ការចុកពោះគ្នាយើងភាគច្រើនសង្ស័យទៅលើក្រពះច្រើនជាងគេ ប៉ុន្ដែមិនដូច្នោះទេ ការចុកនៅត្រង់បរិវេណពោះ គឺជាសញ្ញានៃបញ្ហាប្រព័ន្ធរំលាយអាហារក្នុងនោះមាន ក្រពះ ពោះវៀន ថ្លើម លំពែង ប្រមាត់ ករណីខ្លះអាច ឈានទៅដល់តម្រងនោម ក៏មានដែរ នេះសម្រាប់រោគសញ្ញាចុកពោះតែមួយមុខ។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
ដូច្នេះប្រសិនបើមានអាការៈចុកពោះ ហើយទៅជួបគ្រូពេទ្យ ពេលនោះគ្រូពេទ្យនឹងផ្ដោតសំខាន់ទៅលើទីតាំង៤កន្លែងដែលបានឈឺ ដូចជាការឈឺនៅផ្នែកខាងឆ្វេង ខាងស្ដាំ ខាងលើ និង ខាងក្រោមពោះ ព្រោះតំបន់ទាំងបួននេះអាចបង្ហាញពីសញ្ញាអាការៈណាមួយ នៃប្រព័ន្ធរំលាយអាហារ និង សរីរាង្គផ្សេងទៀត។
[embed-health-tool-bmr]
១.ជ្រុងខាងស្ដាំខាងលើពោះ
ប្រសិនជាអ្នកឈឺពោះនៅផ្នែកខាងលើខាងស្ដាំ គឺជាសញ្ញានៃបញ្ហាលើសរីរាង្គថ្លើម អាចជាថង់ទឹកប្រមាត់ ឬបំពង់ទឹកប្រមាត់ មានបញ្ហាអ្វីមួយ បើតម្រងនោម នៅផ្នែកខាងស្ដាំដូចគ្នា ប៉ុន្ដែនៅខាងក្រោយ។ ជំងឺដែលពាក់ព័ន្ធថ្លើម ឬប្រមាត់មានដូចជា៖
- ជំងឺថ្លើម
- គ្រួសក្នុងថង់ទឹកប្រមាត់
- រលាកថង់ទឹកប្រមាត់
- រលាកបំពង់ទឹកប្រមាត់
- មហារីកថង់ទឹកប្រមាត់
- មហារីកថ្លើម
២.ជ្រុងខាងឆ្វេងខាងលើពោះ
ចុកពោះនៅខាងឆ្វេងខាងលើគឺជាផ្នែកក្រពះ និង លំពែង។ បើតម្រងនោមខាងឆ្វេងស្ថិតនៅផ្នែកខាងក្រោយ បើបេះដូង និងសួតនៅខាងឆ្វេងស្ថិតនៅពីលើ។ ជំងឺដែលសង្ស័យមានដូចជា៖
- ជំងឺរលាកលំពែង
- មហារីកលំពែង
- សរីរាង្គអណ្ដើករីកធំ (Splenomegaly)
- ជំងឺរលាកក្រពះ
- ដំបៅក្រពះ
- មហារីកក្រពះ
៣.ឈឺពោះនៅផ្នែកខាងក្រោម
ឈឺពោះផ្នែកខាងក្រោមភាគច្រើនសំដៅទៅដល់ពោះវៀនតូច និងពោះវៀនធំ ប៉ុន្ដែក្នុងករណីខ្លះវាអាចទាក់ទាក់ទងនឹងបង្ហួរនោម អូវែ ឬស្បូនផងដែរ។ មូលហេតុបង្កឲ្យឈឺពោះមានដូចជា៖
- ជំងឺរលាកពោះវៀនតូច
- ជំងឺរលាកពោះវៀនធំ ឬ ដំបៅ
- ការស្ទះពោះវៀនធំឬតូច
- មហារីកពោះវៀនតូច
- មហារីកពោះវៀនធំ
- សរសៃឈាមអាទែរ
- រលាកស្រោមពោះ
- ការរលាកប្រព័ន្ធទឹករងៃនៅពោះវៀនតូច
- ខូចសរសៃឈាមនៅពោះវៀន
- គ្រួសក្នុងតម្រងនោម
ក្នុងករណីដែលឈឺនៅជ្រុងខាងឆ្វេងផ្នែកខាងក្រោម មានលក្ខណៈច្បាស់លាស់នោះបង្ហាញថា មានជំងឺរលាកផ្នែកជញ្ជាំងពោះវៀន ផ្នែកខាងឆ្វេង ហើយបើឈឺនៅផ្នែកខាងស្ដាំគឺបណ្ដាលមកពីការរលាកនៅផ្នែកជញ្ជាំងខាងស្ដាំនៃពោះវៀន។ ក្នុងនោះវាអាចកើតមានទាំងពោះវៀនតូចនឹងពោះវៀនធំ។ ករណីមួយចំនួនទៀតនៃការឈឺចាប់ផ្នែកខាងក្រោមដូចគ្នា ចេញពីតំបន់អាងត្រគាក បណ្ដាលមកពី៖
- កោសិកាស្បូនដុះខុសទីតាំង
- ដុំគីសអូវែ
- ជំងឺរលាកអាងត្រគាក
- ការមានផ្ទៃពោះក្រៅស្បូន
- មហារីកអូវែ
- មហារីកស្បូន
អត្ថបទគួរអាន៖
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ
- ផ្លែឈើទាំង៨មុខនេះ ល្អសម្រាប់សុខភាពបេះដូង
- ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង
- គ្រឿងផ្សំក្នុងអាហារ ៣មុខ អាចធ្វើឲ្យបេះដូងលោតខុសធម្មតា
- ធ្វើការពីផ្ទះ មុខកុំព្យូទ័រយូរម៉ោង អាចប្រឈមជំងឺបេះដូង
តើឈឺពោះប្រភេទណាគួរទៅជួបគ្រូពេទ្យ?
ការឈឺពោះខ្លះអាចកើតឡើងក្នុងរយៈពេលខ្លីហើយក៏បាត់ទៅវិញ ប៉ុន្ដែខ្លះអាចមានរយៈពេលយូរ ហើយញឹកញាប់ ដូច្នេះអ្នកជំងឺត្រូវតែទៅជួបគ្រូពេទ្យជាចាំបាច់ ពិសេសប្រសិនបើការឈឺចាប់នោះពិបាកពន្យល់បានថាព្រោះអ្វីពិតប្រាកដ ហើយស្ថិតក្នុងស្ថានភាពធ្ងន់ធ្ងរ ឬមានផ្ទៃពោះជាដើម។ ម្យ៉ាងវិញទៀតប្រសិនបើការឈឺចាប់នោះមានរោគសញ្ញាអមមកជាមួយដូចជា៖
- គ្រុនក្តៅរ៉ាំរ៉ៃ
- ចង្អោរ ឬ ក្អួតរ៉ាំរ៉ៃ
- ឈាមក្នុងលាមក ទឹកនោម ឬក្អួត
- ហើមពោះ
- ជំងឺខាន់លឿង (លឿងនៃភ្នែក និង ស្បែក)
- ឈឺចាប់នៅផ្នែកផ្សេងទៀតនៃរាងកាយ
- ថប់ដង្ហើម ឬ រោគសញ្ញាដែលកាន់តែធ្ងន់ធ្ងរទៅៗ
