ជាទូទៅ ការមានផ្ទៃពោះបង្កឲ្យមានការប្រែប្រួលរាងកាយ និងអ័រម៉ូនសំខាន់ៗរបស់ស្ត្រីដែលធ្វើឲ្យមុខងារក្រពេញទីរ៉ូតអ៊ីតផ្លាស់ប្ដូរ។ នេះមានន័យថា ក្នុងពេលពពោះ អ័រម៉ូនទីរ៉ូអ៊ីតអាចចុះខ្សោយ ឬលើស ហើយចំពោះករណីលើសអ័រម៉ូនទីរ៉ូអ៊ីតពេលពពោះ អាចបណ្ដាលឲ្យទាំងម៉ាក់ៗ និងកូនក្នុងផ្ទៃប្រឈមនឹងបញ្ហាជាច្រើន។
មាតិកា
លើសអ័រម៉ូនទីរ៉ូអ៊ីត ស្រ្តីពពោះ និងកូនអាចជួបគ្រោះថ្នាក់ច្រើន
ទាក់ទងនឹងបញ្ហានេះ មន្ទីរពេទ្យ កាល់ម៉ែត បានបកស្រាយឲ្យដឹងថា អ័រម៉ូនទីរ៉ូអ៊ីតត្រូវបានបញ្ចេញចោលពីក្រពេញទីរ៉ូអ៊ីតដែលមានរាងដូចមេអំបៅ ស្ថិតនៅផ្នែកខាងមុខនៃដើមក ដើម្បីទ្រទ្រង់ជីវិតមនុស្ស។ ការកើនឡើងលើសពីប្រក្រតីនៃអ័រម៉ូននេះ បង្កឲ្យមានវិបត្តិសុខភាពធ្ងន់ធ្ងរ។ បញ្ហាលើសអ័រម៉ូនទីរ៉ូអ៊ីតពេលពពោះ មានអត្រារហូតដល់ ០,២% នៃស្ត្រីមានផ្ទៃពោះ និងអាចបង្កគ្រោះថ្នាក់ធ្ងន់ធ្ងរដល់ម្ដាយ និងទារកក្នុងផ្ទៃ បើមិនបានព្យាបាលត្រឹមត្រូវ ឬទាន់ពេលវេលា។
ផលពិបាកលើម្ដាយ
- រលូតកូន
- កូនកើតមិនគ្រប់ខែ
- ឡើងសម្ពាធឈាមពេលពពោះ
- កើតជំងឺបម្រុងក្រឡាភ្លើង
- ខ្សោយបេះដូង។
ផលពិបាកលើគភ៌
- រូបរាងមិនប្រក្រតី
- ការលូតលាស់យឺតយ៉ាវ
- កូនស្លាប់ក្នុងផ្ទៃ
- លើសអ័រម៉ូនទីរ៉ូអ៊ីតលើកូន។
មន្ទីរពេទ្យ កាល់ម៉ែត បានបន្ថែមថា មូលហេតុដែលបណ្ដាលឲ្យលើសអ័រម៉ូនទីរ៉ូអ៊ីតពេលពពោះ អាចបង្កឡើងដោយជំងឺ Basedow ដុំពកកច្រើន និងការរលាកក្រពេញទីរ៉ូអ៊ីតផ្សេងៗទៀត។ រោគសញ្ញានៃបញ្ហាលើសអ័រម៉ូនទីរ៉ូអ៊ីតពេលពពោះមានដូចជា៖
- ស្រកទម្ងន់ ឬមិនឡើងទម្ងន់អំឡុងពេលពពោះ
- ក្អួតខ្លាំង (ចាញ់កូនខ្លាំង)
- ហត់ អស់កម្លាំង
- បេះដូងដើរញាប់
- ឆាប់ខឹង ឆាប់មួម៉ៅ ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hyperthyroidism and Pregnancy https://www.hormone.org/diseases-and-conditions/pregnancy-and-thyroid-disease/hyperthyroidism-and-pregnancy
Hyperthyroidism in Pregnancy https://www.thyroid.org/hyperthyroidism-in-pregnancy/
កំណែប្រែបច្ចុប្បន្ន
03/01/2022
អត្ថបទដោយ នាង សុខុមដាលីញ៉ា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ · និពន្ធដោយ នាង សុខុមដាលីញ៉ា បានធ្វើបច្ចុប្បន្នភាព 03/01/2022
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម