ការសម្អាតសួតអាចជួយឱ្យសួតយើងមានសុខភាពល្អឡើងវិញ ព្រោះរាល់ថ្ងៃយើងរងនឹងការបំពុលក្នុងបរិយាកាស ឬការស្រូបសារធាតុគីមីពីផលិតផលផ្សេងៗ។ យើងគួរសម្អាតសួតតាមវីធីណាខ្លះ?
យើងអាចសាកល្បងវិធីសម្អាតសួតតាមបែបធម្មជាតិដូចខាងក្រោម៖
ការស្រូបចំហាយទឹកក្តៅឧណ្ហៗអាចជួយបើកផ្លូវដង្ហើម ជួយធ្វើឱ្យស្លេស្មរាវ និងជួយសម្អាតជាតិស្លេស្មចេញពីសួត។
តែបៃតងផ្ទុកទៅដោយសារធាតុប្រឆាំងអុកស៊ីតកម្មដែលអាចកាត់បន្ថយការរលាក។ លើសពីនេះទៅទៀត ការស្រាវជ្រាវមួយចំនួនបានបង្ហាញថាតែបៃតងអាចជួយការពារជាលិកាសួតពីផលប៉ះពាល់ដោយសារស្រូបផ្សែងទៀតផង។
ការហាត់ប្រាណបែបអេរ៉ូប៊ីកដូចជា ជិះកង់ ហែលទឹក ដើរ និងរាំជាដើម អាចជួយពង្រឹងសមត្ថភាពសួត បង្កើនកម្រិតអុកស៊ីសែនក្នុងឈាម និងផ្តល់អត្ថប្រយោជន៍ច្រើនដល់សុខភាព។ ប្រសិនបើយើងមានជំងឺស្ទះសួតរុំារ៉ៃ (COPD) ឬជំងឺហឺត យើងត្រូវពិគ្រោះជាមួយគ្រូពេទ្យជំនាញជាមុន មុនពេលចាប់ផ្តើមធ្វើលំហាត់ប្រាណណាមួយ។
ចង់ស្វែងយល់បន្ថែមពីជំងឺហឺត ចុចទីនេះ!
ការដកដង្ហើមវែងៗកន្លះម៉ោងរាល់ថ្ងៃអាចជួយបណ្តេញជាតិពុលចេញពីសួតបាន។ យើងអាចចាប់ផ្តើមដោយដកដង្ហើមចូលតាមច្រមុះឱ្យវែងតាមដែលអាចធ្វើទៅបាន រួចបញ្ចេញខ្យល់វិញតាមមាត់យឺតៗ។
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
ប្រសិនបើផ្លូវដង្ហើមយើងរលាក យើងអាចថប់ដង្ហើម និងណែនទ្រូង។ អាហារប្រឆាំងនឹងការរលាកដូចជា ប៊្លូបឺរី សារីព្រៃ ក្រូច ឆឺរី ប្រូខូលី សូកូឡាខ្មៅ ត្រីសាល់ម៉ុន រមៀត ខ្ញី ទឹកឃ្មុំ បន្លែស្លឹកបៃតង ប្រេងអូលីវ និងសណ្តែកជាដើម សុទ្ធតែអាចជួយកាត់បន្ថយការរលាក និងជួយឱ្យយើងដកដង្ហើមបានស្រួល។
ជាតិនីកូទីន និងផ្សែងបារីមិនត្រឹមតែធ្វើឱ្យមុខងារសួតចុះខ្សោយទេ ថែមទាំងធ្វើឱ្យយើងប្រឈមនឹងការឆ្លងមេរោគ និងកើតមហារីកសួតទៀតផង។ ការឈប់ជក់បារីនឹងជួយសម្អាតជាតិជ័រ ចេញពីសួតយើង។
ការសម្អាតសួតជាប្រចាំអាចជួយឱ្យសុខភាពផ្លូវដង្ហើមយើងដំណើរការបានល្អ។ លើសពីនេះទៅទៀត ដើម្បីឱ្យសួតយើងកាន់តែមានសុខភាពល្អ យើងត្រូវប្រកាន់ភ្ជាប់នូវវិធានការសុខាភិបាលដើម្បីការពារសួតយើងពីការឆ្លងវីរុសផ្លូវដង្ហើមនានា។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
How Can I Clean My Lungs?
https://hhma.org/how-can-i-clean-my-lungs/
Foods that clean your lungs naturally!
https://timesofindia.indiatimes.com/life-style/food-news/foods-that-clean-your-lungs-naturally/photostory/75164760.cms
13 Naturally Ways to Detox Lungs for Smokers
https://www.indiatimes.com/health/healthyliving/13-ways-you-can-purify-your-lungs-naturally-233758.html
កំណែប្រែបច្ចុប្បន្ន
29/12/2023
អត្ថបទដោយ សុខ វណ្ណ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ សុខ វណ្ណ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
