ការមានផ្ទៃពោះជារឿងគួរឲ្យរំភើបមួយសម្រាប់ស្រីៗយើង ដែលកំពុងព្យាយាមយកកូន។ ប៉ុន្តែការមានផ្ទៃពោះមិនមានន័យថាគ្រប់ពេល គឺមានវត្តមានប៊េប៊ីក្នុងផ្ទៃនោះទេ។ ករណីកម្រខ្លះស្រីៗយើងជឿថាខ្លួនឯងមានផ្ទៃពោះ ដោយសារតែមានអាការៈស្រដៀងគ្នានឹងការមានផ្ទៃពោះ តែតាមពិតវាកើតឡើងដោយសារតែរឿងផ្សេងទៅវិញ។
ស្រីៗខ្លះអាចច្រឡំថាខ្លួនមានផ្ទៃពោះ នេះជាមូលហេតុ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ដឹងកាលវិភាគចាក់ថ្នាំបង្ការកូននៅទីនេះ
១. «ច្រឡំថាមានផ្ទៃពោះ» កើតឡើងដោយរបៀបណា?
ថ្មីៗនេះ ក្រុមវេជ្ជបណ្ឌិតបានចាប់ផ្ដើមយល់ដឹងថាបញ្ហាផ្លូវចិត្ត និងរាងកាយ ជាដើមចមនៃបញ្ហា «ច្រឡំថាមានផ្ទៃពោះ» នេះ ទោះបីជាដើមចមជាក់លាក់នៅមិនទាន់បានដឹងក៏ដោយ។ ក្រុមវេជ្ជបណ្ឌិតសង្ស័យថាកត្តាចិត្តសាស្រ្តបានបំភាន់ទៅកាន់រាងកាយថាមានផ្ទៃពោះ។ ពេលស្រីៗមានអារម្មណ៍ចង់បានកូនខ្លាំង ដោយសារតែខ្លួនមិនអាចបង្កកំណើត ឬរលូតកូនញឹកញាប់ ឬបាត់រដូវ នោះរាងកាយនឹងផលិតសញ្ញាមានផ្ទៃពោះមួយចំនួនឡើង ដូចជាពោះឡើងធំ រីកដោះ ឬអាចថែមទាំងមានអារម្មណ៍ដូចមានទារកធ្វើចលនាក្នុងផ្ទៃទៀតផង។
ខួរក្បាលរបស់មនុស្សស្រី ក៏ចាប់ផ្ដើមបកប្រែសញ្ញាទាំងនោះ និងរំញោចឲ្យមានការបញ្ចេញអ័រម៉ូនដូចជាអឺស្រ្តូហ្សែន និង ប្រូឡាក់ទីន ដែលនាំឲ្យកើតមានរោគសញ្ញាដូចជាអ្នកចាញ់កូន។
២. រោគសញ្ញា«ច្រឡំថាមានផ្ទៃពោះ»
រោគសញ្ញា«ច្រឡំថាមានផ្ទៃពោះ» ក៏ដូចគ្នាទៅនឹងការមានផ្ទៃពោះដែរ។ មានដូចជា៖
- រំខានដល់ការមករដូវ
- ពោះឡើងធំ
- ដោះរីកធំ និងឡើងតឹង ប្រែប្រួលចុងសុដន់ និងអាចប្រែទាំងការផលិតទឹកដោះ
- មានអារម្មណ៍ថាមានអ្វីនៅក្នុងពោះ
- ចង្អោរ ឬក្អួត និង
- ឡើងទម្ងន់ ជាដើម។
រោគសញ្ញានេះអាចបាត់ទៅវិញជាច្រើនសប្ដាហ៍ ឬដល់ប្រាំបួនខែ ឬអាចមានរហូតច្រើនឆ្នាំក៏មាន។ ភាគរយតិចតួចនៃអ្នកជំងឺ «ច្រឡំថាមានផ្ទៃពោះ» នឹងត្រូវទៅជួបពេទ្យ ឬទៅមន្ទីរពេទ្យច្រើនលើកច្រើនសារ ដោយសារតែចេះតែមានអារម្មណ៍ថាឈឺពោះសម្រាលកូន។
៣. ការពិនិត្យរោគសញ្ញា
ដើម្បីដឹងថាស្រីៗយើងមានបញ្ហា«ច្រឡំថាមានផ្ទៃពោះ» គ្រូពេទ្យនឹងវាយតម្លៃលើរោគសញ្ញា ពីនិត្យអាងត្រគាក និងឆ្លុះអេកូ។ ក្នុងករណីស្រីៗយើងមិនមានផ្ទៃពោះទេ ពេលឆ្លុះអេកូ នឹងមិនឃើញមានកូនក្នុងផ្ទៃ និងមានចង្វាក់បេះដូចនោះទេ។
អាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម