ភាពអារអត់កូនគឺជាការអសមត្ថភាពផ្លូវភេទក្នុងការបង្កកំណើត បើទោះបីជាមានការរួមភេទជាប្រចាំដោយមិនការពារ ក៏ដោយ។ ក្រៅពីនេះទៀតរោគសញ្ញានៃភាពអារអត់កូនដែលគួរឲ្យកត់សម្គាល់បំផុតនោះគឺការដែលមិនមានផ្ទៃពោះ។នៅមានរោគសញ្ញាច្រើនផ្សេងទៀតប៉ុន្តែក៏មានការពិបាកក្នុងការកត់សម្គាល់ណាស់ដែរ។ មូលហេតុនីមួយៗនៃភាពអារអត់កូនអាចចេញរោគសញ្ញាផ្សេងៗគ្នា ហើយក៏មានស្ថានភាពសុខភាពជាច្រើនដែលអាចប៉ះពាល់ដល់ឱកាសក្នុងការមានគភ៌។
មាតិកា
ប្រុសៗការយូរឆ្នាំហើយនៅតែអត់មានកូន គួរធ្វើម៉េចល្អ?
រោគសញ្ញានៃភាពអារអត់កូនលើបុរស
សម្រាប់រោគសញ្ញាលើបុរសគឺពិតជាពិបាកក្នុងការពិនិត្យរកណាស់។ មនុស្សប្រុសអារភាគច្រើនគឺមិនបានដឹងអំពីស្ថានភាពរបស់ខ្លួនរហូតទាល់តែអ្នកទាំងនោះព្យាយាមចង់បានបេប៊ីជាច្រើនឆ្នាំហើយមិនបានជោគជ័យ។ ដូចដែលបានបញ្ជាក់ខាងលើរោគសញ្ញានៃភាពអារអត់កូនលើបុរសគឺអាស្រ័យលើមូលហេតុដែលយើងមិនអាចមើលឃើញ។ មូលហេតុភាគច្រើនរួមមាន៖
- ប្រែប្រួលក្នុងការលូតលាស់សក់
- ប្រែប្រួលលើចំណង់ផ្លូវភេទ(ខ្សោយ)
- ការឈឺចាប់ដុំពកឬការហើមពងស្វាស
- ពិបាកឡើងរឹងនិងការសម្រេចកាម
- ពងស្វាសរឹងតូច
គួរទៅមន្ទីរពេទ្យពេលណា?
ប្រុសៗយើងគួរទៅស្វែងរកការព្យាបាលបើមានអាយុក្រោម៣៥ឆ្នាំ និងបានចំណាយពេលរាប់ឆ្នាំដើម្បីចង់បានបេប៊ីហើយមិនទទួលបានជោគជ័យទៀតនោះ។ សម្រាប់ស្ត្រីវិញបន្ទាត់ពេលវេលាគឺមានភាពខុសគ្នា។ បើប្រពន្ធអាយុលើស ៣៥ ឆ្នាំគួរតែទៅពិនិត្យជាមួយគ្រូពេទ្យជំនាញក្រោយព្យាយាមអស់រយៈពេល ៦ខែហើយនៅមិនបានផល។
គ្រូពេទ្យអាចធ្វើរោគវិនិច្ឆយពីមូលហេតុបានតាមរយៈការពិនិត្យឈាម ទឹកនោម និងការធ្វើតេស្តវិទ្យុសាស្ត្រផ្សេងទៀត។ ដើម្បីធ្វើការពិនិត្យរាប់ចំនួនមេជីវិត និងស្ថានភាពសុខភាពរបស់មេជីវិតរបស់យើង គ្រូពេទ្យនឹងណែនាំឲ្យទៅជួបជាមួយអ្នកឯកទេសខាងវិភាគមេជីវិត។
ម៉្យាងទៀតយើងក៏ត្រូវទៅជួបគ្រូពេទ្យឯកទេសអង់ដូគ្រីនខាងបន្តពូជដើម្បីធ្វើការព្យាបាលភាពអារអត់កូន។ យើងត្រូវរៀបរាប់អំពីរោគសញ្ញារបស់ខ្លួន និងប្រវត្តិជំងឺដើម្បីឲ្យគ្រូពេទ្យបានដឹងផងដែរ។
- ប្រសិនបើយើងកំពុងប្រើថ្នាំណាមួយគួរយករបស់ទាំងនោះទៅជាមួយផងរួមមានវេជ្ជបញ្ជា វីតាមីនថ្នាំជាតិរ៉ែអាហារបំប៉ន និងថ្នាំដែលគ្មានវេជ្ជបញ្ជាផ្សេងទៀត។
