អំឡុងពេលពពោះ និងក្រោយសម្រាលកូនរួច ស្រីៗយើងច្បាស់ជាប្រឈមនឹងការប្រែប្រួលជាច្រើនលើរាងកាយ ហើយការប្រែប្រួលខ្លះក៏អាចប៉ះពាល់ដល់គំហើញរបស់ម៉ាក់ៗផងដែរដូចជា បញ្ហាភ្នែកក្រោយសម្រាល។

មូលហេតុនៃការផ្លាស់ប្ដូរគំហើញក្រោយសម្រាលកូន

ដោយសារតែការប្រែប្រួលអ័រម៉ូននៅក្នុងប្រព័ន្ធខាងក្នុង ម៉ាក់ៗអាចប្រឈមនឹងបញ្ហាមួយចំនួន ដូចជាព្រិលភ្នែក ឬវិលមុខ។ មូលហេតុមួយចំនួន ដែលនាំឲ្យមានការប្រែប្រួលគំហើញបែបនេះ អាចមកពីកត្តាមួយចំនួន។

១. ស្ទះការចាល់ទឹកក្នុងថង់ទឹកភ្នែក

ក្រោយសម្រាលកូនរួច ការចាល់ទឹកក្នុងថង់ទឹកភ្នែកត្រូវបានរាំងស្ទះ ដែលនាំឲ្យស្រទាប់ភ្នែក មិនអាចវិលត្រលប់មករកសភាពដើម ក៏ដូចជានាំឲ្យយើងជួបបញ្ហាព្រិលភ្នែក ឬខូចទ្រង់ទ្រាយភ្នែកខ្លាំង។

២. បម្រុងក្រឡាភ្លើង

ទន្ទឹមនឹងនេះដែរ ស្រីៗយើងអាចប្រឈមនឹងបញ្ហាសម្ពាធឈាមខ្ពស់ ដែលបង្កទៅជាជំងឺបម្រុងក្រឡាភ្លើង។ ក្នុងករណីខ្លះ ម៉ាក់ៗអាចមានបញ្ហាភ្នែកផ្សេងៗ ដូចជារំញោចទៅនឹងពន្លឺ ឬព្រិលភ្នែក ដែលតម្រូវឲ្យម៉ាក់ត្រូវពិភាក្សាជាមួយនឹងគ្រូពេទ្យ ក៏ដូចជាញ៉ាំថ្នាំតាមវេជ្ជបញ្ជា។

៣. ជំងឺទឹកនោមផ្អែមពេលពពោះ

ការប្រែប្រួលកម្រិតជាតិស្ករក្នុងឈាម អាចបំផ្លាញសរសៃឈាមតូចៗដែលភ្ជាប់ទៅនឹងរ៉េទីនភ្នែក។ ដូច្នេះហើយ បានជាជំងឺទឹកនោមផ្អែមពេលពពោះអាចរំខានដល់ការមើលឃើញ ព្រមទាំងនាំឲ្យម៉ាក់ប្រឈមនឹងបញ្ហាព្រិលភ្នែក។

ចង់គណនា BMR ចុចទីនេះ !

ចង់គណនា BMI ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យសុខភាពប្រព័ន្ធរំលាយអាហារ ចុចទីនេះ !

ការព្យាបាលបញ្ហាភ្នែកក្រោយសម្រាលកូនរួច

ការប្រែប្រួលគំហើញ ក្រោយសម្រាលអាចបន្តពីរយៈពេល៦ខែ ទៅ៨ខែ។ អំឡុងពេលពពោះ ម៉ាក់ៗដែលប្រើContact lens គួរប្ដូរមកប្រើវ៉ែនតាជំនួសវិញ។ យ៉ាងណាមិញ ម៉ាក់ក៏អាចអនុវត្តគន្លឹះមួយចំនួន ដើម្បីដោះស្រាយបញ្ហាភ្នែកក្រោយសម្រាល ដែលរួមមាន៖

ប្រើថ្នាំបន្តក់ភ្នែក ដែលណែនាំដោយគ្រូពេទ្យឯកទេសភ្នែក
បើបញ្ហាព្រិលភ្នែកនៅតែបន្ត ក្រោយសម្រាលកូនលើសពី១០ខែឡើងទៅ ស្រីៗយើងគួរពិគ្រោះយោបល់ជាមួយគ្រូពេទ្យឯកទេសភ្នែក
ក្នុងករណីដែលបញ្ហាភ្នែកកើតឡើងដោយសារតែជំងឺបម្រុងក្រឡាភ្លើង យើងគួរទទួលយកការព្យាបាលដោយការប្រើថ្នាំតាមវេជ្ជបញ្ជា
គួរហាត់ប្រាណជាប្រចាំ និងជ្រើសរើសរបបអាហារតុល្យភាព ដើម្បីដោះស្រាយបញ្ហាភ្នែកដែលកើតឡើងដោយសារជំងឺទឹកនោមផ្អែមពេលពពោះ។

ស្រវាំងភ្នែក

អត្ថបទគួរអាន៖

ចំណុចសំខាន់

ក្រោយសម្រាលកូន ម៉ាក់ៗអាចប្រឈមនឹងបញ្ហាភ្នែកមួយចំនួន ដូចជាព្រិលភ្នែក ឬរំញោចទៅនឹងពន្លឺ ដែលអាចបណ្តាលមកពីបញ្ហាទាំង៤នេះ៖

ចាល់ទឹកក្នុងថង់ទឹកភ្នែក
ជំងឺបម្រុងក្រឡាភ្លើង
ជំងឺទឹកនោមផ្អែមពេលពពោះ

មូលហេតុទាំង៣ នាំឲ្យម៉ាក់ៗប្រឈមបញ្ហាភ្នែកក្រោយសម្រាលកូន

មូលហេតុ​នៃ​ការ​ផ្លាស់ប្ដូរ​គំហើញ​ក្រោយ​សម្រាល​កូន

១. ស្ទះការ​ចាល់​ទឹក​ក្នុង​ថង់​ទឹក​ភ្នែក

២. បម្រុង​ក្រឡា​ភ្លើង

​​​៣. ជំងឺ​ទឹក​នោម​ផ្អែម​ពេល​ពពោះ

​ការ​ព្យាបាល​បញ្ហា​ភ្នែក​ក្រោយ​សម្រាល​កូន​រួច