជាក់​ច្បាស់លាស់​ពី WHO ថា COVID-19 មិន​បាន​ឆ្លង​តាម​រយៈ​ញើស ក៏​ត្រូវ​តែ​ប្រយ័ត្នកុំឲ្យ​ប៉ះពាល់​ញើស​អ្នក​ដទៃ​ដែរ។ ២- ផ្សារ ប្រសិនបើ​នៅ​តាម​ផ្សារ​ទំនើប កន្លែង​គិត​លុយ​គេ​តម្រូវ​ឲ្យ​ឈរ​ឃ្លាត​ពី​គ្នា ១ ម៉ែត្រ​កន្លះ ឬ​ផ្សារ​ខ្លះ​កំណត់​ឲ្យ​អតិថិជន​មាន​ម៉ាស់​ពាក់​មុន​នឹង​ចូល ប៉ុន្តែ​នៅ​តាម​ផ្សារ​ធម្មតា​មិន​មាន​ការ​កំណត់ ហើយ​ចូលចិត្ត​ប្រជ្រៀត​គ្នា ហើយ​ថែម​ទាំង​ចាប់​កាន់​របស់របរ​ពី​ម្នាក់​ទៅ​ម្នាក់​គ្មាន​ការ​ជូត​សម្អាត នាំឲ្យ​ងាយ​ឆ្លង COVID-19។ ៣- ទូ ATM ចំណែក​នៅ​ក្នុង​ទូ ATM វិញ​ក៏​ដូចគ្នា ប្រសិនបើ​មាន​អ្នក​ផ្ទុក​ម្នាក់​ក្អក កណ្ដាស់​ដោយ​មិន​បាន​ពាក់​ម៉ាស់ ឬ​យក​អ្វី​ខ្ទប់​មាត់​ច្រមុះ ហើយ​សំណាក​បាន​ខ្ទាត​ទៅ​ទុំ​នៅ​អេក្រង់ ឬ​ក្ដារ​ចុច​ក្នុង​ទូ ហើយ​មាន​បុគ្គល​ម្នាក់​ទៀត​ចូល​ទៅ​ប្រើប្រាស់ និង​បាន​ប៉ះពាល់​កន្លែង​ទាំង​នោះ ពិតជា​អាច​ឆ្លង។ ដូចនេះ​បើ​ត្រូវ​ការ​ប្រើប្រាស់​ទូ ATM ត្រូវ​យក​អាល់កុល​បាញ់​កន្លែង​យើង​ត្រូវ​ប៉ះពាល់​សិន ហើយ​បន្ទាប់ពី​ដំណើរ​ការ​ហើយ ត្រូវ​លាង​សម្អាត​ដៃ​ជាមួយ​សាប៊ូ អាល់កុល ឬ​ទឹកជែល​លាង​ដៃ។ ៤- […]

វីរុស COVID-19​បាន​កំពុង​រាលដាល​ជុំវិញពិភពលោក​ដែល​មាន​អ្នក​ឆ្លង​ជាង២​,៥លានករណី និង​មាន​អ្នកស្លាប់ ១៧ម៉ឺននាក់​​គិត​ត្រឹម​ព្រឹក​ថ្ងៃទី២២ ខែ​មេសា។ ការ​ឆ្លង​រាល​ដាល​ដ៏​ច្រើន​សម្បើម​នេះ​បាន​​ធ្វើ​ឲ្យ​មនុស្ស​ជាតិ​យើង​​មាន​ភាព​ភ័យខ្លាច​កាន់តែ​ខ្លាំង​ឡើងៗ​ ហើយ​ពាក្យ​ចចាមអារ៉ាម​ជាច្រើន​ក៏​បាន​ផ្សព្វផ្សាយ​ជុំវិញ​វីរុស​នេះដែរ។ ដើម្បី​បំបាត់នៅចម្ងល់នានាអង្គការ​សុខភាព​ពិភពលោក​​ក៏​បាន​ចេញ​សេចក្តី​ណែនាំ​ជា​សាធារណៈ​​ចំពោះពាក្យចចាមអារ៉ាម​ទាំង​នេះ។ ១. ប្រព័ន្ធ​ទូរស័ព្ទ 5G មិន​ចម្លង​វីរុស COVID-19ទេ វីរុស​មិន​អាច​ធ្វើ​ដំណើរ​តាមរយៈ​រលក​វិទ្យុ ឬ​ប្រព័ន្ធ​ទូរស័ព្ទទេ។ វីរុស