ជាធម្មតា បរិមាណនៃការផលិតទឹកនោមនៅក្នុងរាងកាយរបស់យើងនឹងថយចុះនៅពេលយប់ ជាហេតុនាំឲ្យគ្នាយើងអាចគេងបាន៦ទៅ៨ម៉ោង ដោយមិនចាំបាច់នោមឡើយ។ យ៉ាងណាមិញ មនុស្សមួយចំនួនភ្ញាក់ពីគេងញឹកញាប់ ដើម្បីទៅនោមនៅពេលយប់ ដែលកត្តានេះប៉ះពាល់ដល់វដ្ដដំណេកយ៉ាងខ្លាំង។
ឆ្ងល់អត់ នោមច្រើននៅពេលយប់បណ្ដាលមកពីអ្វី?
ត្រួតពិនិត្យដោយ ทีม Hello คุณหมอ
មូលហេតុ
ការផឹកជាតិទឹកច្រើនជ្រុល នៅអំឡុងពេលល្ងាចអាចធ្វើឲ្យយើងនោមញឹកញាប់នៅពេលយប់។ ចំណែកឯការញ៉ាំជាតិកាហ្វេអ៊ីន និងគ្រឿងស្រវឹងក្រោយអាហារពេលល្ងាចក៏អាចបណ្ដាលឲ្យមានបញ្ហានេះដែរ។
មូលហេតុនៃការនោមយប់ដទៃទៀត រួមមាន៖
លក្ខខ័ណ្ឌផ្សេងទៀត ដែលអាចនាំឲ្យមានបញ្ហារួមមាន៖
- ខ្សោយតម្រងនោមរ៉ាំរ៉ៃ
- ជំងឺទឹកនោមផ្អែម
- ផឹកទឹកច្រើនជ្រុល
- ជំងឺខ្សោយបេះដូង
- កម្រិតជាតិកាល់ស្យូមក្នុងឈាមខ្ពស់
- ថ្នាំមួយចំនួន រួមមានថ្នាំបញ្ចុះទឹកនោម
- ហើមជើង
ជាមួយគ្នានេះដែរ ការភ្ញាក់ញឹកញាប់នៅពេលយប់ដើម្បីបត់ជើងតូច ក៏អាចផ្សារភ្ជាប់ទៅនឹងការគេងមិនដកដង្ហើម និងបញ្ហាដំណេកផ្សេងទៀត។ ការនោមច្រើននៅពេលយប់ អាចនឹងបាត់ទៅវិញនៅពេលដែលបញ្ហានៃការគេងអាចគ្រប់គ្រងបាន។ ស្រ្តេស និងការគេងមិនលក់ក៏អាចបណ្ដាលឲ្យយើងភ្ញាក់នៅពេលយប់ដែរ។
ការថែទាំនៅផ្ទះ
ដើម្បីតាមដានបញ្ហានេះ យើងគប្បី៖
- កំណត់បរិមាណទឹកដែលយើងផឹកប្រចាំថ្ងៃ ភាពញឹកញាប់ និងបរិមាណនៃការនោម។
- កត់ត្រាទម្ងន់រាងកាយរបស់យើងជាប្រចាំ។
ពេលណាយើងត្រូវពិគ្រោះយោបល់ជាមួយនឹងគ្រូពេទ្យ?
គ្នាយើងគួរទាក់ទងទៅកាន់គ្រូពេទ្យ ប្រសិនបើ៖
- ភ្ញាក់ព្រោះឈឺនោមញឹកញាប់ ដែលបន្តរយៈពេលច្រើនថ្ងៃ។
- ធុញថប់នឹងចំនួនដងនៃការនោមនៅក្នុងពេលយប់។
- មានអារម្មណ៍ក្រហាយនៅពេលនោម។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ทีม Hello คุณหมอ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម