ការសិក្សាថ្មីមួយបានបង្ហាញថា ការរត់ចម្ងាយឆ្ងាយអាចធ្វើឲ្យប្រុសៗងាយនឹងប្រឈមបញ្ហាគាំងបេះដូង និងគ្រោះថ្នាក់សរសៃឈាមខួរក្បាល ដោយសារតែសរសៃឈាមធំៗរបស់បុរសឡើងរឹង អំឡុងពេលរត់។ ផ្ទុយទៅវិញ លំហាត់ប្រាណមួយនេះ បែរជាផ្ដល់អត្ថប្រយោជន៍ចំពោះស្ត្រីច្រើនជាងបុរសទៅវិញ។
បើយោងតាមការសិក្សាបានឲ្យដឹងថា បុរសដែលចូលរួមនៅក្នុងការប្រកួតម៉ារ៉ាតុន និងជិះកង់ជាទៀងទាត់ មានសរសៃឈាមចាស់ជាងវ័យរបស់ខ្លួនដល់ទៅ១០ឆ្នាំឯណោះ។ ប៉ុន្តែ ចំណែកឯស្ត្រីវិញ បែរជាអាចធ្វើឲ្យអាយុសរសៃឈាមនៅក្មេងជាមធ្យមដល់ទៅ៦ឆ្នាំ។
[embed-health-tool-heart-rate]
ធ្វើម៉េចទើបអាចរត់ប្រកបដោយប្រសិទ្ធភាព?
ពិតណាស់ នៅពេលដែលយើងមានវ័យកាន់តែច្រើន រាងកាយរបស់យើងក៏កាន់តែទ្រុឌទ្រោម និងមិនសូវរហ័សរហួនដូចមុន ហេតុនេះហើយ ទើបយើងចាំបាច់ត្រូវធ្វើលំហាត់ប្រាណជាប្រចាំ ហើយលំហាត់ប្រាណមួយដែលងាយស្រួល និងចំណាយតិច គឺការរត់។ យ៉ាងណាមិញ ដើម្បីរត់ប្រកបដោយប្រសិទ្ធភាព យើងគួរស្លៀកសំលៀកបំពាក់ និងស្បែកជើងកីឡា។ ចំណែកស្ត្រីៗ មិនគួររំលងអាវទ្រនាប់កីឡាឡើយ ។ មួយវិញទៀត យើងមិនគួររត់ខ្លាំងក្លាភ្លាមៗពេកទេ គួរចាប់ផ្ដើមបន្តិចម្ដងៗ រហូតដល់រាងកាយសម្របខ្លួនបាន។
ពេលណាការរត់អាចបង្កគ្រោះថ្នាក់?
នៅពេលដែលយើងមានអារម្មណ៍ឈឺចាប់នៅជើង និងតំបន់សន្លាក់មិនបាត់នោះ យើងចាំបាច់ត្រូវបញ្ឈប់ការរត់ និងសាកល្បងធ្វើលំហាត់ប្រាណផ្សេងទៀត ដូចជាជិះកង់ ឬហែលទឹកវិញ។ ជាទូទៅ លំហាត់ប្រាណខ្លាំងក្លា អាចបង្កគ្រោះថ្នាក់ដល់រាងកាយច្រើនជាងអត្ថប្រយោជន៍ដែលទទួលបាន។
អត្ថបទគួរអាន៖
- ប្រយ័ត្នផង! ឧស្សាហ៍ឡើងឈាម អាចគាំងបេះដូង
- អ្នកជំងឺទឹកនោមផ្អែម តិចនិកការពារខ្លួនពីបញ្ហាគាំងបេះដូង
- គាំងបេះដូង ឲ្យសញ្ញាមុនម៉េចខ្លះ? ត្រូវជួយខ្លួនឯងដោយវិធីណា?
- ប្រុសៗអាចរួមភេទបានវិញនៅពេលណា ក្រោយជួបបញ្ហាគាំងបេះដូង?
- កុំប្រហែសឲ្យសោះ ! បញ្ហាសុខភាពធម្មតាទាំងនេះ តាមពិតអាចជាសញ្ញាជំងឺបេះដូង
- សញ្ញាជំងឺបេះដូងសំខាន់ៗ ប្រុសៗគួរយកចិត្តទុកដាក់ឲ្យមែនទែន
តួយ៉ាង អ្នកជំនាញបានឲ្យដឹងថា ការរត់ហួសប្រមាណអាចបណ្ដាលឲ្យយើងរលាកសរសៃពួរបាតជើង។ លើសពីនេះ វាក៏អាចប៉ះពាល់ដល់ប្រព័ន្ធការពាររាងកាយ និងធ្វើឲ្យយើងងាយឆ្លងមេរោគថែមទៀតផង។ ជាងនេះទៅទៀត លំហាត់ប្រាណលើសកម្រិត ក៏អាចប៉ះពាល់ដល់ចំណង់អាហាររបស់យើងផងដែរ។
