រឿងឡើងឋានសួគ៌ ឬសិច ជាបេសកកម្មស្វែងរកសុភមង្គលរបស់មនុស្សម្នាក់ៗ។ ប៉ុន្តែ ចំពោះអ្នកមានបញ្ហាបេះដូង ឬជំងឺបេះដូង អាចស្ទាក់ស្ទើរ ហើយមានចម្ងល់ក្នុងចិត្ត មិនដឹងថាឡើងឋានសួគ៌ជួយដល់សុខភាពបេះដូង ឬក៏ធ្វើឲ្យស្ថានភាពជំងឺកាន់តែដុនដាប។ អ្នកខ្លះបារម្ភរហូតដល់លែងមានចំណង់ផ្លូវភេទអស់រលីង។ “Hello គ្រូពេទ្យ” មានការបកស្រាយមួយចំនួន ចង់បញ្ជាក់។
មាតិកា
មានបញ្ហាបេះដូង ត្រូវប្រយ័ត្នបំផុតពេលប្រតិបត្តិការលើគ្រែ
បើតាមសមាគមសុខភាពបេះដូងអាមេរិក (American Heart Association) ថា ទោះមានជំងឺបេះដូងក៏ដោយ ប្រតិបត្តិការសិចមិនមានបញ្ហាអ្វីឡើយ ពោលគឺមានសុវត្ថិភាពពេញប៉ឹបតែម្ដង។
១- សិចជាការហាត់ប្រាណ?
ចម្លើយ គឺមែន! ដាក់កាលវិភាគ ហើយចាត់ចែងការងារលើសគ្រែទៀងទាត់ ប្រៀបដូចហាត់ប្រាណបែបស្រាលៗ ទៅមធ្យម អ៊ីចឹង។ បើយើងអាចដើរបានរហ័សរហួន ឬក៏អាចឡើងជណ្តើរជើងបាន ២ ជាន់ ដោយគ្មានចេញសញ្ញា ដូចជា ឈឺទ្រូងទេ នោះយើងពិតជាអាចរួមភេទបានធម្មតាដូចគេដូចឯង។
សិចមិនអាចដុតកាឡូរីប្រចាំថ្ងៃរបស់យើងទេ។ ប៉ុន្តែ ជាទូទៅ ការរួមភេទពី ៥-១៥ នាទី ស្មើយើងដើរ ២០ នាទី។
២- សិចល្អចំពោះបេះដូងអត់?
ការសិក្សាបង្ហាញថា ប្រុសៗរួមសិចតែម្តង ឬអត់សោះ ក្នុងមួយខែ អាចមានជំងឺបេះដូងជាងប្រុសៗ រួមភេទ ២ ដង ឬច្រើនជាងនេះក្នុងមួយសប្តាហ៍។ យ៉ាងណា ការសិក្សានេះមិនបានបញ្ជាក់ថា ការរួមភេទអាចបង្ការជំងឺសរសៃឈាមបេះដូងបាននោះឡើយ។
៣- ទំនាក់ទំនងរវាងសិចនិងជំងឺបេះដូង
ឲ្យតែឈឺ (អីក៏ដោយ) មិនដែលស្រណុកសុខស្រួលទេ ប៉ុន្តែចំពោះជំងឺបេះដូង បើកើតក្នុងខ្លួនយើងហើយ គួរយកចិត្តទុកដាក់រឿងខាងក្រោម៖
– ពិគ្រោះជាមួយគ្រូពេទ្យ មុនមានគម្រោងចង់រួមសិច
– បើធ្លាប់ខ្សោយបេះដូង ឬគាំងបេះដូងពីមុន ការសម្រួលបេះដូងឲ្យមានសុខភាពល្អដោយហាត់ប្រាណទៀងទាត់ អាចកាត់បន្ថយផលវិបាកកើតឡើងដោយសាររួមសិច
– បើមានបញ្ហារំខានពេលរួមដំណេក សូមជួបគ្រូពេទ្យដើម្បីដឹងថា វាបណ្តាលមកពីជំងឺបេះដូង ឬកត្តាអ្វីផ្សេង។
៤- ពេលណាទើបអាចចាប់ផ្ដើមប្រតិបត្តិការវិញបាន?
ចាំបាច់ត្រូវពិគ្រោះជាមួយពេទ្យជាមុនសិន បើយើងមានជំងឺគាំងបេះដូង ឬធ្លាប់វះកាត់បេះដូងពីមុនមក។ ករណីខ្លះ ត្រូវចៀសវាងរួមសិចមួយរយៈ ជាពិសេសបើមានរោគសញ្ញា ដូចជា ឈឺទ្រូងពេលធ្វើសកម្មភាពរាងកាយ ជាដើម។ កុំទាន់រួមភេទ ចាំដល់រោគសញ្ញាបានជាទាំងស្រុងសិន។ ឯគ្នាយើងធ្លាប់វះកាត់បេះដូងវិញ ក៏ត្រូវចាំរហូតដល់ស្នាមរបួសវះកាត់ជាសះស្បើយសិនដែរ។
៥- បញ្ហាផ្លូវភេទ
ជំងឺបេះដូងអាចប៉ះពាល់ដល់រាងកាយខ្លះ ដែលរំខានដល់ការរួមសិច។ អ្នកខ្លះវិញក៏គ្មានចំណង់រួមភេទទៅទៀត។ ប្រុសៗអាចមានបញ្ហាអាអូនតូចមិនឡើងរឹង ឯស្រីៗវិញជួបបញ្ហាស្ងួតប្រដាប់ភេទ ជាដើម។ ករណីនេះ គួរជួបពេទ្យដើម្បីទទួលការព្យាបាលត្រឹមត្រូវ។
អត្ថបទគួរអាន៖
- គេងបើកភ្លើងនៅពេលយប់ អាចប៉ះពាល់សុខភាពបេះដូង
- មូលហេតុ ៨ យ៉ាងអាចធ្វើឱ្យបេះដូងរីកធំខុសធម្មតា
- អាការៈគាំងបេះដូងរបស់ស្រ្តីអាចខុសពីបុរស ត្រូវកត់ចំណាំ
- ផ្លែឈើទាំង៨មុខនេះ ល្អសម្រាប់សុខភាពបេះដូង
- គ្រឿងផ្សំក្នុងអាហារ ៣មុខ អាចធ្វើឲ្យបេះដូងលោតខុសធម្មតា
- តាមដានសុខភាពបេះដូង ដោយសង្កេតមើលចំណុចទាំងនេះ
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Sex and Heart Disease. http://www.heart.org/HEARTORG/Conditions/More/MyHeartandStrokeNews/Sex-and-Heart-Disease_UCM_436414_Article.jsp#.WYQjyYiGPIU. Accessed August 4, 2017
5 Common Questions About Sex and Your Heart. https://health.clevelandclinic.org/2014/02/5-common-questions-about-sex-and-your-heart/. Accessed August 4, 2017
Sex and Your Heart – Topic Overview. http://www.webmd.com/heart-disease/tc/sex-and-your-heart-topic-overview#1. Accessed August 4, 2017
កំណែប្រែបច្ចុប្បន្ន
02/06/2022
អត្ថបទដោយ Leng Pechsovatey
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ទូច សុខា
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម