បញ្ហាខ្វះជាតិដែកលើកុមារអាយុក្រោម ២ឆ្នាំធ្វើឲ្យប៉ះពាល់ជាខ្លាំងដល់ការអភិវឌ្ឍខួរក្បាល ពោលគឺធ្វើឱ្យការលូតលាស់ខួរក្បាលមានការយឺតយ៉ាវ។ មិនត្រឹមតែប៉ុណ្ណោះ អង្គការសុខភាពពិភពលោកលើកឡើងថា ការតាមដានដឹងថាស្រ្តីពពោះ និងកុមារតូចមានបញ្ហាខ្វះជាតិដែកគឺជារឿងសំខាន់។ បើតាមអង្គការសុខភាពពិភពលោកដដែល បញ្ហានេះនឹងបង្កជាផលអវិជ្ជមានដល់កុមារនៅពេលធំឡើង ដូចជាជួបបញ្ហារៀនមិនសូវបានល្អជាដើម។
ដូចគ្នាដែរ ការអភិវឌ្ឍខួរក្បាលរបស់កុមារក៏រងផលប៉ះពាល់ដែរ បើសិនជាម្ដាយពេលពពោះនៅត្រីមាសទី៣ ជួបបញ្ហាខ្វះជាតិដែក។ ការពិនិត្យសុខភាពពេលពពោះ ដើម្បីបានដឹងថាខ្លួនមានបញ្ហាខ្វះជាតិដែកឬយ៉ាងណា គឺជារឿងចាំបាច់ដើម្បីជួយឲ្យកូនក្នុងផ្ទៃចៀសផុតពីផលវិបាកនានាពីបញ្ហាខ្វះជាតិដែក។
ចុចទីនេះ ដើម្បីគណនាថ្ងៃមេជីវិតញីទុំធ្លាក់!
ចុចទីនេះ ដើម្បីគណនាថ្ងៃសម្រាលកូន!
ចុចទីនេះ ដើម្បីគណនាទម្ងន់ស្ត្រីពពោះ!
ចុចទីនេះ ដើម្បីគណនាទម្ងន់ធៀបកម្ពស់ (BMI)!
ចុចទីនេះ ដើម្បីមើលតារាងកាលវិភាគចាក់វ៉ាក់សាំងទារក!
ទំនាក់ទំនងរវាងជាតិដែក និងខួរក្បាលកុមារ
ការសិក្សានាពេលថ្មីៗនេះបានរកឃើញថាស្រ្តីកំពុងពពោះដែលមានជាតិដែកគ្រប់គ្រាន់ ជួយឲ្យកូនក្នុងផ្ទៃមានការលូតលាស់ខួរក្បាលបានល្អ ហើយក្មេងដែលកើតពីម្ដាយមានបញ្ហាស្លេកស្លាំងដោយខ្វះជាតិដែកពេលកំពុងពពោះវិញ គឺប្រឈមនឹងបញ្ហាអភិវឌ្ឍផ្នែកប្រព័ន្ធប្រសាទ។
ជាតិដែកត្រូវបានគេរកឃើញថាមានសារសំខាន់សម្រាប់ដំណើរការកោសិកា និងសរីរាង្គផ្សេងទៀត និងសំខាន់បំផុតសម្រាប់ការលូតលាស់ខួរក្បាល ក្នុងដំណាក់កាលមូលដ្ឋានគ្រឹះនៃការផលិតសម្បកណឺរ៉ូន និងការធ្វើមេតាប៉ូលិសលើថាមពល និងតំណភ្ជាប់ប្រព័ន្ធប្រសាទ។
[embed-health-tool-bmi]
កង្វះជាតិដែកលើកុមារ ពិសេស ១ ០០០ថ្ងៃដំបូង គិតតាំងពីចាប់កំណើតក្នុងផ្ទៃ នឹងអាចធ្វើឲ្យកុមារមានផលវិបាករយៈពេលវែង ដូចជាជួបបញ្ហាធ្លាក់ចុះបញ្ញាស្មារតី និងបញ្ហាអាកប្បកិរិយា ជាដើម។ បញ្ហាទាំងនេះបើសិនជាកើតលើកុមារ នោះនឹងធ្វើឲ្យពិបាកក្នុងការសិក្សារៀនសូត្រ ឬរៀនសូត្រមិនបានល្អដូចក្មេងដទៃនិងខ្សោយការផ្ចង់អារម្មណ៍ជាដើម។
ការបង្ការបញ្ហាខ្វះជាតិដែក
សម្រាប់ស្រ្តីមានផ្ទៃពោះ និងកុមារតូចជាក្រុមមនុស្សដែលងាយប្រឈមនឹងបញ្ហាខ្វះជាតិដែក ព្រោះថា ក្នុងដំណាក់កាលនេះទាំងស្រ្តីមានផ្ទៃពោះ និងកុមារតូចត្រូវការជាតិដែកខ្ពស់ដើម្បីទ្រទ្រង់ដល់ការលូតលាស់។
ស្រ្តីមានផ្ទៃពោះអាចទទួលបានជាតិដែកតាមរយៈរបបអាហារ និងថ្នាំគ្រាប់ជាតិដែកដែលគ្រូពេទ្យបានណែនាំ។ ការរក្សាជាតិដែកបានត្រឹមត្រឹមត្រូវអំឡុងពេលពពោះ កាត់បន្ថយហានិភ័យផ្សេងៗដែលអាចកើតលើកូនក្នុងផ្ទៃ និងក្រោយសម្រាល។
អត្ថបទគួរអាន៖
- ចង់បានឆ្អឹងរឹងមាំ លូតលាស់ល្អ កុំភ្លេចរបបអាហារទាំងនេះ
- ក្រោយសម្រាលកូន បើនៅមានបញ្ហាទាំងនេះ កុំទាន់រួមដំណេក
- ក្រោយរួមភេទរយៈពេលប៉ុន្មាន ទើបមានការបង្កកំណើត?
- ក្រោយសម្រាលកូនដើមទ្រូងឡើងសរសៃខៀវខ្វាត់ខ្វែង ធ្វើម៉េចទើបបាត់វិញ?
- ហេតុអ្វីក្រោយសម្រាលកូន ពេទ្យឲ្យម៉ាក់ៗលេបថ្នាំទម្លាក់សត្វល្អិត?
- ហេតុអីសម្រាលកូនរួច វដ្តរដូវម៉ាក់ៗមិនទៀងដូចមុន?
- សម្រាលកូនរួច ពេលណាម៉ាក់ៗអាចងូតទឹកបាន?
សម្រាប់ទារកទើបកើត ការបន្តទទួលបានការបំបៅទឹកដោះម្ដាយជាកត្តាសំខាន់បំផុតមួយក្នុងការបំពេញជាតិដែកដែលកូនត្រូវការ។ ក្រោយវ័យ៦ ខែទារកនៅអាចបន្តទទួលការបំបៅដោះ និងត្រូវបន្ថែមរបបអាហារក្រៅ ដែលមានបន្លែ និងផ្លែឈើចម្រុះ ដើម្បីធានាថាកូនបានទទួលជាតិដែក និងសារជាតិចិញ្ចឹមផ្សេងទៀតបានគ្រាប់គ្រាន់សម្រាប់ការលូតលាស់ទាំងផ្នែកបញ្ញាស្មារតី និងរាងកាយ ។
អាហារល្អៗដែលសម្បូរជាតិដែកសម្រាប់តម្រូវការរាងកាយរបស់កុមារមានដូចជាត្រី សាច់ គ្រឿងសមុទ្រ និងបន្លែបៃតង។ មួយវិញទៀតប៉ាម៉ាក់គួរសង្កេតមើលពីសញ្ញាសង្ស័យមួយចំនួនដូចជា កូនខ្សោយ អស់កម្លាំង ស្លេកស្លាំង មានបញ្ហាអាកប្បកិរិយា និងមានការឆ្លងរោគញឹកញាប់ ដែលអ្វីទាំងនេះអាចថាកូនកំពុងជួបបញ្ហាខ្វះជាតិដែក និងគួរនាំកូនទៅជួបគ្រូពេទ្យ៕
ចំណុចសំខាន់
ទំនាក់ទំនងរវាងជាតិដែក និងខួរក្បាលកុមារ
ការសិក្សានាពេលថ្មីៗនេះបានរកឃើញថាស្រ្តីកំពុងពពោះដែលមានជាតិដែកគ្រប់គ្រាន់ ជួយឲ្យកូនក្នុងផ្ទៃមានការលូតលាស់ខួរក្បាលបានល្អ ហើយក្មេងដែលកើតពីម្ដាយមានបញ្ហាស្លេកស្លាំងដោយខ្វះជាតិដែកពេលកំពុងពពោះវិញ គឺប្រឈមនឹងបញ្ហាអភិវឌ្ឍផ្នែកប្រព័ន្ធប្រសាទ។
ជាតិដែកត្រូវបានគេរកឃើញថាមានសារសំខាន់សម្រាប់ដំណើរការកោសិកា និងសរីរាង្គផ្សេងទៀត និងសំខាន់បំផុតសម្រាប់ការលូតលាស់ខួរក្បាល ក្នុងដំណាក់កាលមូលដ្ឋានគ្រឹះនៃការផលិតសម្បកណឺរ៉ូន និងការធ្វើមេតាប៉ូលិសលើថាមពល និងតំណភ្ជាប់ប្រព័ន្ធប្រសាទ។
កង្វះជាតិដែកលើកុមារ ពិសេស ១ ០០០ថ្ងៃដំបូង គិតតាំងពីចាប់កំណើតក្នុងផ្ទៃ នឹងអាចធ្វើឲ្យកុមារមានផលវិបាករយៈពេលវែង ដូចជាជួបបញ្ហាធ្លាក់ចុះបញ្ញាស្មារតី និងបញ្ហាអាកប្បកិរិយា ជាដើម។ បញ្ហាទាំងនេះបើសិនជាកើតលើកុមារ នោះនឹងធ្វើឲ្យពិបាកក្នុងការសិក្សារៀនសូត្រ ឬរៀនសូត្រមិនបានល្អដូចក្មេងដទៃនិងខ្សោយការផ្ចង់អារម្មណ៍ជាដើម។
