មាតិកា

រង្វាស់សុខភាព

ចែករំលែក

Stomach Polyps (ដុសាច់ក្នុងក្រពះ)

និយមន័យ

១- អ្វីទៅជាជំងឺដុំសាច់ក្នុងក្រពះ?

សំដៅលើដុំកោសិកាជាច្រើនដុះតាមផ្ទៃក្រពះ ហើយជាជំងឺកម្រកើតមាន និងមិនបង្កជាសញ្ញារំខានអ្វីឡើយ។ ភាគច្រើនគ្រូពេទ្យរកឃើញដោយចៃដន្យតាមរយៈការពិនិត្យក្រពះ ដោយសារបញ្ហាផ្សេងៗ។ ដុំសាច់ច្រើនមិនបង្កជាមហារីកទេ តែមានឫសដុំប្រភេទខ្លះ អាចបង្កើនហានិភ័យវិវដ្តទៅជាមហារីកក្រពះនៅថ្ងៃមុខ។ អាស្រ័យលើប្រភេទដុំសាច់ ការព្យាបាលអាចនឹងវះកាត់យកចេញ ឬតាមដានបន្តក្រែងមានការប្រែប្រួល។

គណនា BMI

គណនា BMR

កម្មវិធីពិនិត្យជំងឺបម្រុងទឹកនោមផ្អែមអនឡាញ

២- កើតឡើងញឹកញាប់ដែរទេ?

មកទល់នឹងពេលនេះ នៅមិនទាន់ដឹងកត្តាបង្កឲ្យមានជំងឺនេះពិតប្រាកដនៅឡើយទេ ប៉ុន្តែករណីជាច្រើនកើតលើមនុស្សចាស់។ យ៉ាងណា យើងនៅតែអាចគ្រប់គ្រង និងបង្ការបាន។

រោគសញ្ញា

៣- រោគសញ្ញាមានអ្វីខ្លះ?

ដុំសាច់ក្នុងក្រពះ ជាធម្មតាមិនបង្ករោគសញ្ញាអ្វីឡើយ តែពេលដុំសាច់រីកធំ នឹងបញ្ចេញដំបៅ អាចរីករាលដាលពេញពេញលើផ្ទៃក្រពះ។ ករណីកម្រ ដុំសាច់អាចទៅរាំងស្ទះផ្លូវតភ្ជាប់ រវាងក្រពះ និងពោះវៀនតូច។ ករណីនេះ នឹងបង្កចេញជារោគសញ្ញាដូចជា៖

– ឈឺពេលប៉ះពោះ

– ចង្អោរ

– ឈាមក្នុងលាមក

– ស្លេកស្លាំង

៤- ពេលណាគួរទៅជួបពេទ្យ?

ធ្វើរោគវិនិច្ឆ័យ និងព្យាបាលទាន់ពេលវេលា អាចបញ្ឈប់ស្ថានភាពជំងឺកុំឲ្យធ្ងន់ធ្ងរ និងបង្ការកុំឲ្យគ្រោះថ្នាក់ផ្សេងទៀត។ គួរសាកសួរគ្រូពេទ្យឲ្យបានលឿនតាមអាចធ្វើបាន។

បើមានសញ្ញាដូចបានរៀបរាប់ខាងលើ សូមទៅពិគ្រោះជាមួយគ្រូពេទ្យ ព្រោះមនុស្សគ្រប់រូបមិនមានរោគសញ្ញាដូចគ្នាទេ វិធីល្អបំផុត ទៅពិភាក្សាជាមួយគ្រូពេទ្យ។

មេរោគក្រពះ

មូលហេតុបង្ក

៥- មូលហេតុបង្កមានអ្វីខ្លះ?

មូលហេតុមានច្រើន តែមូលហេតុតែងប្រទះច្រើនជាងគេរួមមាន៖

– រលាកក្រពះរ៉ាំរ៉ៃ៖ គ្រូពេទ្យជឿថា ជំងឺនេះអាចបង្កឲ្យលេចចេញដុំសាច់ តម្រូវឲ្យគ្រូពេទ្យត្រូវកាត់យកដុំទាំងនោះចេញ។

– ជំងឺដុំសាច់តំណពូជ៖ អាចជារឿងកម្រ តែជំងឺតំណពូជ អាចបង្កដុំសាច់នេះបានដូចគ្នា។

– ប្រើថ្នាំក្រពះមួយចំនួនជាប្រចាំ៖ ប្រើថ្នាំក្រពះច្រើនពេក ពិសេសពពួកថ្នាំ (PPI) ដើម្បីព្យាបាលអាស៊ីដក្នុងក្រពះ អាចបង្កជាដុំសាច់បាន តែមានរាងតូចៗ មិនបង្កបញ្ហារំខានទេ។

អត្ថបទគួរអាន៖

កត្តាប្រឈម

៦- កត្តាប្រឈមបង្កមានអ្វីខ្លះ?

