មានកត្តាជាច្រើនដែលរួមចំណែកដល់ការហើមជើង និងកជើងអំឡុងពេលមានផ្ទៃពោះ។ ពិតណាស់ រាងកាយរបស់យើងរក្សាសារធាតុរាវច្រើននៅអំឡុងពេលមានគភ៌។ បន្ថែមពីនេះ ស្បូនដែលកំពុងលូតលាស់បានដាក់សម្ពាធលើសរសៃឈាមវ៉ែន ដែលអាចធ្វើឲ្យឈាមដែលរត់ទៅកាន់បេះដូងចុះខ្សោយ។ បន្ថែមពីនេះ ការផ្លាស់ប្ដូរអ័រម៉ូនក៏អាចរួមចំណែកដល់ការហើមជើង និងកជើងនេះដែរ។
ហើមកជើងពេលពពោះបណ្ដាលមកពីអ្វី? គួរដោះស្រាយបែបណា?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ជាក់ស្ដែង អាការៈហើមជើង និងកជើងកើតឡើងជាទូទៅ នៅអំឡុងពេលមានគភ៌ ហើយវានឹងបាត់ទៅវិញ បន្ទាប់ពីសម្រាលកូនរួច។ យ៉ាងណាមិញ ម៉ាក់ៗក៏អាចអនុវត្តតាមវិធីសាស្ត្រមួយចំនួន ដើម្បីកាត់បន្ថយអាការៈនេះផងដែរ។
យោងតាមការស្រាវជ្រាវមួយចំនួនបានបង្ហាញថា ការម៉ាស្សាជើងដែលពាក់ព័ន្ធនឹងការដាក់សម្ពាធទៅលើបរិវេណជាក់លាក់នៃជើង ដៃ និងត្រចៀក អាចជួយកាត់បន្ថយអាការៈហើមជើង និងកជើងបានយ៉ាងមានប្រសិទ្ធភាព។
ទោះបីជាការហើមជើង ឬកជើងតិចតួច អំឡុងពេលមានគភ៌ គឺជារឿងធម្មតាក៏ពិតមែន ប៉ុន្តែអាការៈហើមជើងភ្លាមៗដែលឈឺចាប់ខ្លាំង ជាពិសេសគឺកើតឡើងចំពោះជើងតែម្ខាង អាចបង្ហាញពីកកឈាម (ការស្ទះសរសៃឈាមវ៉ែនជ្រៅ)។ មួយវិញទៀត ការហើមជើងភ្លាមៗក៏អាចបង្ហាញថា សម្ពាធឈាមរបស់យើងគឺខ្ពស់ជាងធម្មតា ហើយបញ្ហាសុខភាពទាំងពីរនេះ គឺត្រូវការការវាយតម្លៃ និងការព្យាបាលភ្លាមៗ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម