ប្រសិនបើស្រីៗយើងមានបំណងធ្វើការបង្កកំណើតក្រៅស្បូន ក្រោយពេលដែលប្រឈមនឹងការរលូតកូនម្តងហើយម្តងទៀត យើងគួរដឹងពីគន្លឹះមួយចំនួនដើម្បីជំរុញឲ្យអត្រានៃការបង្កកំណើតក្រៅស្បូនឲ្យកាន់ខ្ពស់។
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ប្រសិនបើស្រីៗយើងមានបំណងធ្វើការបង្កកំណើតក្រៅស្បូន ក្រោយពេលដែលប្រឈមនឹងការរលូតកូនម្តងហើយម្តងទៀត យើងគួរដឹងពីគន្លឹះមួយចំនួនដើម្បីជំរុញឲ្យអត្រានៃការបង្កកំណើតក្រៅស្បូនឲ្យកាន់ខ្ពស់។
ពិតណាស់ ការបង្កកំណើតក្រៅស្បូន ឬក្នុងមន្ទីរពិសោធន៍ (IVF) មិនមែនជាជម្រើសតែមួយគត់ក្រោយពេលដែលរលូតកូនឡើយ។ ប៉ុន្តែ ក្នុងករណីដែលយើងមានការពិបាកក្នុងការមានផ្ទៃពោះម្តងទៀត យើងគួរធ្វើការពិចារណាពីការបង្កកំណើតក្រៅស្បូន។
ជាក់ស្តែង ការរលូតកូនកើតឡើងនៅអំឡុងពេលពីរបីខែដំបូងនៃការមានផ្ទៃពោះ ហើយ៥០%នៃការរលូតកូននេះ កើតឡើងនៅរយៈពេលបីខែដំបូង នេះបើយោងតាមNational Library of Medicine។ យ៉ាងណាមិញ ទោះបីជាធ្លាប់រលូតកូនម្តងហើយក៏ពិតមែន នោះមិនមានន័យថាយើងមិនអាចមានផ្ទៃពោះម្តងទៀតឡើយ។
ប៉ុន្តែ ហានិភ័យនៃការរលូតកូនជាលើកទី២ អាចកើនឡើងដល់២០% ហើយបើយើងប្រឈមនឹងការរលូតកូនចាប់ពី៣ដងឡើងទៅ ហានិភ័យមានរហូតដល់ទៅ៤៣%ឯណោះ។ ហេតុនេះហើយ សម្រាប់គូស្នេហ៍ដែលមានបញ្ហារលូតកូនម្តងហើយម្តងទៀត គួរជ្រើសរើសវិធីបង្កកំណើត ដូចជាIVFជាដើម។
ការបង្កកំណើតក្រៅស្បូន ជាដំណើរការនៃការទាញយកមេជីវិតញីពីស្បូន និងបង្កកំណើតជាមួយនឹងមេជីវិតឈ្មោល ក្រោយបង្កកំណើតរួច ទើបអំប្រ៊ីយ៉ុងត្រូវបានផ្ទេរត្រលប់មកកាន់ស្បូនវិញ។ ការបង្កកំណើតក្រៅស្បូន មានសុវត្ថិភាពខ្ពស់ ប៉ុន្តែអត្រាជោគជ័យត្រូវពឹងផ្អែកលើកត្តាជាច្រើនដូចជា អាយុ មូលហេតុនៃការរលូតកូន មូលហេតុនៃការគ្មានកូន និងលក្ខខណ្ឌនៃអ័រម៉ូនជាដើម។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