ការប្រើថ្នាំពន្យារកំណើតបន្ទាន់ ជាជម្រើសតែមួយគត់ ដើម្បីបញ្ចៀសការមានផ្ទៃពោះដោយចៃដន្យ នៅពេលដែលយើងខកខានមិនបានប្រើស្រោមអនាម័យ ឬវិធីសាស្ត្រពន្យារកំណើតដទៃទៀត។ យ៉ាងណាមិញ តើថ្នាំពន្យារកំណើតបន្ទាន់ មានសុវត្ថិភាពចំពោះគ្នាយើងដែរឬអត់?
ផលប៉ះពាល់ទូទៅបំផុតនៃការប្រើថ្នាំពន្យារកំណើតបន្ទាន់ មិនថាប្រើលើកដំបូង ឬប្រើច្រើនលើកនោះទេ យើងអាចប្រឈមនឹងការប្រែប្រួលវដ្ដរដូវ។ បញ្ហានេះកើតឡើងដោយសារតែថ្នាំពន្យារកំណើតបន្ទាន់ផ្ទុកសារធាតុដែលរារាំងអ័រម៉ូនភេទស្រី និងការពារការបញ្ចេញពងអូវុល។ អាស្រ័យតាមស្ថានភាពសុខភាពស្រីៗយើង វដ្ដរដូវខ្លះអាចមកយឺត ឬលឿនជាងធម្មតា។ ក្នុងករណីវដ្ដរដូវមកយឺតប្រហែល១សប្ដាហ៍ យើងគួរពិគ្រោះជាមួយគ្រូពេទ្យ និងប្រើតេស្តពិនិត្យផ្ទៃពោះ ឬតេស្តឈាម ដើម្បីដឹងថាយើងមានផ្ទៃពោះឬអត់។
ទន្ទឹមនឹងនេះដែរ មានស្រីៗជាច្រើនប្រឈមនឹងការធ្លាក់ឈាម ក្រោយប្រើថ្នាំពន្យារកំណើតបន្ទាន់ ដែលនេះជាផលប៉ះពាល់ដ៏ចម្បងមួយ។ យ៉ាងណាមិញ គ្នាយើងមិនគួរបារម្ភពេកឡើយ ពីព្រោះករណីនេះមិនប៉ះពាល់សុខភាពធ្ងន់ធ្ងរឡើយ។ ប៉ុន្តែ បើយើងធ្លាក់ឈាមលើសពី២ថ្ងៃ ក្រោយប្រើថ្នាំពន្យារកំណើតបន្ទាន់ យើងគួរទៅជួបគ្រូពេទ្យ ដើម្បីធ្វើការព្យាបាល ពីព្រោះវាអាចជាសញ្ញាព្រមាននៃបញ្ហាសុខភាពធ្ងន់ធ្ងរ។
ប្រមាណ៥០% នៃអ្នកប្រើថ្នាំពន្យារកំណើតបន្ទាន់ អាចមានអាការៈចង្អោរ។ ផលប៉ះពាល់មួយនេះ អាចនឹងបាត់ទៅវិញក្រោយរយៈពេល ១ទៅ ២សប្ដាហ៍ ឬអាចឆាប់រហ័សជាងនេះ។ ប៉ុន្តែ បើអាការៈចង្អោរនៅតែបន្ត គ្នាយើងគួរផ្លាស់ប្ដូររបបអាហារ ទើបជាការប្រសើរ។
មួយវិញទៀត ការប្រើថ្នាំប្រភេទនេះក៏អាចធ្វើឲ្យយើងអស់កម្លាំងដូចគ្នា។ ជាទូទៅ ស្ត្រីដែលទើបប្រើថ្នាំពន្យារកំណើតបន្ទាន់ជាលើកដំបូង អាចមានអារម្មណ៍នឿយហត់នៅពេលព្រឹកព្រលឹម។ ប៉ុន្តែ អាការៈនេះនឹងបាត់ទៅវិញក្នុងរយៈពេល១ថ្ងៃ ឬ២ថ្ងៃប៉ុណ្ណោះ។
បន្ថែមពីនេះ ការប្រើថ្នាំពន្យារកំណើតបន្ទាន់ក៏អាចមានផលប៉ះពាល់ផ្សេងទៀត ដូចជាតឹងក្នុងទ្រូង ឈឺក្បាល ចំណង់ផ្លូវភេទធ្លាក់ចុះ និងឈឺពោះផ្នែកខាងក្រោមផងដែរ។
ថ្នាំពន្យារកំណើតបន្ទាន់ អាចប្រើបានតែចំពោះស្ត្រីដែលមានសុខភាពល្អប៉ុណ្ណោះ និងមិនគួរប្រើច្រើនជាង២ដងក្នុងមួយខែឡើយ។ ការប្រើថ្នាំប្រភេទនេះលើសកម្រិត អាចបណ្ដាលឲ្យមានផលប៉ះពាល់ និងផលវិបាករយៈពេលវែង ដែលរួមមាន៖
អ្នកជំនាញបានណែនាំថា អ្នកដែលមានបញ្ហាកំណកឈាម គីសទឹកក្រពេញអូវែ (PCOS) សម្ពាធឈាមខ្ពស់ ឬមានជំងឺបាក់ទឹកចិត្តមិនគួរប្រើថ្នាំពន្យារកំណើតបន្ទាន់នេះឡើយ។
គួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
4 Side Effects of Emergency Contraception
https://hellodoctor.com.ph/sexual-wellness/contraception/emergency-contraception-side-effects/
Emergency contraception (morning after pill, IUD)
https://www.nhs.uk/conditions/contraception/emergency-contraception/
Emergency contraception
https://www.who.int/news-room/fact-sheets/detail/emergency-contraception
កំណែប្រែបច្ចុប្បន្ន
12/02/2024
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
