រួមភេទនិយាយទៅគ្នាយើងតាំងធ្វើអៀនហើយ តែតាមពិតនេះគឺជាផ្នែកមួយក្នុងជីវិតយើង។ រួមភេទ អាចជួយយើងមានសុខភាពល្អ ទាំងផ្លូវកាយ និងផ្លូវចិត្ត ហើយក៏ជាវិធីបង្កកំណើតតាមធម្មជាតិរបស់មនុស្សយើងដែរ។ យ៉ាងណា គ្នាយើងខ្លះ ចូលចិត្តរួមភេទពេលព្រឹក ខ្លះទៀតពេលយប់ តាមចំណូលចិត្ត ប៉ុន្តែកត្តាសំខាន់ក្នុងអត្ថបទនេះ អាចបញ្ជាក់ពីមូលហេតុប្រុសៗ និងស្រីៗមានអារម្មណ៍ផ្លូវភេទនៅម៉ោងខុសគ្នា។
១- ពេលវេលាណាល្អបំផុតសម្រាប់រួមភេទ?
រួមភេទពេលព្រឹក ពេលព្រលប់ ពេលយប់ក្តី គឺអាស្រ័យទៅលើចំណូលចិត្ត និងវ័យ ប៉ុន្តែការពិតគឺថា ចំណង់ផ្លូវភេទរបស់ស្រីៗ និងប្រុសៗ បញ្ច្រាសពេលវេលាគ្នា។
ជាធម្មតា លិង្គប្រុសៗ តែងងើបឡើងនៅពេលព្រឹក ហេតុនេះពេលព្រឹក ជាពេលពិសេសបំផុតសម្រាប់ប្រុសៗបើការប្រយុទ្ធ។ ប៉ុន្តែចំពោះស្រីៗវិញ ធម្មតាតែងមានអារម្មណ៍ផ្លូភេទនៅពេលព្រលប់ នៅពេលដែលខ្លួនបានសម្រាកបន្តិចពីការនឿយហត់ពេញមួយថ្ងៃ។ កត្តានេះ គឺកើតឡើងដោយសារស្ថានភាពអ័រម៉ូនដូចខាងក្រោម៖
– ភាពខុសគ្នានៃអ័រម៉ូនតេស្តូស្តេរ៉ូន៖ ប្រុសៗជាទូទៅ កម្រិតអ័រម៉ូនតេស្តូស្តេរ៉ូន នឹងឡើងដល់កំពូលនៅពេលព្រឹក ចន្លោះពីម៉ោង ៦-៩ ដែលនាំឲ្យនេះជាពេលវេលា អស្ចារ្យបំផុតជួយឲ្យលិង្គងាយឡើងរឹង។ ជាអកុសល ចំពោះស្រីៗ ពេលព្រឹក ជាពេលអ័រម៉ូនតេស្តូស្តេរ៉ូន ធ្លាក់ចុះទាបបំផុត ដោយអ័រម៉ូននេះនឹងកើនឡើងខ្ពស់វិញនៅពេលល្ងាច។
– ភាពខុសគ្នានៃដំណើរវដ្តអ័រម៉ូន៖ ជារៀងរាល់ព្រឹកកម្រិតអ័រម៉ូនតេស្តូស្តេរ៉ូនរបស់បុរស កើនឡើងមិនទៀងទាត់ទេ អាចខុសគ្នាចន្លោះ ២៥-៥០ ភាគរយ ជាហេតុនាំឲ្យមានចំណង់ផ្លូវភេទខ្លាំង ខណៈស្រីៗ ទោះជាកម្រិតអ័រម៉ូនតេស្តូស្តេរ៉ូនប្រចាំថ្ងៃ មិនមានការប្រែប្រួលខ្លាំង ក៏ពិតមែន ប៉ុន្តែជារៀងរាល់ខែនៃវដ្តរដូវ កម្រិតអ័រម៉ូននេះ នឹងកើនឡើងខ្ពស់នៅចន្លោះពាក់កណ្តាលវដ្តរដូវ ក៏ជាពេលដែលអូវ៉ុលត្រូវទុំជ្រុះដើម្បីបង្កកំណើតដូចគ្នា។
– ការលាងសម្អាត៖ ស្រីៗភាគច្រើន តែងលាងសម្អាតប្រដាប់ភេទរបស់ខ្លួនមុនពេលរួមភេទ ជាហេតុនាំឲ្យស្រីៗគិតថា ខ្យល់ដង្ហើមពេលព្រឹក ក្លិនញើស និងក្លិនមិនល្អនៅត្រង់ប្រដាប់ភេទ អាចបំផ្លាញសកម្មភាពរួមភេទបាន។ នេះក៏ជាបញ្ហាមួយក្នុងចិត្តប្រុសៗជាច្រើន ព្រោះប្រុសៗមានអារម្មណ៍កាន់តែកកក្តៅ ស្និទ្ធស្នាល ពេលរាងកាយដៃគូខ្លួនមានក្លិនក្រអូប។
អត្ថបទពាក់ព័ន្ធ៖
- ឈប់រួមភេទ ឬខានរួមភេទយូរ រាងកាយអាចនឹងប្រែប្រួលបែបណាខ្លះ?
