របបអាហារក៏មានចំណែកសំខាន់ចំពោះការគេង ពិសេសការជ្រើសរើសអាហារពេលល្ងាចតែម្ដង បើជ្រើសរើសត្រឹមត្រូវអាចជួយឲ្យការគេងរបស់យើងបានលក់ស្រួល គ្មានការរំខាន និងលក់ស្កប់ស្កល់ថែមទៀតផង។
អាហារទាំងនេះអាចធ្វើឲ្យយើងគេងមិនលក់ និងប៉ះពាល់សុខភាព
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ចង់គណនាថ្ងៃមេជីវិតញីទុំធ្លាក់ ចុចទីនេះ!
របបអាហារគួរញ៉ាំសម្រាប់ពេលល្ងាច
ពេលយប់រាងកាយយើងត្រូវការសម្រាក ក៏ជាពេលដែលរាងកាយត្រូវការជួសជុលកោសិកាចាស់ៗ និងបង្កើតកោសិកាថ្មី ដូច្នេះអាហារពេលល្ងាចក៏គួរតែផ្ដោតលើប្រភេទអាហារដែលអាចផ្ដល់សារធាតុចិញ្ចឹមច្រើន ដូចជាពពួកប្រូតេអ៊ីន វីតាមីន រ៉ែ អាស៊ីតខ្លាញ់ ដើម្បីទ្រទ្រង់ និង ជំនួយដល់ការលូតរបស់កោសិកាទាំងឡាយ។
ប្រភេទអាហារទាំងនោះមានដូចជា បន្លែ ត្រី ផ្លែឈើ សាច់គ្មានខ្លាញ់ គ្រាប់ធញ្ញជាតិ ស៊ុត ទឹកដោះគោស្រស់ និងទឹកសណ្ដែក។ អាហារទាំងនេះ មានកម្រិតកាបូអ៊ីដ្រាត ជាតិស្ករ និងជាតិខ្លាញ់ទាប។ យើងអាចជ្រើសរើសសម្រាប់អាហារពេលល្ងាច ព្រោះជួយដល់សុខភាពច្រើនយ៉ាង ដូចជា បេះដូង សរសៃឈាម ខួរក្បាល ដែលជាផ្នែកសំខាន់ទាក់ទាំងនឹងការគេង។
របបអាហារមិនគួរញ៉ាំពេលល្ងាច
ប្រភេទអាហារពេលល្ងាចមួយចំនួនដែលយើងមិនគួរញ៉ាំ ឬ គួរកាត់បន្ថយប្រសិនបើចង់ឲ្យរាងកាយមានសុខភាពល្អ និងជួយសម្រួលដល់ការគេង។ ពពួកអាហារទាំងនោះមានដូចជា អាហារខ្លាញ់ អាហារហឹរខ្លាំង អាហារកែច្នៃ គ្រឿងស្រវឹង ពពួកកាហ្វេអ៊ីន និងអាហារមានកម្រិតជាតិស្ករខ្ពស់។
អាហារខ្លាញ់៖ បង្កការរំខានដល់ប្រព័ន្ធរំលាយអាហារមិនអាចធ្វើការបានល្អ លើសពីនេះនឹងប្រឈមកើនឡើងកំហាប់ខ្លាញ់ក្នុងសរសៃឈាម ប៉ះពាល់សុខភាពបេះដូង និងខួរក្បាល។ ខណៈពេលយប់រាងកាយត្រូវសម្រាក គ្មានចលនាក៏មិនអាចទាញយកថាមពល និង បំបែកជាតិខ្លាញ់ទាំងអស់នោះបាន។
ស្រដៀងគ្នាដែរនៅមានប្រភេទអាហារមានជាតិស្ករខ្ពស់ អាហារកែច្នៃ សុទ្ធតែមិនគួរជ្រើសរើសសម្រាប់អាហារពេលល្ងាច ព្រោះងាយធ្វើឲ្យអ្នកញ៉ាំមានបញ្ហាឡើងគីឡូ និងកើតជំងឺបេះដូង។
អាហារហឹរខ្លាំង៖ អាហារប្រភេទនេះអាចដាក់សម្ពាធលើប្រព័ន្ធរំលាយអាហារខ្លាំង អាចបង្កការចុក ក្រហល់ក្រហាយពោះ ពិបាកបន្ទោរបង់ បង្កការរំខានដល់ការគេង។ ប្រសិនបើប្រព័ន្ធរំលាយអាហារមិនមានសុខភាពល្អ នោះកាន់តែបង្កការរំខានថែមទៀត។
ភេសជ្ជៈជាតិកាហ្វេអ៊ីន៖ មិនគួរជ្រើសរើសញ៉ាំភេសជ្ជៈប្រភេទនេះពេលល្ងាចឡើយ ព្រោះអាចបណ្ដាលឲ្យយើងមិនងងុយគេង។ ជាតិកាហ្វេអ៊ីនគឺជាសារធាតុម្យ៉ាងអាចជួយរំញោចដល់ប្រព័ន្ធប្រសាទ ធ្វើឲ្យយើងមិនងាយគេងលក់នោះទេ។ បើចង់ញ៉ាំភេសជ្ជៈប្រភេទនេះ យ៉ាងហោចកំណត់ពេលញ៉ាំឲ្យបាន ៤ម៉ោង មុនពេលគេង ទើបមិនប៉ះពាល់ដល់ការគេង។
គ្រឿងស្រវឹង៖ គួរតែកំណត់បរិមាណផឹកមិនលើសពី៥០០មិល្លីលីត្រក្នុងមួយពេល។ ក្នុងករណីដែលយើងញ៉ាំច្រើននឹងធ្វើឲ្យប៉ះពាល់សុខភាពបេះដូង ថ្លើម ពិសេសខួរក្បាលតែម្ដង។ ថ្វីដ្បិតការផឹកគ្រឿងស្រវឹងនឹងធ្វើឲ្យឆាប់គេងលក់ក្នុងរយៈពេលខ្លី ប៉ុន្ដែមិនអាចធ្វើឲ្យខួរក្បាលមានភាពស្ងប់នោះទេ ក៏ជាហេតុធ្វើឲ្យយើងគេងលក់មិនស្កប់។
ដូច្នេះអាហារទាំងនោះនឹងបង្កការរំខានដល់ការគេង ដូចជាគេងលក់មិនលក់ គេងមិនស្កប់ និង ការគេងភ្ញាក់ៗ មិនត្រឹមតែប៉ុណ្ណោះក៏ប្រឈមកើតជំងឹជាច្រើនប្រភេទនាពេលអនាគត។
អត្ថបទគួរអាន៖
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ
- ផ្លែឈើទាំង៨មុខនេះ ល្អសម្រាប់សុខភាពបេះដូង
- ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង
- គ្រឿងផ្សំក្នុងអាហារ ៣មុខ អាចធ្វើឲ្យបេះដូងលោតខុសធម្មតា
- ធ្វើការពីផ្ទះ មុខកុំព្យូទ័រយូរម៉ោង អាចប្រឈមជំងឺបេះដូង
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម