ចាស់ៗពីដើមតែងមានទម្លាប់តៗគ្នាមកឲ្យកូនចៅដែលមានពោះពុងសម្រុកញ៉ាំគ្រាប់ជីរ គ្រាប់ល្ង ដូងទុំជាដើម ដើម្បីស្រួលកើតកូន មិនសូវឈឺចាប់ ឬឈឺពោះយូរ។ តើពិតជាអ៊ីចឹងមែនឬ? ការធ្វើតាមក្បួនបុរាណដូច្នេះអាចនឹងប៉ះពាល់អ្វីខ្លះ?
មាតិកា
ម៉ាក់ៗញ៉ាំគ្រាប់ជីរ-ល្ង ច្រើនពេលពពោះ ស្រួលកើតកូន?
គ្រាប់ជីរផ្តល់ប្រយោជន៍ច្រើនចំពោះសុខភាព ប៉ុន្តែចំពោះស្រីមានផ្ទៃពោះ គ្រូពេទ្យផ្នែកសម្ភពមិនណែនាំឲ្យញ៉ាំឡើយ។ មកទល់ពេលនេះមិនទាន់មានការសិក្សាណាបញ្ជាក់ថា គ្រាប់ជីរល្អចំពោះស្ត្រីមានផ្ទៃពោះឡើយ ការញ៉ាំគ្រាប់ជីរ គ្រាប់ល្ង ផឹកទឹកដូងទុំ ឬថ្នាំបុរាណផ្សេងៗក្នុងអំឡុងពេលពពោះមិនត្រឹមមិនបានផលនោះទេ តែអាចធ្វើឲ្យមានគ្រោះថ្នាក់អំឡុងពេលសម្រាល និងក្រោយពេលសម្រាល នេះបើតាមការបញ្ជាក់របស់លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ។
– សុកក្រិន ស្អិត ចាស់មុនអាយុ
– ស្បូនមិនបើក
– ទឹកភ្លោះមិនល្អ
– ធ្លាក់ឈាម (ក្រោយសម្រាល)
– កូនខ្សោយ។
ដើម្បីម៉ាក់ៗ និងកូននៅក្នុងពោះមានសុខភាពល្អ គ្រូពេទ្យណែនាំស្រីៗមានផ្ទៃពោះឲ្យញ៉ាំអាហារដែលសម្បូរជីវជាតិចម្រុះមុខ មានត្រី សាច់ ស៊ុត បន្លែផ្លែឈើឲ្យបានគ្រប់គ្រាន់ ចៀសវាងការញ៉ាំប្រៃ ស្រា បារី និងត្រូវមានអនាម័យ។ ក្រៅនោះយើងត្រូវទៅមន្ទីរពេទ្យ ឬមណ្ឌលសុខភាពដើម្បី៖
– តាមដានសុខភាព និងពិនិត្យផ្ទៃពោះឲ្យបានទៀងទាត់ (យ៉ាងតិច ៤ដង)
– ចាក់ថ្នាំតេតាណុស
– លេបថ្នាំជាតិដែកឲ្យបានយ៉ាងតិច ៩០គ្រាប់
– លេបថ្នាំទម្លាក់សត្វល្អិត។
អត្ថបទគួរអាន៖
- ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក
- ស្បែកយារធ្លាក់ក្រោយសម្រាល សាកអនុវត្តតិចនិក ៥ នេះ
- ក្រោយសម្រាលកូនដើមទ្រូងឡើងសរសៃខៀវខ្វាត់ខ្វែង ធ្វើម៉េចទើបបាត់វិញ?
- ហេតុអ្វីក្រោយសម្រាលកូន ពេទ្យឲ្យម៉ាក់ៗលេបថ្នាំទម្លាក់សត្វល្អិត?
- ហេតុអីសម្រាលកូនរួច វដ្តរដូវម៉ាក់ៗមិនទៀងដូចមុន?
- សម្រាលកូនរួច ពេលណាម៉ាក់ៗអាចងូតទឹកបាន?
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Chia Seeds During Pregnancy: Should You Eat Them?
https://www.healwithfood.org/safe-to-eat/chia-seeds-during-pregnancy
Chia Seeds During Pregnancy
http://m.newhealthadvisor.org/Chia-Seeds-During-Pregnancy.html
What to eat before, during and after pregnancy
https://www.unicef.org/rosa/stories/what-eat-during-and-after-pregnancy
កំណែប្រែបច្ចុប្បន្ន
03/05/2023
អត្ថបទដោយ ដេត ធន្នី
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម