ជំងឺឆ្លង

កម្ពុជា ប្រកាសរកឃើញករណីថ្មីនៃជំងឺអុតស្វាញ២នាក់ទៀត

ក្រសួងសុខាភិបាល បានអំពាវនាវឲ្យប្រជាពលរដ្ឋកម្ពុជាទាំងអស់ បង្កើនការប្រុងប្រយ័ត្ន និងស្វែងយល់ពីវិធីបង្ការការឆ្លងជំងឺអុតស្វា ក៏ដូចជា ត្រូវអនុវត្តន៍នូវវិធីបង្ការនានាឲ្យបានខ្ជាប់ខ្លួន ក្រោយពីក្រសួងបានឃើញករណីជំងឺអុតស្វាយចំនួន២ករណីទៀត ដែលនាំឲ្យករណីវិជ្ជមានសរុបកើនដល់៣ករណីនេះ។ ក្រសួងសុខាភិបាល បានបញ្ជាក់ក្នុងសេចក្តីប្រកាសព័ត៌មានរបស់ខ្លួនថា យោងតាមលទ្ធផលដែលទទួលបានពីវិទ្យាស្ថានជាតិសុខភាពសាធារណៈ គិតត្រឹមថ្ងៃទី៣ ខែមករា ឆ្នាំ២០២៤ កម្ពុជា បានរកឃើញករណីវិជ្ជមានចំនួន២ករណីបន្ថែមទៀត ក្រោយពីរកឃើញករណីទី១ លើបុរសវ័យ២៨ឆ្នាំម្នាក់ រស់នៅសង្កាត់ទឹកថ្លា ខណ្ឌសែនសុខ រាជធានីភ្នំពេញ កាលពីថ្ងៃទី១៣ ខែធ្នូ ឆ្នាំ២០២៣ កន្លងទៅ។ ក្រោយពីរកឃើញករណីថ្មីទាំង២ខាងលើ ក្រសួងសុខាភិបាល បានបញ្ជាក់ថា វីរុសអុតស្វា អាចចម្លងពីមនុស្សទៅមនុស្សម្នាក់ទៀត តាមរយៈការរួមភេទគ្រប់ទម្រង់ ជាមួយនឹងអ្នកជំងឺអុតស្វា និងការប៉ះពាល់ផ្ទាល់នឹងកន្លែងមានដំបៅ ទឹកសារពាង្គកាយ ទឹកមាត់ ដំណក់តូចៗតាមផ្លូវដង្ហើម និងសម្ភារៈប្រើប្រាស់ដែលមានជាប់វីរុស ដូចជាចម្លៀកបំពាក់ ពូក កន្សែង ស្លាបព្រាចាន ជាដើម។ វីរុសអុតស្វា ក៏អាចឆ្លងពីម្តាយទៅកូនតាមរយៈទងសុក ក្នុងអំឡុងពេល ឬក្រោយពេលសម្រាល តាមរយៈការប៉ះពាល់ផ្ទាល់ បើស្ត្រីមានផ្ទៃពោះ ឬឪពុកម្តាយមានជំងឺអុតស្វា។ គណនាថ្ងៃមេជីវិតញីទុំធ្លាក់ ចុចទីនេះ! ចង់គណនាថ្ងៃសម្រាលកូន ចុចទីនេះ! ចង់គណនាទម្ងន់ស្រ្តីពពោះ ចុចទីនេះ! ជាមួយគ្នានេះ ក្រសួងបានបញ្ជាក់ថា បើបុគ្គលណាមានរោគសញ្ញាដូចជា កន្តួលរមាស់ ដោយមានពងទឹកនៅលើមុខ បាតដៃ ជើង […]