COVID-19​កំពុង​រាតត្បាត​នៅ​ប្រទេស​ជាច្រើន​ដែល​មិន​មាន​ប្រព័ន្ធ​ទូរស័ព្ទ 5G។ វីរុសនេះ​គឺ​ចម្លង​តាមរយៈ​ដំណាក់​ទឹកតូច​​ល្អិតចេញ​ពីផ្លូវដង្ហើម​នៅ​ពេល​អ្នក​ឆ្លងវីរុស​​ក្អក កណ្ដាស់ ឬ​និយាយ។ មនុស្ស​យើង​ក៏​អាច​ឆ្លងវីរុសនេះ​តាម​ការ​ប៉ះ​ផ្ទៃ​ដែល​មានជាប់​​វីរុស​​ និងបាន​យក​ដៃ​នោះ​មក​ប៉ះ​ភ្នែក មាត់ ឬច្រមុះ​ជាដើម​។ ២. ការ​ហាល​ថ្ងៃ ឬ​ស្ថិតនៅ​ក្នុង​សីតុណ្ហភាព​ខ្ពស់ជាង​២៥​អង្សាសេ​មិន​អាច​ការពារ​វីរុស​ COVID មនុស្ស​យើង​​អាច​ឆ្លង​វីរុស​នេះបាន​​មិន​ថា​អាកាសធាតុ​ក្ដៅ​ប៉ុនណា​ទេ។ ប្រទេស​ដែល​មាន​អាកាសធាតុ​ក្ដៅ​សុទ្ធ​តែ​មាន​ករណី​ឆ្លង​វីរុស COVID-19។ ដើម្បី​ការពារ​ខ្លួន​របស់​យើងពីការ​ឆ្លង​វីរុសនេះ ​ត្រូវ​សម្អាត​ដៃ​របស់​យើងឲ្យ​បាន​ត្រឹម​ត្រូវ និង​ញឹកញាប់ និង​ចៀសវាង​ប៉ះ​ភ្នែក មាត់ ឬច្រមុះ​​ មុន​នឹង​លាងសម្អាត​ដៃ​។ ៣. អ្នក​ជំងឺអាច​ជា​ពីឆ្លង​វីរុស COVID-19  តាមការ​ព្យាបាល​កន្លង​មក​មនុស្សយើង​​ភាគច្រើន​ដែលបាន​ឆ្លង​វីរុស​នេះ​អាច​ជា និង​កម្ចាត់​​វីរុស​អស់​ចេញ​ពី​រាងកាយទៀត​ផង​។ ​អ្នក​ឆ្លង​វីរុស​នេះ ត្រូវ​បាន​ព្យាបាលតាម​​រោគសញ្ញា​ ដោយ​ថា​ពេលនេះ​នៅ​មិន​ទាន់​មាន​ឱសថ​សម្រាប់ព្យាបាល​អ្នកជំងឺ​ឆ្លងវីរុសនេះ​ជាក់លាក់​នៅឡើយ​ទេ​។ បើយើង​មាន​អាការៈ​ក្អក គ្រុនក្ដៅ និង​ពិបាកដកដង្ហើម គួរឆាប់​ទៅ​ពិគ្រោះ​ជាមួយ​គ្រូពេទ្យ ប៉ុន្តែ​គួរ​ទាក់ទង​ទៅ​មណ្ឌលសុខភាព​ ឬមន្ត្រី​សុខាភិបាល​តាមរយៈ​ទូរស័ព្ទជា​មុន។ អ្នក​ជំងឺ​ភាគច្រើន​ជា​សះស្បើយ​ដោយសារ​ការ​ថែទាំ​ពីក្រុម​គ្រូពេទ្យ។ ៤. ការ​អាច​ទប់​ដង្ហើម​បាន​១០វិនាទី​ដោយ​មិន​ក្អក​មិន​មានន័យ​ថា​អ្នក​គេចផុតពី​ការ​ឆ្លង​វីរុស COVID-19 ឬ​ជំងឺ​សួត​ផ្សេងៗ រោគសញ្ញា​ទូទៅ​នៃ​វីរុស COVID-19 គឺ​ក្អក​ស្ងួត ហត់ […]