- នៅក្មេងសោះតែរឿងលើគ្រែធ្លាក់ចុះ អាចមកពីមានជំងឺមុខងារក្រពេញទីរ៉ូអ៊ីត
២- តិចនិកជំរុញចិត្តចង់រួមភេទនៅពេលព្រឹក
ចំណុចនេះ ជាអ្វីដែលចង់បាន ហើយតែងជួបបញ្ហា មិនដឹងដោះស្រាយដោយវិធីណា។ គ្មានអ្វីដែលមិនអាចដោះស្រាយបាននោះឡើយ ហើយបើចង់ឲ្យដៃគូយើងមានអារម្មណ៍រួមភេទពេលព្រឹកដែរ ត្រូវដឹងពីចំណុចខាងក្រោម។
– គុណប្រយោជន៍៖ ត្រូវចាំថា ក្រោយពេលបើកប្រតិបត្តិការរួច អ័រម៉ូន Vasopressin នឹងកើនខ្លាំង ធ្វើឲ្យប្រុសៗ មានអារម្មណ៍ថាទទួលបានអ្វីដ៏អស្ចារ្យសម្រាប់ខ្លួនឯង។
– ចាប់ផ្តើមសន្សឹមៗ៖ ពេលព្រឹក គ្នាយើងទាំងសងខាង អាចមានពេលច្រើនដើម្បីអោបថើប និយាយអ្វីស្រស់ស្រាយ មុនចាប់ផ្តើមប្រតិបត្តិការ។ អ្នកឯកទេសរោគស្ត្រីនៅអង់គ្លេស លោក Gabrielle Downey បង្ហើបថា សត្រូវធំនៃចំណង់ផ្លូវភេទរបស់មនុស្សស្រី គឺជាស្ថានភាពរាងកាយរបស់នាង ហេតុនេះ សំខាន់បំផុតនៅពេលព្រឹកប្រុសៗគួរធ្វើជាអ្នកចាប់ផ្តើមមុន ដោយត្រូវចេះបបោសអង្អែល និងនិយាយទៅកាន់ដៃគូយើង ថាយើងពេញចិត្តនឹងរាងកាយនាងនៅពេលនេះ។
– ចូលគេងពីព្រលប់៖ គេងមិនបានគ្រប់គ្រាន់ ទាំងប្រុសៗ ទាំងស្រីៗ សុទ្ធតែនាំឲ្យកម្រិតអ័រម៉ូនតេស្តូស្តេរ៉ូនថយចុះ។ គេងបានគ្រប់គ្រាន់ ជាគន្លឹះពង្រឹង និងគ្រប់គ្រងកម្រិតអ័រម៉ូនឲ្យមានតុល្យភាព ហើយក៏អាចគ្រប់គ្រងអ័រម៉ូនស្ត្រេសឲ្យស្ថិតក្នុងកម្រិតទាបដូចគ្នា ជាកត្តាជួយជំរុញចំណង់ផ្លូវភេទ មិនថាប្រុស មិនថាស្រី។
អត្ថបទពាក់ព័ន្ធ៖
- ទាំងស្រីទាំងប្រុស បើមានជំងឺទាំងនេះប្រចាំកាយ ចំណង់ផ្លូវភេទធ្លាក់ចុះស្ទើរទាំងស្រុង
- ៧ សំណួរពីរឿងរួមភេទ ទាំងប្រុសទាំងស្រីឆ្ងល់ខ្លាំង តែខ្មាសអត់ហ៊ានសួរ!