- កត់ត្រាទុកឲ្យបានក្បោះក្បាយតើយើងរួមភេទដោយមិនបានការពារញឹកញាប់ប៉ុណ្ណា បានព្យាយាមយូរហើយឬនៅ និងកត់ថ្ងៃចុងដែលយើងបានព្យាយាមយកបេប៊ី។
- សង្កេតមើលបំលាស់ប្ដូររូបរាងកាយឬរោគសញ្ញាផ្សេងៗដែលអាចពាក់ព័ន្ធជាមួយជំងឺ។
- កុំភ្លេចប្រាប់ទៅគ្រូពេទ្យនិងយកឯកសារដែលពាក់ព័ន្ធទៅជាមួយប្រសិនបើយើងធ្វើការវះកាត់ឬព្យាបាលកាលពីមុនដែលអាចប៉ះពាល់ដល់ប្រដាប់ភេទ។
- ប្រាប់ទៅគ្រូពេទ្យប្រសិនបើយើងធ្លាប់ទទួលការព្យាបាលដោយសារធាតុវិទ្យុសកម្ម ឬតាមបែបគីមី។
- ប្រាប់អំពីទម្លាប់រស់នៅរបស់យើងដូចជាការជក់បារី សេពគ្រឿងស្រវឹង និងការប្រើប្រាស់គ្រឿងញៀន។
- ប្រាប់អំពីជំងឺដែលឆ្លងតាមការរួមភេទ(បើមាន) ប្រវត្តិជំងឺផ្ទាល់ខ្លួន ឬគ្រួសារនូវបញ្ហាសេនេទិចណាមួយ ឬជំងឺរ៉ាំរ៉ៃដូចជាជំងឺទឹកនោមផ្អែម ឬជំងឺក្រពេញទីរ៉ូអ៊ីតជាដើម។
គួរអាន៖
- ប្រុសៗចង់បានកូន គួរញ៉ាំរ៉ែ និងវីតាមីនអីខ្លះ ជួយឲ្យមេជីវិតខ្លាំង?
- មិនចង់ប៉ះពាល់ដល់មេជីវិត ប្រុសៗគួរចៀសវាងអាហារទាំងនេះ
- បច្ចេកទេសបង្កើនគុណភាពមេជីវិតរបស់ប្រុសៗ បើសិនចង់បានកូនដូចគេ
- ប្រុសៗចូលចិត្តស្លៀកខោរឹបតឹងយូរពេក អាចខ្សោយមេជីវិត?
- ប្រុសៗប្រយ័ត្នផង! មិនចង់អសមត្ថភាពផ្លូវភេទ កុំឲ្យកើតជំងឺនេះ
- ស្រីៗអាចមានផ្ទៃពោះទេ បើមិនបានរួមភេទផង?
- ពិតអត់ ប្រុសៗពងទកមិនអាចបង្កកំណើតបាន?
- បញ្ចេញទឹកកាមច្រើនដងក្នុងមួយថ្ងៃ ប៉ះពាល់គុណភាពមេជីវិតអត់ ឬអាចអត់កូនទេ?
- សញ្ញាទាំង៤ បញ្ជាក់ថាសុខភាពផ្លូវភេទប្រុសៗមានបញ្ហា
- ស្វែងយល់ពីសុខភាពបុរសច្រើនទៀត
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Understanding Infertility — Symptoms – https://www.womenshealth.gov/blog/understanding-infertility
https://opa.hhs.gov/reproductive-health/understanding-fertility-basics
https://www.cedars-sinai.org/programs/gynecology/clinical-programs/fertility-reproductive/understanding-infertility.html
https://www.who.int/news-room/fact-sheets/detail/infertility
https://www.mayoclinic.org/diseases-conditions/infertility/symptoms-causes/syc-20354317
កំណែប្រែបច្ចុប្បន្ន
15/09/2023
អត្ថបទដោយ យ៉ានណែត នីគែល
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម