ការសម្រាលកូនប្រៀបបាននឹងការឆ្លងកាត់មហាសាគរដូច្នេះដែរ ត្រូវឆ្លងកាត់ឧបសគ្គ និងការឈឺចាប់ អ្នកខ្លះដល់ថ្នាក់ស្រែកយំ។ ពេលសម្រាលម្តងៗ តែងមានគ្រូពេទ្យផ្នែកសម្ភព ឬឆ្មប ចាំជួយលើកទឹកចិត្ត និងប្រាប់ពីតិចនិកមួយចំនួនឲ្យម៉ាក់ៗប្រឹងកើតអាអូនតាមបែបធម្មជាតិ តើក្បួនទាំងនោះមានអ្វីខ្លះទៅ?

លោកស្រី អ៊ួង លីដា នាយសាល ផ្នែកបន្ទប់សម្រាល នៃមជ្ឈមណ្ឌលជាតិគាំពារមាតា និងទារក រៀបរាប់ថា ដើម្បីសម្រាលកូនតាមធម្មជាតិបានស្រួល លុះណាតែម៉ាក់ៗបានត្រៀមលក្ខណៈស្រួលប្រួល មានកម្លាំងគ្រប់គ្រាន់ ឯអាងត្រគាកក៏អំណោយផលទៀត។ ងាកមកនិយាយពីគន្លឹះក្នុងការប្រឹងសម្រាលកូនវិញ លោកស្រីវេជ្ជបណ្ឌិតថា ពេទ្យគេមានក្បួនប្រឹង មិនមែនប្រឹងកើតមិនឈប់នោះទេ ក្បួននោះគឺ ឈឺ១ដង ប្រឹង៣ដង។

គណនាថ្ងៃមេជីវិតញីទុំធ្លាក់ ចុចទីនេះ !

ចង់គណនាថ្ងៃសម្រាលកូន ចុចទីនេះ !

ចង់គណនាទម្ងន់ស្រ្តីពពោះ ចុចទីនេះ !

“ឈឺម្តងប្រឹង៣ដង អត់ឈឺអត់ប្រឹង ឈឺចាំប្រឹង ដកដង្ហើមធម្មតាវែងៗ អាហ្នឹងត្រូវបច្ចេកទេសពេទ្យហើយ កាលណាយើងប្រឹងរហូត មានកម្លាំងឯងណាប្រឹង ប្រឹងរហូតអត់មានអុកស៊ីសែនដកដង្ហើមទេ ទាំងយើងទាំងកូនត្រូវការអុកស៊ីសែន”។

សម្រាលកូន

ឈឺពោះសម្រាលកូន មិនមែនឈឺម្តង កូនកើតមកភ្លាមនោះទេ ទម្រាំកូនយើងចេញមកក្រៅបានឃើញពន្លឺព្រះអាទិត្យ ម៉ាក់ៗត្រូវឈឺពោះរាប់ម៉ោង ខំប្រឹងរាប់ភ្លេច ដូច្នេះការប្រឹងខុសបច្ចេកទេស នៅពេលសម្រាល ធ្វើឲ្យម៉ាក់ៗឆាប់អស់កម្លាំង។

បន្ថែមពីលើតិចនិកទាំងប៉ុន្មាននេះ លោកស្រីថា អំឡុងពេកប្រឹងសម្រាលកូន ស្រីៗគ្នាយើងមិនត្រូវខាំធ្មេញ និងបិទមាត់ជិតនោះទេ។

អត្ថបទគួរអាន៖

របៀប​ប្រឹង​ពេល​សម្រាល​កូន ណែនាំ​ដោយ​គ្រូពេទ្យ​ផ្នែក​សម្ភព

របៀបប្រឹងពេលសម្រាលកូន ណែនាំដោយគ្រូពេទ្យផ្នែកសម្ភព