អ្នកដែលនិយមម៉ាស្សា ក ដើម្បីកាត់បន្ថយការឈឺសាច់ដុំ ឬឈឺខ្នង អាចមានហានិភ័យធ្ងន់ធ្ងរ ដល់ពិការអវៈយៈ នេះបើយោងតាមសាស្រ្តាចារ្យវេជ្ជបណ្ឌិត Thiravat Hemachudha ទីប្រឹក្សា មហាវិទ្យាល័យវេជ្ជសាស្ត្របូព៌ានៃសាកលវិទ្យាល័យ Rangsit។
ការព្រមាននេះដែរ ជាការឆ្លើយតបទៅនឹងមរណភាពរបស់តារាចម្រៀងថៃម្នាក់ ឈ្មោះ Chayada Praohom ដែលរងគ្រោះថ្នាក់ពិការអវៈយវៈ និងត្រូវគេងលើគ្រែរហូត ក្រោយពីទទួលការម៉ាស្សា ក ចំនួនពីរបីដងរួចមក។
[embed-health-tool-heart-rate]
Chayada បានត្អួញត្អែរពីការឈឺស្មា និងក ទើបទៅទទួលការម៉ាស្សានេះ។ មួយសប្តាហ៍បន្ទាប់ពីម៉ាស្សារួច ក៏មានអារម្មណ៍ស្ពឹកនៅត្រង់ជើង រួចក៏ទៅទទួលការម៉ាស្សាម្តងទៀត។ រំលងបានពីរសប្តាហ៍ ការឈឺចាប់ក៏កាន់តែខ្លាំងឡើងធ្វើឲ្យគាត់ពិបាកគេង ហើយក៏ទៅម៉ាស្សាសាជាថ្មី ប៉ុន្តែការឈឺចាប់នេះ ធ្វើឲ្យគាត់រឹតតែពិបាកទ្រាំមានអារម្មណ៍ស្ពឹក ដែលរាលដាលដល់ពោះ ដើមទ្រូង និងជើង។ ជាមួយគ្នានេះដែរ Chayada កាន់តែខ្សោយទៅៗ ហើយមិនអាចលើកដៃ ឬជើងបាន និងលែងអាចកម្រើកបានទៀត។
ចង់គណនាថ្ងៃសម្រាលកូន ចុចទីនេះ!
ចង់គណនាទម្ងន់ស្រ្តីពពោះ ចុចទីនេះ!
គួរបញ្ជាក់ផងដែរថា មានអ្នកជំងឺចំនួន៥៥នាក់ មានអាយុចន្លោះពី២១ ដល់៦០ឆ្នាំ ដែលក្លាយទៅជាមនុស្សពិការ ក្រោយទទួលការព្យាបាល ក នេះបើតាមរបាយការណ៍ដោយអ្នកជំនាញខាងសរសៃប្រសាទជនជាតិអាមេរិក។ អ្នកជំនាញខាងសរសៃប្រសាទរូបនេះបានឲ្យដឹងថា ការម៉ាស្សា ក អាចមានផលប៉ះពាល់ដល់សរសៃឈាម ដែលដឹកនាំឈាមទៅខួរក្បាល ហើយចំពោះអ្នកដែលមានទម្លាប់កាច់ ក ចុះឡើង ក៏អាចដាក់សម្ពាធដល់សរសៃឈាមសំខាន់ៗ ជាហេតុនាំឲ្យមានកំណកឈាមនៅក្នុងសរសៃឈាម ដែលហូរទៅកាន់ខួរក្បាលដូចគ្នា។
ហេតុនេះហើយ គ្នាយើងគប្បីមានការប្រុងប្រយ័ត្នខ្ពស់ចំពោះទម្លាប់កាច់កចុះឡើងខ្លាំងក្លាពេក ឬនៅពេលទទួលការម៉ាស្សា ក ដោយជ្រើសរើសគ្រូពេទ្យឯកទេស ឬអ្នកជំនាញច្បាស់លាស់។
ចំណុចសំខាន់
ហេតុនេះហើយ គ្នាយើងគប្បីមានការប្រុងប្រយ័ត្នខ្ពស់ចំពោះទម្លាប់កាច់កចុះឡើងខ្លាំងក្លាពេក ឬនៅពេលទទួលការម៉ាស្សា ក ដោយជ្រើសរើសគ្រូពេទ្យឯកទេស ឬអ្នកជំនាញច្បាស់លាស់។
អត្ថបទគួរអាន៖
- ប្រើអាល់កុលដឺក្រេខ្ពស់ មិនអាចសម្លាប់មេរោគបាន ហើយគ្រោះថ្នាក់ស្បែកទៀត!
- លាងដៃនឹងអាល់កុលញឹកញាប់ធ្វើឲ្យស្ងួត រលាកដៃ គួរធ្វើបែបណា?
- កាំកុងត្រូលរកឃើញអាល់កុលលក់លើទីផ្សារ ភាគច្រើនមានមេតាណុលខ្ពស់ បង្កគ្រោះថ្នាក់ចំពោះសុខភាព
- ជំទាវ ឱ វណ្ណឌីន ណែនាំវិធីលាងដៃមិនឲ្យរបក ស្ងួត ប្រេះ
- កុំចាញ់បោក! កន្សែងសើមមិនអាចសម្លាប់ COVID-19 បានទេ
- អាល់កុលមេតាណុលអាចសម្លាប់វីរុស COVID-19 បានអត់?
