ការហាត់ប្រាណទៀងទាត់ អាចជួយកាត់បន្ថយហានិភ័យនៃជំងឺមហារីកដល់ទៅ៧ប្រភេទ នេះបើយោងតាមការសិក្សាពីសមាគមមហារីកអាមេរិក វិទ្យាស្ថានមហារីកថ្នាក់ជាតិ និងសាលាសុខភាពសាធារណៈHarvard T.H។
ការសិក្សា៖ ហាត់ប្រាណអាចកាត់បន្ថយហានិភ័យជំងឺមហារីកដល់៧ប្រភេទ
ការសិក្សាថ្មីនេះបានរកឃើញថា ប្រសិនបើយើងហាត់ប្រាណកម្រិតមធ្យម ដូចជាវាយសី ដើរលឿន រាំ ជិះកង់ រត់ ហែលទឹក រយៈពេលពីរម៉ោងកន្លះ ទៅ៥ម៉ោងក្នុងមួយសប្ដាហ៍ នោះយើងនឹងទទួលបានអត្ថប្រយោជន៍ដ៏ច្រើនលើសលប់។
ជាមួយគ្នានេះដែរ ក្រុមអ្នកស្រាវជ្រាវបានផ្ដោតទៅលើការសិក្សាចំនួន៩ ដែលមានមនុស្សពេញវ័យច្រើនជាង៧៥០ ០០០នាក់ចូលរួម។ ជាលទ្ធផល ការបញ្ចេញសកម្មភាពប្រចាំថ្ងៃ ដោយហាត់ប្រាណក្នុងកម្រិតមធ្យម អាចជួយកាត់បន្ថយហានិភ័យនៃជំងឺមហារីកចំនួន៧ប្រភេទ ក្នុងចំណោមជំងឺមហារីកទាំង១៥ដែលបានលើកយកមកសិក្សា ដែលក្នុងនោះរួមមាន៖
- កាត់បន្ថយហានិភ័យនៃជំងឺមហារីកសុដន់ស្ត្រី (៦% ដល់១០%)
- កាត់បន្ថយហានិភ័យនៃជំងឺមហារីកពោះវៀនធំចំពោះបុរស (៨% ដល់១៤%)
- កាត់បន្ថយហានិភ័យនៃជំងឺមហារីកស្រទាប់អង់ដូម៉ែត្រ (១០% ដល់១៨%)
- កាត់បន្ថយហានិភ័យនៃជំងឺមហារីកតម្រងនោម (១១% ដល់១៧%)
- កាត់បន្ថយហានិភ័យនៃជំងឺមហារីកឈាមប្លាស្មា (១៤% ដល់១៩%)
- កាត់បន្ថយហានិភ័យនៃជំងឺមហារីកថ្លើម (១៨% ដល់២៧%)
- កាត់បន្ថយហានិភ័យនៃជំងឺមហារីកគ្រាប់ឈាមស (១១% ដល់១៨%)។
ដូច្នេះហើយ ដើម្បីបង្ការជំងឺមហារីក យើងចាំបាច់ត្រូវហាត់ប្រាណជាទៀងទាត់ យ៉ាងហោចណាស់ឲ្យបាន៣០នាទីក្នុងមួយថ្ងៃ ឬទៅតាមចំនួនម៉ោង ដូចដែលបានបញ្ជាក់ខាងលើ ទើបជាការប្រសើរ។
អត្ថបទគួរអាន៖
- កាត់បន្ថយហានិភ័យមហារីកសុដន់ អនុវត្តទម្លាប់ល្អៗទាំងនេះ
- តិចនិកជួយស្រីៗ ចៀសឆ្ងាយពីជំងឺមហារីកសុដន់
- ស្រីៗគួរដឹង! ជំងឺមហារីកសុដន់ និងការបំបៅដោះកូន
- មកដឹងពីដំណាក់កាលទាំង៤ នៃជំងឺមហារីកសុដន់
- ស្ទាបសុដន់រកដុំសាច់ជំងឺមហារីកខ្លួនឯង អាចជួយបានកម្រិតណាដែរ?
ត្រួតពិនិត្យដោយ
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខអត្ថបទដោយ នូ សោភ័ណ្ឌ · កែ 08/02/2023