ការប្រែប្រួលអាកាសធាតុភ្លាមៗ អាចនាំឲ្យមានការរាលដាលនៃជំងឺផ្សេងៗជាច្រើន ដូចជាគ្រុនក្ដៅធ្ងន់ធ្ងរ តឹងច្រមុះ រមាស់ក រលាកស៊ីនូសក្នុងច្រមុះ ឬអាលែកហ្ស៊ីជាដើម។ បន្ថែមពីនេះ ខ្យល់ត្រជាក់អាចប៉ះពាល់ដល់ប្រព័ន្ធភាពស៊ាំរបស់យើង ក៏ដូចជាធ្វើឲ្យយើងងាយកើតជំងឺផ្ដាសាយធម្មតា និងជំងឺផ្ដាសាយធំផងដែរ។ ហេតុនេះហើយ ដើម្បីការពារខ្លួនកុំឲ្យធ្លាក់ខ្លួនឈឺនៅពេលដែលអាកាសធាតុប្រែប្រួល គ្នាយើងគួរអនុវត្តតាមគន្លឹះងាយៗខាងក្រោមនេះ។

១. រក្សាអនាម័យឲ្យបានល្អ

ការរក្សាអនាម័យឲ្យបានខ្ជាប់ខ្ជួន មានសារៈសំខាន់ណាស់ ដើម្បីជួយឲ្យយើងមានសុខភាពល្អ និងជៀសឆ្ងាយពីជំងឺផ្សេងៗ។ ពិតណាស់ ដៃជាប្រភពនៃមេរោគជាច្រើន និងបណ្ដាលឲ្យមានការបង្ករោគនៅពេលដែលយើងប៉ះភ្នែក ត្រចៀក និងមាត់។ ដូច្នេះហើយ យើងគួរលាងសម្អាតដៃឲ្យបានញឹកញាប់ជាមួយសាប៊ូ និងទឹក ឬជែលលាងដៃ។

ចង់គណនា BMI ចុចទីនេះ !

ចង់គណនា BMR ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យសុខភាពប្រព័ន្ធរំលាយអាហារ ចុចទីនេះ !

២. ខ្ពុរមាត់ជាមួយទឹកក្ដៅឧណ្ហៗ

ដូចគ្នានេះដែរ ការខ្ពុរមាត់ជាមួយនឹងទឹកក្ដៅឧណ្ហៗ អាចកាត់បន្ថយហានិភ័យនៃការចម្លងមេរោគយ៉ាងមានប្រសិទ្ធភាព។ ប្រសិនបើយើងខ្ពុរមាត់ជាប្រចាំ នោះប្រព័ន្ធភាពស៊ាំយើងក៏រឹងមាំ ព្រមទាំងអាចជួយប្រឆាំងនឹងមេរោគខាងក្រៅបានផងដែរ។ បន្ថែមពីនេះ គ្នាយើងគួរតែញ៉ាំទឹកក្ដៅឧណ្ហៗជាជាងទឹកត្រជាក់ ពីព្រោះទឹកក្ដៅអាចជួយសម្លាប់មេរោគ។

៣. ហាត់ប្រាណជាទៀងទាត់

ការហាត់ប្រាណមានអត្ថប្រយោជន៍ច្រើនយ៉ាង ដូចជាជួយពង្រឹងប្រព័ន្ធភាពស៊ាំ បញ្ចៀសបញ្ហាបេះដូង ឬធាត់ជ្រុលជាដើម។ លើសពីនេះ ការហាត់ប្រាណក៏ជួយបង្ការជំងឺផ្ដាសាយធម្មតា គ្រុនផ្ដាសាយធំ ឬគ្រុនក្ដៅ។ យោងតាមការសិក្សាបានបង្ហាញថា ប្រព័ន្ធភាពស៊ាំរបស់អ្នកធ្វើលំហាត់ប្រាណជាទៀងទាត់ (ហាត់ប្រាណរយៈពេល៤៥នាទីក្នុងមួយថ្ងៃ និង៣ទៅ៥ដងក្នុងមួយសប្ដាហ៍) មានសមត្ថភាពក្នុងការប្រឆាំងនឹងជំងឺផ្លូវដង្ហើមខាងលើ។

អាកាសធាតុប្រែប្រួល

អត្ថបទគួរអាន៖

៤. គេងឲ្យបានគ្រប់គ្រាន់

នៅពេលដែលយើងគេងមិនគ្រប់គ្រាន់ ឬមិនស្កប់ស្កល់ នោះប្រព័ន្ធភាពស៊ាំរបស់យើងក៏ចុះខ្សោយដូចគ្នា ហើយថែមទាំងមិនអាចប្រឆាំងនឹងជំងឺគ្រុនផ្ដាសាយធំ ឬគ្រុនក្ដៅបានទៀតផង។ ដូចនេះ យើងគួរតែគេងយ៉ាងហោចណាស់ឲ្យបាន៧ម៉ោងក្នុងមួយថ្ងៃ ទើបជាការប្រសើរ។

ចំណុចសំខាន់

នៅពេលអាកាសធាតុប្រែប្រួល គ្នាយើងងាយនឹងកើតជំងឺផ្សេងៗជាច្រើន ដូចជាគ្រុនក្តៅ តឹងច្រមុះ ហៀរសំបោរ រមាស់ក ឬអាលែកហ្ស៊ីជាដើម។ ដូច្នេះ ដើម្បីបង្ការបញ្ហាទាំងនេះ ក៏ដូចជាពង្រឹងប្រព័ន្ធភាពស៊ាំប្រឆាំងនឹងជំងឺ យើងគួរតែ៖

ឧស្សាហ៍លាងសម្អាតដៃ
ខ្ពុរមាត់ជាមួយទឹកក្តៅឧណ្ហៗ
ហាត់ប្រាណជាទៀងទាត់
គេងឲ្យបានគ្រប់គ្រាន់។

ឧស្សាហ៍ឈឺពេលអាកាសធាតុប្រែប្រួល អាចសាកតិចនិកទាំង ៤នេះ

១. រក្សា​អនាម័យ​​ឲ្យ​បាន​ល្អ​

២. ខ្ពុរ​មាត់​ជាមួយ​ទឹក​ក្ដៅ​ឧណ្ហ​ៗ​

​៣. ហាត់ប្រាណ​ជា​ទៀងទាត់

​​​៤. គេង​ឲ្យ​បាន​គ្រប់គ្រាន់

ចំណុចសំខាន់

១. រក្សាអនាម័យឲ្យបានល្អ

២. ខ្ពុរមាត់ជាមួយទឹកក្ដៅឧណ្ហៗ

៣. ហាត់ប្រាណជាទៀងទាត់

៤. គេងឲ្យបានគ្រប់គ្រាន់