អ្នកទើបតែធូរស្រាលពីជំងឺរាក មិនថាជាប្រភេទរាកស្រួចស្រាល់ឬរ៉ាំរៃនោះទេ សុខភាពប្រព័ន្ធរំលាយអាហារបស់គាត់ក៏មិនសូវរឹងមាំភ្លាមៗនោះដែរ។ ការរាករូស គឺជាអាការៈមួយបង្កឲ្យអ្នកជំងឺប្រឈមការថយចុះជាតិទឹក និងអស់កម្លាំង។ ដូច្នេះការជ្រើសរើសរបបអាហារញ៉ាំក៏ត្រូវតែយកចិត្តទុកដាក់ផងដែរ។
ក្រោយជាពីជំងឺរាក អាហារណាខ្លះគួរញ៉ាំ និងមិនគួរញ៉ាំ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
ប្រភេទអាហារគួរញ៉ាំ
អ្នកទើបតែជាសះស្បើយពីជំងឺរាក រឿងដែលសំខាន់បំំផុតនោះគឺការជ្រើសរើសអាហារញ៉ាំត្រឹមត្រូវ ពោលប្រភេទអាហារដែលងាយស្រួលរំលាយ និងមានជាតិសរសៃដូចជា ផ្លែចេក ផ្លែប៉ោម នំប៉័ង បាយ ត្រី សាច់ បន្លែដែលចម្អិនបានល្អ។
អាហារទាំងនេះ អាចជួយសម្រួលដល់ប្រព័ន្ធរំលាយអាហារឆាប់ដំណើរការល្អឡើងវិញ។ ផ្លែប៉ោមជាប្រភេទផ្លែឈើដែលមានជាតិសរសៃ ងាយស្រួលរំលាយ និង មានមុខងារជួយបំពេញជាតិទឹកក្នុងរាងកាយ។ ម្យ៉ាងវិញទៀតអ្នកមានបញ្ហារាក ក្រោយជាសះស្បើយត្រូវទទួលទានរបបអាហារដែលចម្អិនបានល្អ ពិសេសប្រភេទអាហារដែលមានជាតិសរសៃនេះឯង។
ប្រភេទអាហារត្រូវជៀសវាង
អ្នកមានបញ្ហារាករូសមិនថា ក្នុងអំឡុងពេលរាក ឬទើបជាសះស្បើយនោះទេ ត្រូវជៀសវាងប្រភេទអាហារដូចជា ប្រភេទអាហារហឹរ អាហារ ខ្លាញ់ ទឹកដូង ផលិតផលទឹកដោះគោ អាហារឆៅ ប្រភេទបន្លែស្រស់ គ្រឿងស្រវឹង ជាតិកាហ្វេអ៊ីន និងប្រភេទអាហារមានជាតិហ្គាសដែលអាចបណ្ដាលឲ្យមានអាការៈភើ ហើមពោះជាដើម។ ក្នុងករណីមន្ទិលសង្ស័យខ្លះអ្នកជំងឺអាចពិភាក្សាជាមួយគ្រូពេទ្យ ជៀសវាងការញ៉ាំអាហារខុសបង្កបញ្ហាដល់សុខភាពម្ដងទៀត។
ហេតុអ្វីអ្នកទើបជាសះស្បើយពីការរាករូសមិនអាចញ៉ាំហឹរបាន?
