ថ្វីត្បិតតែពុំមានវិធីណាអាចការពារជំងឺមហារីកមាត់ស្បូនបានទាំងស្រុងក៏ពិតមែន ប៉ុន្តែប្រសិនបើយើងរកឃើញជំងឺមហារីកមួយនៅដំណាក់កាលដំបូង នោះឱកាសព្យាបាលជាសះស្បើយក៏កាន់តែខ្ពស់។ ពិតណាស់ HPV ជាប្រភេទវីរុសដែលឆ្លងពីមនុស្សម្នាក់ទៅមនុស្សម្នាក់ទៀត តាមការរួមភេទ ហើយគ្នាយើងក្នុងវ័យបន្តពូជភាគច្រើនអាចឆ្លងវីរុសនេះ ប៉ុន្តែមិនមែនវីរុសទាំងអស់សុទ្ធតែបង្កឲ្យកើតជំងឺមហារីកនោះទេ ពីព្រោះថាជាទូទៅ ប្រព័ន្ធភាពស៊ាំរបស់យើងប្រឆាំងនឹងការឆ្លងមេរោគផ្សេងៗ។ យ៉ាងណាមិញ វ៉ារ្យង់មួយចំនួន និងកត្តាដទៃទៀតអាចបណ្តាលឲ្យស្រីៗយើងកើតជំងឺមហារីកមាត់ស្បូនដោយមិនដឹងខ្លួន។ ដូច្នេះហើយ ដើម្បីកាត់បន្ថយហានិភ័យនៃជំងឺមហារីកមាត់ស្បូន យើងគួរអនុវត្តគន្លឹះទាំង៥ខាងក្រោម។

១. ឈប់ជក់បារី

ការជក់បារី អាចបង្កើនហានិភ័យនៃការកើតជំងឺមហារីកមាត់ស្បូនទ្វេដង ពីព្រោះផលិតផលថ្នាំជក់ទាំងនេះ អាចបំផ្លាញDNAនៃកោសិកាមាត់ស្បូន និងរួមចំណែកដល់ការវិវត្តនៃជំងឺមហារីកមាត់ស្បូន។

ចង់គណនា BMR ចុចទីនេះ !

ចង់គណនា BMI ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យសុខភាពប្រព័ន្ធរំលាយអាហារ ចុចទីនេះ !

២. ពិនិត្យសុខភាព

ការពិនិត្យសុខភាពជាប្រចាំមានសារៈសំខាន់ណាស់ ដើម្បីការពារខ្លួនពីជំងឺមហារីក។ ស្រីៗយើងគួរធ្វើតេស្ត Pap Test ឬ Pap smearដើម្បីពិនិត្យរកមើលកោសិកាដែលអាចបង្កជំងឺមហារីក ដែលជាភាពមិនប្រក្រតីនៃកោសិកាលើមាត់ស្បូន និងអាចវិវត្តទៅជាជំងឺមហារីកមាត់ស្បូន ប្រសិនបើយើងមិនធ្វើការព្យាបាលឲ្យបានត្រឹមត្រូវទេនោះ។ ចំណែកឯតេស្ដHPV អាចជួយឲ្យយើងដឹងពីវត្តមានវីរុសដែលបណ្តាលឲ្យមានការប្រែប្រួលកោសិកា (human papillomavirus) ។

៣. ចាក់វ៉ាក់សាំង

ការចាក់វ៉ាក់សាំងមុនពេលប៉ះពាល់នឹងវីរុសHPV ជាមធ្យោបាយដ៏ល្អបំផុតក្នុងការបង្ការជំងឺមហារីកមាត់ស្បូន។ កុមារចាប់ពីអាយុ៩ឆ្នាំឡើងទៅ គួរតែវ៉ាក់សាំងHPV។ សម្រាប់មនុស្សពេញវ័យដែលមានអាយុចាប់ពី២៧ឆ្នាំ រហូតដល់៤៥ឆ្នាំ គប្បីធ្វើការពិភាក្សាជាមួយនឹងគ្រូពេទ្យជំនាញ ថាតើគួរចាក់វ៉ាក់សាំងឬយ៉ាងណា ពីព្រោះអ្នកដែលស្ថិតក្នុងវ័យនេះ ទទួលបានអត្ថប្រយោជន៍តិចតួចប៉ុណ្ណោះពីការចាក់វ៉ាក់សាំង។

៤. ប្រើស្រោមអនាម័យជានិច្ច

យោងតាមការស្រាវជ្រាវបានឲ្យដឹងថា ស្ត្រីដែលមានដៃគូរួមភេទច្រើន អាចទំនងជាងាយឆ្លងវីរុសHPV និងវិវត្តទៅជាជំងឺមហារីកមាត់ស្បូន។ អ៊ីចឹងហើយ យើងគួរតែការពារខ្លួន ដោយការប្រើស្រោមអនាម័យជានិច្ចរាល់ពេលរួមភេទ។

៥. ហាត់ប្រាណជាប្រចាំ និងញ៉ាំរបបអាហារសុខភាព

របបអាហារដែលមានតុល្យភាពដូចជាផ្លែឈើ បន្លែ គ្រាប់ធញ្ញជាតិ អាចជួយការពារយើងពីជំងឺមហារីក និងជួយឲ្យយើងមានសុខភាពល្អថែមទៀតផង។ អាហារទាំងនេះ ផ្ទុកសារធាតុគីមីមានប្រយោជន៍ ដែលជួយកាត់បន្ថយហានិភ័យនៃការកើតជំងឺមហារីកមាត់ស្បូន។ បន្ថែមពីនេះ យើងចាំបាច់ហាត់ប្រាណជាប្រចាំ ដើម្បីជួយឲ្យប្រព័ន្ធភាពស៊ាំរឹងមាំ និងអាចប្រឆាំងនឹងជំងឺមហារីកយ៉ាងមានប្រសិទ្ធភាព។

អត្ថបទគួរអាន៖

គន្លឹះ៥យ៉ាង ជួយកាត់បន្ថយហានិភ័យមហារីកមាត់ស្បូន ស្រីៗមិនគួររំលង!

១. ឈប់​ជក់​បារី

២. ពិនិត្យ​សុខភាព​

៣. ចាក់​វ៉ាក់សាំង

៤. ប្រើ​ស្រោម​អនាម័យ​ជានិច្ច

៥. ហាត់ប្រាណ​ជា​ប្រចាំ និង​ញ៉ាំ​របប​អាហារ​សុខភាព

១. ឈប់ជក់បារី

២. ពិនិត្យសុខភាព

៣. ចាក់វ៉ាក់សាំង

៤. ប្រើស្រោមអនាម័យជានិច្ច

៥. ហាត់ប្រាណជាប្រចាំ និងញ៉ាំរបបអាហារសុខភាព