៣- តិចនិកជំរុញចិត្តចង់រួមភេទនៅពេលព្រលប់
ក្នុងចំណុចនេះដែរ ប្រុសៗ និងស្រីៗគួរតែដឹងដូចគ្នា ដើម្បីអាចឲ្យមានការរួមភេទនៅពេលព្រលប់មានភាពអស្ចារ្យ និងត្រេកត្រអាល។
– មើលកីឡាបែបប្រកួតប្រជែង៖ អ្នកស្រាវជ្រាវរកឃើញថា មើលប្រភេទកីឡាបែបនេះ អាចជួយឲ្យអារម្មណ៍មនុស្សប្រុសពុះកញ្ជ្រោលខ្លាំង ជំរុញកម្រិតអ័រម៉ូនតេស្តូស្តេរ៉ូនឡើងកាន់តែខ្ពស់។
– សកម្មភាពប្រចាំថ្ងៃ៖ ត្រូវកត់សម្គាល់សកម្មភាពយើងធ្វើពេញមួយថ្ងៃទាំងអស់គ្នា នឹងទាញយកប្រយោជន៍ពីកម្រិតអ័រម៉ូនកើនឡើងក្នុងខ្លួនស្រីៗតិចតួច យកមកធ្វើជាប្រយោជន៍ ដូចជាផ្ញើសារបង្ហាញពីក្តីស្រលាញ់ទៅដៃគូ ធ្វើឲ្យអារម្មណ៍យើងទាំងពីរនៅក្បែរគ្នា ដែលចំណុចនេះ នឹងជួយឲ្យអ័រម៉ូនតេស្តូស្តេរ៉ូន ឡើងខ្លាំងដូចគ្នា។
– ហាត់ប្រាណជាមួយគ្នា៖ ក្រោយបំពេញការងារពេញមួយថ្ងៃ គ្នាយើងអាចចំណាយពេលខ្លះ ហាត់ប្រាណជាមួយដៃគូ ប្រមាណ ៣០-៤០ នាទី ក៏ល្អដែរ ព្រោះអាចជួយកម្រិតអ័រម៉ូនតេស្តូស្តេរ៉ូនឡើងខ្លាំងបាន។ ក្រោយចំណាយពេលហាត់ប្រាណប្រមាណ ៣០នាទីមក គ្នាយើងនឹងប្រទះខ្លួនឯងមានអារម្មណ៍ស្រើបស្រាលខុសពីធម្មតាមិនខាន។
អត្ថបទពាក់ព័ន្ធ៖
- មិនចង់ឲ្យសកម្មភាពលើគ្រែធ្លាក់ចុះ គួរចៀសអាហារប៉ុន្មានមុខនេះទៅ
- តើការរួមភេទអាចជួយបំបាត់ការឈឺក្បាលប្រកាំងបានពិតមែនឬអត់?
ត្រូវប្រយ័ត្នផង ពេលវេលាយើងសម្រេចចិត្តចង់រួមភេទ អាចជះឥទ្ធិពលដល់ផ្លូវអារម្មណ៍យើងបាន។ ក្នុងន័យនេះ អ្វីសំខាន់ ត្រូវតែនិយាយគ្នាដោយស្មោះត្រង់ ដើម្បីដោះស្រាយបញ្ហាផ្លូវភេទយើងឲ្យមានផាសុកភាព។
អត្ថបទពាក់ព័ន្ធ៖
- មូលហេតុ និងតិចនិក ជួយជីវិតផ្លូវភេទស្រីៗត្រលប់មកវិញ
- ធាត់ពេកធ្វើឲ្យចំណង់ផ្លូវភេទថយចុះ តើពិតអត់?
- មានបញ្ហាផ្លូវភេទ ប្រើអាហារបំប៉នជួយបានអត់?
- អាហារបង្កើនអារម្មណ៍ផ្លូវភេទ មនុស្សភាគច្រើនមានជំនឿខ្លាំង
[embed-health-tool-ovulation]
