តើអាហារសមុទ្រប្រភេទណាដែលត្រូវបានហាមប្រាមចំពោះអ្នកជំងឺខ្សោយបេះដូង?
អាហារសមុទ្រមួយប្រភេទដែលគ្រូពេទ្យណែនាំអ្នកជំងឺខ្សោយបេះដូងគួរកាត់បន្ថយញ៉ាំនោះគឺ ពពួកមឹកបំពង់។ មឹកបំពង់ស្រស់ក្នុងបរិមាណ ១០០ក្រាម មានផ្ទុក កូលេសេ្ដរ៉ូល ១៩៨ មិល្លីក្រាម ពិសេសក្នុងករណីដែលមឹកត្រូវយកទៅចម្អិនជា ម្ហូបឆា ចៀន បំពង ដោយមិនបានប្រើប្រាស់ខ្លាញ់សុខភាព នោះបរិមាណកូលេស្ដេរ៉ូល កើនឡើងកាន់តែខ្ពស់ បរិមាណមឹក ១០០ក្រាម មានផ្ទុកកូលសេ្ដរ៉ូលដល់ទៅ ២៦០ មិល្លីក្រាម។
យោងតាមការចុះផ្សាយរបស់ សមាគមន៍បេះដូងអាមេរិក បានបង្ហាញថា អ្នកជំងឺខ្សោយបេះដូង ការញ៉ាំអាហារដោយសុវត្ថិភាពគឺកំណត់បរិមាណកូលេស្ដេរ៉ូល មិនលើសពី២០០មិល្លីក្រាមក្នុងមួយថ្ងៃ សម្រាប់អ្នកមានសុខភាពសុខធម្មតាក៏កំណត់បរិមាណកូលេស្ដេរ៉ូល មិនលើសពី៣០០ មិល្លីក្រាមនោះដែរ មិនដូច្នោះអាចប្រឈមនឹងការប៉ះពាល់ដល់សុខភាពបេះដូង។
មួយវិញទៀត មឹក ជាប្រភេទអាហារសមុទ្រដែលមានកម្រិត សូដ្យូមខ្ពស់ មឹក ១១៣ក្រាម មានផ្ទុកជាតិសូដ្យូម ៤៦០មិល្លីក្រាម ស្មើនឹង ២០% នៃចំនួន ចំនួនសូដ្យូមដែលរាងកាយត្រូវការប្រចាំថ្ងៃ។ ដូច្នេះសម្រាប់អ្នកជំងឺបេះដូង គួរតែកាត់បន្ថយការញ៉ាំមឹក ព្រោះអាចបង្កគ្រោះថ្នាក់បាន។