បញ្ហាអត់កូន ឬមានកូនយឺតយ៉ាវ អាចបណ្ដាលមកពីបែបបទរស់នៅប្រចាំថ្ងៃមួយចំនួន ដែលគ្នាយើងមើលរំលង។ ពិតណាស់ មនុស្សរាប់លាននាក់ទូទាំងពិភពលោកកំពុងតែប្រឈមនឹងបញ្ហាគ្មានកូននេះ ហើយស្រីៗដែលស្ថិតក្នុងហានិភ័យខ្ពស់មានដូចជា អ្នកដែលធាត់ជ្រុល មានជំងឺគីសទឹកក្រពេញអូវែ និងមានអាយុច្រើនជាដើម។ ចំណែកឯប្រុសៗវិញ អាចជួបនឹងបញ្ហាក្នុងការបញ្ចេញទឹកកាម ឬគ្មានមេជីវិតឈ្មោល។ យ៉ាងណាមិញ គ្នាយើងនៅតែអាចកាត់បន្ថយហានិភ័យនៃបញ្ហាអត់មានកូនបាន ដោយការផ្លាស់ប្ដូរទម្លាប់ប្រចាំថ្ងៃទាំង ៥យ៉ាងនេះ។