ស្ត្រីខ្លះក្រោយសម្រាលកូនហើយឃើញមានសរសៃខៀវៗពេញទ្រូង ដែលចាស់ៗហៅថា សរសៃទឹកដោះ។ ទោះជាមិនឈឺចាប់ក្ដី តែវាមើលទៅគួរឲ្យខ្លាច និងមិនស្រស់ស្អាតឡើយ ទើបមានម៉ាក់ៗខ្លះចង់ដឹងពីវិធី ដើម្បីកែខៃបញ្ហានេះ។
អ្នកម៉ាក់ ប៉ែន សុនារី បានចែករំលែកបញ្ហាឡើងសរសៃខៀវៗនោះថា បណ្ដាលមកពីក្រពេញទឹកដោះ ព្រមទាំងដើមទ្រូងរីកធំទៀតនោះ ទើបសរសៃឃើញច្បាស់បែបនេះ ដើម្បីកាត់បន្ថយ យើងអាចបំបៅកូនឲ្យបានញឹកញាប់ ដើម្បីកុំឲ្យតឹងដើមទ្រូង ហើយសរសៃក៏មិនឃើញច្បាស់ៗពេក។ អាជីវកររូបនោះបានបន្ថែមទៀតថា យើងក៏ត្រូវឡេលាបផ្ដល់សំណើមដល់ស្បែកផងដែរ ដើម្បីឲ្យស្បែកទន់រលោង ប្រហែល ១ ខែក្រោយលុបបាត់អស់ច្រើនបាន។
គណនាថ្ងៃមេជីវិតញីទុំធ្លាក់ ចុចទីនេះ!
គណនាទម្ងន់ស្រ្តីពពោះ ចុចទីនេះ!
ស្រ្តីវ័យ ៣០ ឆ្នាំរូបនោះបន្ថែមទៀតថា ការលាបរឹត ខាត់អប់ ស្បែកជាមួយពន្លៃ និងស្លៀកពាក់ឲ្យបានជិតៗក៏ជាដំណោះស្រាយមានប្រសិទ្ធិភាពបាត់សរសៃខៀវផងដែរ។
ចំពោះបញ្ហានេះ លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្រ្តីនៃមន្ទីរពេទ្យបង្អែកមិត្តភាពកម្ពុជា-ចិន សែនសុខ បានឲ្យដឹងថា បញ្ហាឡើងសរសៃខៀវបែបនោះ អាចដោយសារការរីកសរសៃវ៉ែន ព្រោះការកើនឡើងកម្រិតអ័រម៉ូនប្រូហ្សេស្តេរ៉ូនច្រើនអំឡុងពេលពពោះ និងក្រោយសម្រាលប៉ុណ្ណោះ។ ចំពោះការឡើងសរសៃខៀវនេះមិនមែនតែដើមទ្រូងឡើយ គឺអាចមាននៅដៃ ជើង ភ្លៅ ពោះ ។
លោកបានបញ្ជាក់ទៀតថា វាជាធម្មជាតិសម្រាប់ស្ត្រីជាម្ដាយនៅសរសៃខ្ចី ដូចនេះកាលណាកម្រិតអ័រម៉ូននោះធ្លាក់ចុះ វានឹងបាត់ទៅវិញដោយឯងៗ។
អត្ថបទពាក់ព័ន្ធ៖
- ពិតអត់ ស្រីៗសម្រាលកូនរួច ញ៉ាំក្បាលជ្រូក ផ្នែខ្នុរ ធ្វើឲ្យទាស់?
- ហេតុអ្វីក្រោយសម្រាលកូន ពេទ្យឲ្យម៉ាក់ៗលេបថ្នាំទម្លាក់សត្វល្អិត?
- គ្រូពេទ្យថា សម្រាលកូនរួចឆ្អើរភ្លើង គ្រោះថ្នាក់ទាំងម្ដាយទាំងកូន
- សម្រាលកូនរួចម៉ាក់ៗធ្វើបែបនេះ ជួយសុខភាពផ្លូវកាយ-ចិត្តបានល្អ
- បែបនេះសោះបានជាពេទ្យហាមស្រីៗសម្រាលកូនរួច មិនឲ្យផឹកថ្នាំខ្មែរ
- ក្រោយសម្រាលកូនចេញពីពេទ្យ ម៉ាក់ៗចង់ចាក់ថ្នាំឲ្យសាច់ស្អាតបានអត់?
- ក្រោយសម្រាលកូន ស្ត្រីត្រូវញ៉ាំអីខ្លះ ទើបមិនស្លេកស្លាំង សម្បូរទឹកដោះឲ្យកូនម៉ឹម?
- ជំនឿបុរាណទាក់ទងការញ៉ាំអាហារក្រោយសម្រាលទាំងនេះ ពេទ្យថាគ្រោះថ្នាក់ខ្លាំងណាស់
ចំណុចសំខាន់
លោកបានបញ្ជាក់ទៀតថា វាជាធម្មជាតិសម្រាប់ស្ត្រីជាម្ដាយនៅសរសៃខ្ចី ដូចនេះកាលណាកម្រិតអ័រម៉ូននោះធ្លាក់ចុះ វានឹងបាត់ទៅវិញដោយឯងៗ។
[embed-health-tool-ovulation]