វីរុសកូរ៉ូណា

ការពារ COVID-19 ត្រូវឧស្សាហ៍លាងដៃ លាងម្ដងគួរប្រើពេល២០វិនាទី

អ្នកជំនាញសុខាភិបាលបានណែនាំដល់សាធារណជនថាការលាងដៃឲ្យបានត្រឹមត្រូវគឺជាវិធីចាំបាច់មួយក្នុងការបង្ការការឆ្លងនៃវីរុស COVID-19 ហើយការលាងដៃត្រូវធ្វើឡើងម្តង២០វិនាទី។ អត្ថបទពាក់ព័ន្ធ៖ ទីបំផុត WHO ដាក់ឈ្មោះជាផ្លូវការឲ្យវីរុសកូរ៉ូណាថ្មី ហេតុអីពាក់ម៉ាសតែមួយមុខ មិនអាចការពារវីរុស COVID-19 បាន? ការលាងដៃដោយសាប៊ូគឺល្អជាងការប្រើប្រាស់ទឹកលាងដៃ (Hand Sanitizer) ព្រោះជែលនៅក្នុងទឹកលាងដៃអាចនឹងបន្សល់ទុកមេរោគខ្លះ ហើយការលាងសម្អាតដៃទៀតសោតគួរធ្វើឲ្យបាន២០វិនាទីទើបអាចជម្រះអស់មេរោគនៅជាប់ដៃបានទោះជាលាងជាមួយសាប៊ូ ឬទឹកលាងដៃក៏ដោយ។ សារព័ត៌មាន DailyMail បានធ្វើការពិសោធន៍ទៅលើភាពខុសគ្នារវាងការលាងដៃរយៈពេល៥វិនាទី ២០វិនាទី។ នៅក្នុងការពិសោធន៍នោះដៃដែលមិនទាន់លាងសម្អាតមានជាប់មេរោគ ហើយមេរោគអាចឆ្លងទៅកាន់វត្ថុផ្សេងបានពេលកាន់ឬប៉ះ។ តាមការពិសោធន៍ការលាងដៃជាមួយសាប៊ូត្រឹមតែ៥វិនាទី គេឃើញថានៅចន្លោះម្រាមដៃ និងបាតដៃគឺនៅមានមេរោគច្រើនជាងគេ ភាគច្រើនមេរោគក៏មាននៅក្រចកដៃ ឬមាននៅលើចិញ្ចៀន។ ប៉ុន្តែសម្រាប់ការលាងសម្អាតដៃដឹងសាប៊ូក្នុងរយៈពេល២០នាទី គឺគ្មានជាប់មេរោគទៀតនោះទេ។ ការប្រើប្រាស់ទឹកលាង (Hand Sanitizer) ដៃគឺមានភាពងាយស្រួលពេលយើងនៅសាលារៀន កន្លែងធ្វើការ និងកន្លែងសាធារណៈផ្សេងៗ។ អ្នកជំនាញថាការប្រើប្រាស់ទឹកលាងដៃអាចនៅមានមេរោគខ្លះសេសសល់ខ្លះ ប៉ុន្តែថាមានតិចជាងការលាងដៃនឹងសាប៊ូដែលមានរយៈពេលតែ៥វិនាទី។ មជ្ឈមណ្ឌលគ្រប់គ្រងនិងប្រឆាំងជំងឺឆ្លងអាមេរិកបានណែនាំថាទឹកលាងដៃគួរមានជាតិអាល់កុលយ៉ាងតិចណាស់៦០% ទើបមានប្រសិទ្ធភាពក្នុងការកម្ចាត់មេរោគ។ ការប្រើប្រាស់ទឹកលាងដៃឲ្យបានត្រឹមត្រូវគឺ៖ ចាក់ទឹកលាងដៃទៅលើបាតដៃ ត្រដុសដៃទាំងសងខាង ត្រដុសជែលលើដៃឲ្យសព្វកន្លែង និងម្រាមដៃរហូតដល់ដៃស្ងួត។ ការធ្វើបែបនេះអាចស៊ីពេលយ៉ាងតិច២០វិនាទីដូចលាងដៃនឹងសាប៊ូដែរ។ រីឯការលាងដៃ២០វិនាទីជាមួយសាប៊ូវិញគឺមានប្រសិទ្ធភាពបំផុតក្នុងការកម្ចាត់មេរោគ ពោលគឺមិនមានមេរោគជាប់ដៃទៀតទេ។ ខាងក្រោមនេះជាពេលវេលាចាំបាច់ត្រូវលាងដៃ៖ មុនពេលរៀបចំអាហារ ពេលកំពុងរៀបចំ និងក្រោយពេលរៀបចំ មុនពេលញ៉ាំអាហារ មុន និងក្រោយពេលថែទាំអ្នកជំងឺ ពីសេសអ្នករាករូស និងក្អួត មុន និងក្រោយពេលព្យាបាលរបួស ក្រោយពេលបន្ទោរបង់រួច ក្រោយពេលប្តូរខោទឹកនោមកូន ឬពេលសម្អាតកូនក្រោយពីបន្ទោរបង់ ក្រោយពេលញើសសំបោរ ក្អក និងកណ្ដាស់ ក្រោយពេលប៉ះពាល់សត្វ ចំណីសត្វ ឬអាចម៍សត្វ ក្រោយពីឲ្យចំណីសត្វចិញ្ចឹម ក្រោយពេលប៉ះសំរាម។ មជ្ឈមណ្ឌលប្រឆាំងជំងឺឆ្លងក៏បានណែនាំពីរបៀបលាងដៃនឹងសាប៊ូឲ្យបានត្រឹមតូវ៖ បើកទឹកដាក់ដៃឲ្យសើមមុននឹងចាក់សាប៊ូលើដៃ ត្រដុសដៃទាំងសងខាងនឹងសាប៊ូ សម្អាតខ្នងដៃ ចន្លោះម្រាមដៃ និងក្នុងក្រចកឲ្យសព្វកន្លែង ធ្វើការសម្អាតយ៉ាងតិច២០វិនាទី […]