អ្វី​ដែល​ធ្វើ​ឲ្យ​វីរុស COVID-19​កាន់តែ​គួរ​ភ័យខ្លាច និង​ព្រួយបារម្ភ​គឺ​គេ​មិន​ទាន់​ដឹង​ច្បាស់​​ថា​តើ​វីរុស​នឹង​ផ្តល់​ផល​ប៉ះពាល់​យ៉ាង​ម៉េច​ខ្លះ​ដល់​បុគ្គល​នីមួយៗនៅ​ឡើយ​​ទេ។ យោង​តាម​មជ្ឈមណ្ឌល​ប្រឆាំង​វីរុស​នៅ​សហរដ្ឋអាមេរិក ៨៨%​នៃ​អ្នក​ឆ្លង​វីរុស​នេះ​មាន​រោគសញ្ញា​ស្រាល និង​អ្នក​នៅ​សល់​គឺ​ពឹងផ្អែក​ទៅ​លើ​ម៉ាស៊ីន​បញ្ចូល​អុកស៊ីសែន​ដើម្បី​ជំនួយ​ដល់​ការ​ដក​ដង្ហើម។ អ្នកវិទ្យាសាស្ត្រ​បាន​បន្ត​ការ​សិក្សា​ទៅ​លើ​វីរុស​ ហើយ​បាន​ចាប់ផ្តើម​ស្វែងយល់​ទៅ​លើ​ប្រភេទ​មនុស្ស​ដែល​ទទួល​ផល​ប៉ះពាល់​ខ្លាំង។ អត្ថបទ​នេះ​នឹង​បង្ហាញ​ពី​កត្តា​ដែល​បង្កើន​ហានិភ័យ​នៃ​ការ​មាន​រោគសញ្ញា​ធ្ងន់ធ្ងរ​ពី​វីរុស COVID-19។ អត្ថបទពាក់ព័ន្ធ៖ ហេតុអីនៅប្រទេសជឿនលឿនមានអ្នកស្លាប់ដោយសារជំងឺ COVID-19 ច្រើនជាងប្រទេសកំពុងអភិវឌ្ឍន៍? ១. កត្តា​អាយុ អ្នកវិទ្យាសាស្ត្រ​ចិន​ជា​មនុស្ស​ដំបូង​ដែល​កំណត់​ថា​មនុស្ស​អាយុ​ច្រើន​ជាង​៦០ឆ្នាំ​គឺ​មាន​ហានិភ័យ​ខ្ពស់​បំផុត​ក្នុង​ការ​មាន​រោគសញ្ញា​ធ្ងន់ធ្ងរ​។ ការសិក្សា​ផ្សេងៗ​គ្នា​ជាច្រើន​បាន​កំណត់​ថា​រោគសញ្ញា​ធ្ងន់ធ្ងរ​មាន​លក្ខណៈ​ខុសគ្នា​បន្តិចបន្តួច ប៉ុន្តែ​សុទ្ធតែ​មាន​បញ្ហា​ពិបាក​ក្នុង​ការ​ដកដង្ហើម​ គ្រុនក្ដៅ និង អាការៈ​ភាន់ភាំង។ ប្រសិន​ជា​មាន​អាការៈ​ធ្ងន់ធ្ងរ អ្នកជំងឺ​ត្រូវការ​ការ​ព្យាបាល​បន្ទាន់។ នៅ​សហរដ្ឋអាមេរិក ៣១–៥៩%​នៃ​អ្នក​មាន​អាយុ​ពី​៧៥ទៅ៨៤ឆ្នាំ​គឺមាន​រោគសញ្ញា​ធ្ងន់ធ្ងរ​ដែល​ត្រូវ​សម្រាក​ក្នុង​មន្ទីរពេទ្យ​បើ​ធៀប​នឹង​អ្នក​ជំងឺ​អាយុ​ពី២០ទៅ៤៤ឆ្នាំ​មាន​ត្រឹមតែ ១៤–២១%។ ដូចនេះ​ហើយ​អ្នក​ស្ថិតនៅ​ក្នុង​ក្រុម​អាយុ​ច្រើន​ជាង​៦០​ឆ្នាំ​ត្រូវ​មាន​ការ​ការពារ​បន្ថែម​ដើម្បី​ការពារ​ការ​ឆ្លង​វីរុស​នេះ។ ២. កត្តា​វេជ្ជសាស្ត្រផ្សេងៗ មនុស្ស​ចាស់​ជរា​ភាគច្រើន​គឺ​មាន​បញ្ហា​សុខភាព​ស្រាប់​ដែល​អាច​ធ្វើ​ឲ្យ​រោគសញ្ញា​វីរុស COVID-19​កាន់តែ​ធ្ងន់ធ្ងរ។ ប៉ុន្តែ​អ្នកទាំងនោះ​​មិន​មែន​ជា​ក្រុម​មនុស្ស​តែ​មួយ​ដែល​អាច​មាន​បញ្ហា​សុខភាព​ស្រាប់​ទេ។​ មនុស្ស​គ្រប់វ័យ​សុទ្ធ​តែ​មាន​បញ្ហាសុខភាព​ដែល​អាច​បង្កើន​ហានិភ័យ​នេះ។ អ្នក​ដែល​មាន​ជំងឺ​បេះដូង ទឹកនោមផ្អែម និងជំងឺមហារីក​អាច​មាន​ភាគរយ​ច្រើន​ក្នុង​ការ​មាន​រោគសញ្ញា​ធ្ងន់ធ្ងរ និង​អាច​ស្លាប់​ផងដែរ ហើយ​ភាគច្រើន​អ្នជំងឺ​​ត្រូវ​សម្រាក​នៅ​មន្ទីរពេទ្យ។ ម៉្យាងទៀត ជំងឺ​មួយ​ចំនួន​អាច​ធ្វើឲ្យ​ដំណើរ​ការ​សរីរាង្គដូចជា​បេះដូង និង​សរីរាង្គ​ដែល​ពាក់ព័ន្ធ​នឹង​ដំណើរ​ការ​របស់​ប្រព័ន្ធ​ភាពស៊ាំ​ចុះខ្សោយ។ អ្នកជំងឺ​សួត​រ៉ាំរ៉ៃ​ និង​អ្នក​ជក់​បារី​អាច​បង្កើន​ការ​ខូចខាត​សួត និង​ធ្វើឲ្យរោគសញ្ញា​វីរុស COVID-19កាន់តែ​ធ្ងន់ធ្ងរ។ ៣. កត្តា​ហ្សែន អ្នកវិទ្យាសាស្ត្រ​អន្តរជាតិ​ជា​ច្រើន​ក្រុម​បាន​កំពុង​ធ្វើ​ការ​ស្វែង​យល់​បន្ថែម​ថា​តើ​ហ្សែន​អាច​មាន​ឥទ្ធិពល​ដល់​ភាព​ធ្ងន់ធ្ងរ​របស់​វីរុស COVID-19​ ឬទេ។ វីរុស COVID-19 ឆ្លង​ទៅ​មនុស្ស​ដោយ​ភ្ជាប់​ខ្លួន​របស់​វា​ទៅ​នឹង​រ៉េស៊ិបទ័រ​ឈ្មោះ ACE2 ដើម្បី​ប្រើ​ជា​ច្រក​ចូល​ទៅ​ក្នុង​កោសិកា។ ការ​ខុសគ្នា​បន្តិចបន្តួច​នៃ​ហ្សែន​សម្រាប់​រ៉េស៊ិបទ័រ​នេះ​អាច​ជា​កត្តា​មួយ​ដែល​ធ្វើ​ឲ្យ​ស្ថានភាព​អ្នកជំងឺធ្ងន់ធ្ងរ ឬស្រាល។ ក្រុមអ្នកវិទ្យាសាស្ត្រ​ផ្សេងទៀត​ក៏​បាន​សិក្សា​ទៅ​លើ​ប្រភេទ​ឈាម​ដែល​កំណត់​ដោយ​ហ្សែន​អាច​ផ្លាស់ប្តូរ​ភាព​ធ្ងន់ធ្ងរ​នៃ​រោគសញ្ញា​វីរុស COVID-19។ ការសិក្សា​លើក​ដំបូង​ធ្វើ​ឡើង​នៅ​ទីក្រុង​ស៊ិនចិន និង​អ៊ូហាន​ ប្រទេស​ចិន​រកឃើញ​ថា​អ្នក​ជំងឺ​មាន​ឈាម​ប្រភេទ […]

ការ​សិក្សាលក្ខណៈ​អន្តរជាតិ​មួយ​នឹង​ធ្វើ​តេស្ដ​លើ​ថ្នាំ​ប្រឆាំង​ការ​រលាក​ធម្មតា​មួយ​ដើម្បី​ដឹង​ថា​តើ​វាអាច​ប្រឆាំង​នឹង​ផល​វិបាក​វីរុស COVID-19 និង​ការពារ​អ្នក​ជំងឺ​ពី​ការ​ចូលសម្រាក​​មន្ទីរពេទ្យ​ដែរឬទេ។ ការសិក្សានេះ​កំណត់ចំនួន​អ្នក​ចូលរួម​៦ ០០០នាក់គិតពីខែមីនា ដល់ខែកញ្ញា ឆ្នាំ២០២០ ដោយអ្នកចូលរួម​មកពី​​សហរដ្ឋអាមេរិក ប្រទេស​កាណាដា និង​ប្រទេស​ក្នុងសហភាព​អឺរ៉ុប​ដោយ​មិន​មាន​ការ​ទំនាក់​ទំនង​ផ្ទាល់ខាង​ក្រៅ។ អ្នក​ចូលរួម​ទាំង​អស់​នឹង​ទទួល​បាន​ថ្នាំ​ឈ្មោះ colchicine តាម​បញ្ញើ​ និង​ត្រូវ​តាមដាន​តាមរយៈ​ទូរស័ព្ទ ឬ​ការ​ហៅ​ជា​វីដេអូ ក្រោយ​ពី​ធ្វើ​តេស្ដ​រកឃើញ​វីរុស​ COVID-19 ក្នុង​អំឡុងពេល​៤៨ម៉ោង។ ថ្នាំ Colchicine គឺ​ប្រើ​សម្រាប់​ព្យាបាល​ជំងឺ​ប្រគ្រីវ (ជំងឺ​រលាកសន្លាក់​ម្យ៉ាង​ដែល​ធ្វើ​អោយ​ឈឺ​និង​ហើម ជាពិសេសនៅ​មេជើង) ​នេះបើ​យោង​តាម​វិទ្យាស្ថានសុខាភិបាល​ជាតិ របស់​សហរដ្ឋ​អាមេរិក ។ ថ្នាំ​នេះ​ជួយ​កាត់​បន្ថយ​ការ​ឈឺចាប់នៃ​ការរលាក និង​ការហើម​នៅ​សន្លាក់។ អ្នក​វិទ្យាសាស្ត្រ​បាន​សន្មត​ថាការ​ព្យាបាល​វីរុស COVID-19 ក្នុង​ដំណាក់កាល​ដំបូង​ជាមួយ​ថ្នាំ colchicine អាច​ការពារ​ការឆ្លើយតប​ខ្លាំងរបស់​ប្រព័ន្ធ​ភាពស៊ាំ​ដែល​គេ​ហៅ​ថាគឺ ព្យុះ cytokine (Cytokine storm) ដែល​អាច​បង្ក​ការ​ខូចខាត​ដល់​សរីរាង្គ​ផ្សេងៗរបស់​រាង​កាយ។ អ្នកវិទ្យាសាស្ត្រ​មួយចំនួន​បាន​សន្និដ្ឋាន​ថា​ព្យុះ cytokine អាច​មាន​ចំណែក​ក្នុងការ​បង្ក​ផលវិបាក​ធ្ងន់ធ្ងរ​ដោយសារ​វីរុស COVID-19។ ក្រុម​អ្នកវិទ្យាសាស្រ្ត​សម្គាល់​ថា​ក្មេងៗ​គឺ​មាន​ភាគរយ​តិច​ក្នុង​ការ​កើត​មាន​ព្យុះ cytokine និង​មាន​រោគសញ្ញា​ស្រាល។ វេជ្ជបណ្ឌិត Jean-Claude Tardif ប្រធាន​នៃ​មជ្ឈមណ្ឌល​ស្រាវជ្រាវ​នៃ​វិទ្យាស្ថាន​ផ្នែក​បេះដូង​ នៅ​ទីក្រុង ម៉ុងត្រេអាល (Montreal) និង​ជា​អ្នក​សង្កេត​ក្នុង​ការសិក្សា​នេះ​បាន​លើក​ឡើង​ថា​នេះ​ជា​ការ​សិក្សា​ដ៏​សំខាន់​មួយ​ដែល​អាច​ផ្តល់​ចម្លើយ​ថា​ការ​កាត់បន្ថយ​ការ​រលាក​អាច​បង្ការ​ផលវិបាក​ធ្ងន់ធ្ងរ​មក​ពី​វីរុស COVID-19​ឬ​យ៉ាង​ណា។ អ្នក​ចូលរួម​ត្រូវ​មាន​អាយុ​ចាប់​ពី​៤០ឆ្នាំ​ឡើង​ និង​មាន​កត្តា​ហានិភ័យ​យ៉ាង​តិច​មួយ​សម្រាប់​ផលវិបាក​ធ្ងន់ធ្ងរ​នៃ​វីរុស COVID-19 ដូចជា​ជំងឺ​បេះដូង […]