ការចាញ់កូនបណ្តាលម៉ាក់ៗពពោះមួយចំនួនចង្អោរ ឬក្អួត និងមិនស្រួលក្នុងខ្លួន។ ការចាញ់កូនតិចតួចមិនបណ្តាលឱ្យម៉ាក់ៗ ឬកូនក្នុងផ្ទៃមានគ្រោះថ្នាក់ទេ តែបើម៉ាក់ៗចាញ់កូនខ្លាំងអាចបណ្តាលឱ្យខ្វះសារធាតុចិញ្ចឹម និងបាត់បង់អេឡិចត្រូលីត។ ដូច្នេះដើម្បីជួយបន្ធូរអាការៈចាញ់កូន ម៉ាក់ៗគួរញុំាអាហារ និងភេជ្ជៈណាខ្លះ?
- ខ្ញីមិនត្រឹមតែអាចបំបាត់អាការៈចាញ់កូនទេ ថែមទាំងជួយដល់ការរំលាយអាហារ និងប្រឆាំងនឹងការរលាកក្នុងខ្លួនទៀត
- ជីរអង្កាមអាចកាត់បន្ថយអាការៈចាញ់កូន ហើយអាចធ្វើឱ្យខ្យល់ដង្ហើមម៉ាក់ៗស្រស់ថ្លា និងកាត់បន្ថយអាការៈមិនស្រួលក្នុងក្រពះទៀតផង
- ក្លិន និងទឹកក្រូចឆ្មារអាចកាត់បន្ថយអាការៈចាញ់កូនបាន ហើយប្រសិនបើម៉ាក់ៗឈឺក្រពះ ម៉ាក់ៗអាចហិតក្លិនសម្បកក្រូចឆ្មារក៏បាន
- អាហារសម្បូរប្រូតេអ៊ីនត្រូវការពេលយូរក្នុងការរំលាយ ដែលមិនធ្វើឱ្យកម្រិតជាតិស្ករក្នុងឈាមម៉ាក់ៗចុះទាបលឿនដែលអាចបណ្តាលឱ្យម៉ាក់ៗចាញ់កូនកាន់តែខ្លាំង
- អាហារសម្បូរវីតាមីន B6 អាចកាត់បន្ថយអាការៈចាញ់កូន និងជួយជំរុញការផលិតកោសិកាឈាមក្រហម
- អាហារផ្ទុកកាបូអ៊ីដ្រាតងាយរំលាយ និងធ្វើឱ្យម៉ាក់ៗមានកម្លាំងឆាប់
- ផ្លែឈើ និងបន្លែស្រស់សម្បូរទៅដោយសារធាតុចិញ្ចឹម និងជាតិសរសៃដែលជួយដល់ការរំលាយអាហារ