អាហារហឹរមិនមែនជាមូលហេតុបង្កបញ្ហានោះទេ ប៉ុន្ដែក្នុងករណីដែលអ្នកជំងឺទើបតែជាសះស្បើយពីការរាករូស សុខភាពប្រព័ន្ធរំលាយអាហារមិនទាន់រឹងមាំស្រួលបួលនោះដែរ។ អ្វីដែលសំខាន់នោះអ្នកត្រូវញ៉ាំអាហារណាដែលងាយស្រួលក្នុងការរំលាយ និងមិនបង្កការរលាក។ តួយ៉ាងការរាករូសខ្លះអាចបណ្ដាលមកពីបញ្ហាសុខភាពប្រព័ន្ធរំលាយអាហារមានជំងឺរលាករ៉ាំរៃ ដូច្នេះអាហារដែលចាំបាច់បំផុតត្រូវតបគឺអាហារហឹរតែម្ដង។
អាហារហឹរអាចបណ្ដាលឲ្យសុខភាពប្រព័ន្ធរំលាយអាហារប្រឈមនឹងអាការៈក្ដៅ ក្រហាយ ដែលអ្នកមានជំងឺរលាកក្រពះ ពោះវៀនរ៉ាំរៃ គឺមិនអាចញ៉ាំបាននោះទេ ព្រោះវាអាចបង្កឲ្យអ្នកជំងឺមានអាការៈចុក ក្រហាយពោះ និងជួបបញ្ហារាកនេះឯង។ ក្រៅពីនោះនៅមានប្រភេទអាហារខ្លាញ់ ក៏មិនត្រូវញ៉ាំផងដែរ។
អត្ថបទគួរអាន៖
- តិចនិកញ៉ាំបាយស កាត់បន្ថយហានិភ័យកើតជំងឺទឹកនោម
- ហេតុអ្វីអ្នកមានជំងឺទឹកនោមផ្អែមមិនគួររំលងម៉ោងពេលញុំាអាហារ?
- អ្នកកើតជំងឺបម្រុងទឹកនោមផ្អែម គប្បីអនុវត្តទម្លាប់ទាំងនេះ
- អ្នកមានជំងឺទឹកនោមផ្អែម ធ្វើសកម្មភាពទាំងនេះជាប្រចាំជួយដល់សុខភាព
- កើតទឹកនោមផ្អែម ត្រូវធ្វើតាម ៣ ចំណុចសំខាន់នេះ ទើបការព្យាបាលបានជោគជ័យ
ហេតុអ្វីអ្នកមានអាការៈរាករូសមិនគួរផឹកទឹកដូង?
ទឹកដូងត្រូវបានគេស្គាស់ជាទូទៅហើយថាជាឱសថជួយបំពេញជាតិទឹកបានល្អ នៅពេលរាងកាយរបស់យើងខ្វះជាតិទឹកយើងអាចផឹកទឹកដូងជាប្រចាំបាន មិនត្រឹមតែប៉ុណ្ណោះក៏អាចជួយឲ្យប្រព័ន្ធរំលាយអាហារធ្វើការបានរហ័ស។ ប៉ុន្ដែសម្រាប់អ្នកមានអាការៈរាករូសវិញ គឺមិនដូច្នោះទេ ថ្វីត្បិតរាងកាយអ្នកជំងឺប្រឈមនឹងការខ្វះជាតិទឹកក៏ពិតមែន ប៉ុន្ដែមិនអាចផឹកទឹកដូងបានឡើយ។
ទឹកដូងគឺជាឱសថបន្ទន់លាមកបែបធម្មជាតិមានមុខងារអាចជួយរំញោចដល់ពោះវៀនតូច និងពោះវៀនធំឲ្យធ្វើការបានរហ័ស និងជាឱសថសម្រាប់អ្នកមានបញ្ហាទល់លាមក ប៉ុន្ដែមិនសម្រាប់អ្នកមានអាការៈរាករូសនោះទេ។ ក្នុងករណីនេះវានឹងធ្វើឲ្យអ្នកជំងឺកាន់តែរាករូសខ្លាំងជាងមុនថែមទៀត បើសិនជាផឹកទឹកដូងច្រើន។ ដូច្នេះទោះបីជាទឹកដូងមានសារធាតុជួយបំពេញជាតិសម្រាប់រាងកាយពិតមែន ប៉ុន្ដែមិនមែនជាតម្រូវការរាងកាយនៅពេលរាកនោះទេ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម