ចេកគឺជាផ្លែឈើមួយប្រភេទដែលសម្បូរមានលក់លើទីផ្សារ តម្លៃវិញក៏ធូរថ្លៃ មិនត្រឹមតែប៉ុណ្ណោះអត្ថប្រយោជន៍ក៏មានច្រើនសម្រាប់សុខភាពផងដែរ។ ការបង្កើតទម្លាប់ញ៉ាំចេកឲ្យបាន ៣ផ្លែក្នុងមួយថ្ងៃអាចជួយដល់សុខភាពរាងកាយ បង្កើនថាមពល ពិសេសសម្រាប់អ្នកហាត់កីឡា និងការប្រើប្រាស់កម្លាំង បែកញើសច្រើនជាប្រចាំតែម្ដង។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
ចេកមួយផ្លែទម្ងន់ ១២០ក្រាម មានសារធាតុចិញ្ចឹមសំខាន់ៗដូចជា៖
- កាឡូរី ១០៦
- កាបូអ៊ីដ្រាត ២៧ក្រាម
- ជាតិសរសៃ៣,២ក្រាម
- ប្រូតេអ៊ីន ១,៤ក្រាម
- ប៉ូតាស្យូម ៤០០ មិល្លីក្រាម
- ម៉ាញ៉េស្យូម ៣៥ មិល្លីក្រាម
- ខ្លាញ់ ០,៤ក្រាម
រាងកាយរបស់យើងរាល់ថ្ងៃ រាប់ចាប់ពីវ័យ ១៦ឆ្នាំ ដល់៦០ឆ្នាំ ត្រូវការប៉ូតាស្យូមចន្លោះពី៣០០០ ទៅ ៤០០០ មិល្លីក្រាម និង ម៉ាញ៉េស្យូម ៤៥០មិល្លីក្រាមក្នុងមួយថ្ងៃ ខណៈដែលចេក៣ផ្លែអាចផ្ដល់ប៉ូតាស្យូមដល់ទៅ ១២០០មិល្លីក្រាម និងម៉ាញ៉េស្យូម ១០៥ មិល្លីក្រាម ដូច្នេះគឺជាអាហារូបត្ថម្ភល្អសម្រាប់សុខភាព។
[embed-health-tool-heart-rate]
អត្ថប្រយោជន៍ប៉ូតាស្យូម និងម៉ាញ៉េស្យូមក្នុងរាងកាយ
- គ្រប់គ្រងសម្ពាធឈាម និងជាតិស្ករក្នុងឈាម
- រក្សាមុខងារសរសៃប្រសាទ
- រក្សាចលនាចង្វាក់បេះដូង និងសាច់ដុំ
- គ្រប់គ្រងតុល្យភាពសារធាតុរាវក្នុងរាងកាយ
- ជួយបង្កើតកោសិកាសាច់ដុំឡើងវិញ
ម៉ាញ៉េស្យូម និងប៉ូតាស្យូម ក្នុងរាងកាយងាយនឹងបាត់បង់បំផុតតាមរយៈការបែកញើស ហាត់កីឡា ការប្រើប្រាស់ថាមពលខ្លាំង ដូច្នេះចេក គឺជាផ្លែឈើមួយប្រភេទដែលសម្បូរសារធាតុទាំងពីរ មិនត្រឹមតែប៉ុណ្ណោះ ក៏ជាប្រភេទអាហារ ដែលងាយស្រួលក្នុងការរំលាយបានរហ័សអាចឆ្លើយតបទៅនឹងការទាញយកថាមពលទៅប្រើប្រាស់តាមត្រូវការរាងកាយ។
អត្ថបទគួរអាន៖
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ
- ផ្លែឈើទាំង៨មុខនេះ ល្អសម្រាប់សុខភាពបេះដូង
- ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង
- គ្រឿងផ្សំក្នុងអាហារ ៣មុខ អាចធ្វើឲ្យបេះដូងលោតខុសធម្មតា
- ធ្វើការពីផ្ទះ មុខកុំព្យូទ័រយូរម៉ោង អាចប្រឈមជំងឺបេះដូង
បន្ថែមពីនេះ ចេកមានគុណប្រយោជន៍អាចប្រឆាំងនឹងអុកស៊ីតកម្ម ដោយសារធាតុម្យ៉ាងឈ្មោះថា Catechins ជាសារធាតុសំខាន់មួយ មានក្នុងរបបអាហារដែលធ្វើការដោយផ្ទាល់ជាមួយ នឹងប្រព័ន្ធប្រសាទនិងខួរក្បាល។ មិនត្រឹមតែប៉ុណ្ណោះ ចេកក៏អាចជួយការពារ ពីជំងឺវង្វេងតាមវ័យផងដែរ។
