ក្រុមអ្នកស្រាវជ្រាវបានណែនាំថា ការញ៉ាំពពួកសាច់ក្រហម និងស្ករអាចធ្វើឲ្យមានការវិវត្តទៅជាជំងឺមហារីកពោះវៀនធំលើមនុស្សវ័យក្មេង ដែលកត្តានេះកើតឡើងដោយសារតែភាពខុសគ្នានៃការបំបែកប្រូតេអ៊ីន។

ជាក់ស្តែង ជំងឺមហារីកពោះវៀនធំ មានការកើនឡើងលើមនុស្សវ័យក្មេង និងអាចក្លាយជាមូលហេតុចម្បងនៃអត្រាមរណភាពដោយជំងឺមហារីកលើអ្នកដែលមានអាយុចន្លោះពី២០ ដល់៤៩ឆ្នាំនៅសហរដ្ឋអាមេរិកត្រឹមឆ្នាំ២០៣០។

ចង់គណនា BMI ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យសុខភាពប្រព័ន្ធរំលាយអាហារ ចុចទីនេះ !

ការសិក្សាថ្មីនេះ បានគូសបញ្ជាក់ថា កត្តាចំណីអាហារ និងបរិស្ថានអាចបង្កឲ្យកើតជំងឺមហារីក ប៉ុន្តែអ្នកជំនាញនៅមិនទាន់កំណត់បានពីមូលហេតុច្បាស់លាស់នៅឡើយទេ។ លោកវេជ្ជបណ្ឌិត Suneel Kamath ជាមួយនឹងគ្លីនិកCleveland ព្រមទាំងអ្នកនិពន្ធជាន់ខ្ពស់នៃការសិក្សាថ្មីនេះ បានលើកឡើងថា យើងបានដឹងតិចតួចបំផុតពីកត្តាបង្កនៃជំងឺដ៏កាចសាហាវមួយនេះ។

នៅក្នុងការសិក្សា ដែលមានអ្នកចូលរួមចំនួន២ក្រុម ដោយក្រុមទី១ជាក្រុមមនុស្សវ័យក្មេង ដែលកើតជំងឺមហារីកពោះវៀនធំ និងមួយក្រុមទៀត មានការវិវត្តនៃជំងឺមហារីកពោះវៀនធំនៅវ័យចំណាស់។ ក្រុមអ្នកស្រាវជ្រាវបានរកឃើញថា អ្នកមានវ័យក្រោម៥០ឆ្នាំ ដែលកើតជំងឺមហារីកពោះវៀនធំ មានកម្រិតសារធាតុ Citrate ទាប (ជាសារធាតុដែលបង្កើតឡើងនៅពេលរាងកាយបំប្លែងអាហារទៅជាថាមពល) ព្រមទាំងបានរកឃើញពីភាពខុសគ្នាក្នុងការបំបែកប្រូតេអ៊ីន និងកាបូអ៊ីដ្រាត ដែលកត្តានេះអាចមានទំនាក់ទំនងទៅនឹងការញ៉ាំពពួកសាច់ក្រហម និងជាតិស្ករ។

មហារីកពោះវៀនធំ

អត្ថបទគួរអាន៖

ហេតុដូច្នេះហើយ ដើម្បីបង្ការ ក៏ដូចជាកាត់បន្ថយហានិភ័យនៃការកើតជំងឺមហារីកពោះវៀនធំ គ្នាយើងគប្បីផ្លាស់ប្ដូររបបអាហារ ដោយបង្កើនការញ៉ាំបន្លែបៃតង កាត់បន្ថយកម្រិតជាតិស្ករ អាហារកែច្នៃ ពពួកសាច់ក្រហម និងញ៉ាំពពួកប្រូតេអ៊ីនពីសាច់គ្មានខ្លាញ់ សាច់មាន់ ឬសណ្តែក។ល។

ចំពោះរោគសញ្ញានៃជំងឺមហារីកពោះវៀនធំ ដែលយើងគួរយកចិត្តទុកដាក់មានដូចជា ហូរឈាមតាមរន្ធគូថ ឬឈាមនៅក្នុងលាមក ចុក ឬឈឺពោះ ខ្សោយ អស់កម្លាំង និងស្រកទម្ងន់

ការសិក្សាបង្ហាញថា សាច់ក្រហម និងស្ករអាចបង្កទៅជាមហារីកពោះវៀនធំលើមនុស្សវ័យក្មេង