កត្តាប្រឈមទៅកើតជំងឺនេះមានដូចជា៖

– អាយុ (ភាគច្រើននៅវ័យកណ្តាល)

– ឆ្លងបាក់តេរី ក្នុងក្រពះ

– ជំងឺដុំសាច់តំណពូជ (ករណីកម្រ)

– ការប្រើថ្នាំពពួកបន្សាបអាស៊ីដក្រពះប្រភេទ PPIs ដូចជា ថ្នាំ Nexium ថ្នាំ Prilosec និងថ្នាំ Protonix

រោគវិនិច្ឆ័យ និងការព្យាបាល

ព័ត៌មាននេះមិនអាចយកទៅប្រើប្រាស់គ្រប់ប្រភេទជំងឺទេ។ គួរពិភាក្សាជាមួយគ្រូពេទ្យជំនាញសម្រាប់ព័ត៌មានបន្ថែម។

៧- គួរធ្វើរោគវិនិច្ឆ័យដោយវិធីណា?

បើគ្រូពេទ្យសង្ស័យថាយើងមានជំងឺនេះ រោគវិនិច្ឆ័យ ក៏ដូចជាតេស្តមួយចំនួននឹងត្រូវធ្វើឡើងរួមមាន៖

– តេស្តដោយឧបករណ៍ អង់ដូស្កុប អាចជួយគ្រូពេទ្យមើលឃើញស្ថានភាពខាងក្នុងក្រពះ

– ច្រឹបសាច់យកទៅពិនិត្យ

៨- ព្យាបាលដោយវិធីណា?

អាស្រ័យលើប្រភេទដុំសាច់ ខណៈការព្យាបាលមានដូចជា៖

– ដុំសាច់មិនមែនជាដុំសាច់ក្រពេញ៖ ករណីនេះ មិនចាំបាច់ព្យាបាលទេ គ្រូពេទ្យនឹងតាមដានជាប្រចាំ។

– ដុំសាច់ធំៗ៖ ត្រូវកាត់ចេញកុំឲ្យរាំងស្ទះផ្លូវភ្ជាប់រវាងក្រពះ និងពោះវៀនតូច ភាគច្រើនគេអាចកាត់វាចេញអំឡុងពេលឆ្លុះអង់ដូស្កុបតែម្តង។

– ដុំសាច់ក្រពេញ៖ ដុំទាំងនេះអាចបង្កជាមហារីក តម្រូវឲ្យកាត់ចេញពេលឆ្លុះអង់ដូស្កុប។

– ដុំសាច់ទាក់ទង នឹងជំងឺដុំសាច់តំណពូជ៖ ដុំទាំងនេះត្រូវតែកាត់យកចេញព្រោះវាអាចបង្ក មហារីកបាន។

គ្រូពេទ្យនឹងណែនាំយើងឆ្លុះអង់ដូស្កុប ដើម្បីតាមដានក្រែងដុំសាច់កកើតជាថ្មី។ ករណីមានឆ្លងមេរោគ គេត្រូវព្យាបាលមេរោគដោយប្រើថ្នាំផ្សះជាមុន។

ផ្លាស់ប្តូរទម្លាប់រស់នៅ

៩- ទម្លាប់រស់នៅ

ផ្លាស់ប្តូរទម្លាប់រស់នៅ និងវិធីព្យាបាលនៅផ្ទះ អាចជួយបង្ការ និងគ្រប់គ្រងស្ថានភាពជំងឺបាន ដូចជា៖

– ញ៉ាំអាហារមានផ្លែឈើ បន្លែ និងគ្រាប់ធញ្ញជាតិច្រើន

– កុំផឹកស្រាច្រើន

– កុំជក់បារី

– ហាត់ប្រាណឲ្យបានទៀងទាត់ដើម្បីរក្សាទម្ងន់ និងសុខភាព។

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ Leng Pechsovatey · កែ 27/07/2022

Stomach Polyps (ដុសាច់ក្នុងក្រពះ)

និយមន័យ

១- អ្វី​ទៅ​ជា​ជំងឺ​ដុំសាច់ក្នុង​ក្រពះ?

២- ​កើត​ឡើង​ញឹកញាប់​ដែរ​ទេ?

រោគសញ្ញា

៣- ​រោគ​សញ្ញាមាន​អ្វី​ខ្លះ?

៤- ពេល​ណា​គួរ​ទៅ​ជួប​ពេទ្យ?

មូលហេតុបង្ក

៥- មូលហេតុ​បង្ក​មាន​អ្វី​ខ្លះ?

កត្តា​ប្រឈម

៦- ​កត្តា​ប្រឈម​បង្កមានអ្វីខ្លះ?

រោគវិនិច្ឆ័យ ​និង​ការ​ព្យាបាល

៧- គួរ​ធ្វើ​រោគ​វិនិច្ឆ័យ​ដោយ​វិធី​ណា?

៨- ព្យាបាល​ដោយ​វិធី​ណា?

ផ្លាស់ប្តូរទម្លាប់​រស់នៅ

៩- ទម្លាប់​រស់​នៅ