ចង់បាន ឬរក្សាភ្នែកឲ្យនៅស្អាតល្អ មិនស្រវាំង មិនព្រិល មិនឈឺថ្កាត់ មិនមែនងាយទេ! គ្នាយើងខំប្រឹងថែដែរ តែអត់ដឹងក្បួន ខណៈមួយចំនួនធំខ្ជិល មិនសូវជាខ្វល់ ទាល់តែដុនដាបទើបភ្ញាក់ខ្លួន។ ថ្ងៃនេះ “Hello គ្រូពេទ្យ” ប្រាប់របៀបថែភ្នែកឲ្យនៅល្អ៖
១- រើសចំណី
សុខភាពភ្នែកល្អ ចាប់ផ្តើមពីរបបអាហារ។ ដើម្បីការពារពីបញ្ហាភ្នែកដោយសារវ័យជ្រេ ខូចចំណុចពណ៌លឿងក្នុងភ្នែក (រេទីនភ្នែក) ឬភ្នែកឡើងបាយ ត្រូវញុំាអាស៊ីដខ្លាញ់អូមេហ្គា-៣ ជាតិលុយតេអ៊ីន (Lutein) រ៉ែស័ង្កសី វីតាមីន A, C និង E។
ប្រភពទាំងនេះមានក្នុងបន្លែបៃតង ការ៉ុត ត្រីសម្បូរខ្លាញ់ (ជាពិសេសត្រីសាលម៉ុន) ស៊ុត សាច់ក្នុងគ្រាប់រុក្ខជាតិ សណ្តែក ផ្លែក្រូច អយស្ទ័រ និងសាច់ជ្រូក (អត់ខ្លាញ់) ហើយវាអាចជួយបង្ការកុំឲ្យកើតជំងឺធាត់ ឬទឹកនោមផ្អែម (ជាហេតុនាំឲ្យពិការភ្នែក)។
២- បារី
បារី ឬថ្នាំជក់ មានហានិភ័យខ្ពស់ងាយប្រឈមជំងឺភ្នែកឡើងបាយ ខូចសរសៃប្រសាទអុបទិច និងទ្រុឌទ្រោម ខូចចំណុចពណ៌លឿងនៃរេទីនភ្នែក។ ព្យាយាមផ្តាច់បារី ដើម្បីសុខភាពខ្លួនឯង និងគ្រួសារ ហើយគ្មានអ្វីខ្លាំងជាងការតាំងចិត្តទេ។
៣- វ៉ែនតាការពារពន្លឺ
សម្លឹង ឬភ្នែកប៉ះពន្លឺថ្ងៃច្រើន ប្រឈមកើតជំងឺភ្នែកឡើងបាយ និងជំងឺទ្រុឌទ្រោមខូចចំណុចពណ៌លឿងនៃរេទីនភ្នែក។ បើឧស្សាហ៍ ឬប្រើភ្នែកញឹកញាប់ក្រោមពន្លឺព្រះអាទិត្យ គួរពាក់វ៉ែនតាការពារ កាំរស្មីយូវី ដើម្បីបន្ថយសម្ពាធ (ប្រឹងសម្លឹង)។
៤- វ៉ែនតាឃ្លុប
បើការងារ ឬសកម្មភាពយើង ប្រឈមនឹងការប៉ះពាល់អង្គធាតុគ្រោះថ្នាក់ (ឧ.ផ្សារដែក) សារធាតុ ឬធូលីហុយតាមខ្យល់ ត្រូវមានវ៉ែនតាឃ្លុបការពារភ្នែក។
៥- សម្រាកពីអេក្រង់
រាប់ទាំងអេក្រង់ទូរសព្ទ កុំព្យូទ័រ ឬទូរទស្សន៍ គួរសម្រាក (ងាកមុខចេញ) ឲ្យបានញឹកញាប់រៀងរាល់ ១៥-២០ នាទី។ បើភ្នែកស្ងួត សូមព្យាយាមធ្មេចបើកៗឲ្យបានញឹកញាប់។
បើយើងកំពុងប្រើវ៉ែនតា ត្រូវប្រាកដថា ដឺក្រេ ឬកម្រិតរបស់កញ្ចក់វ៉ែនតា ត្រូវគ្នាជាមួយកម្រិតភ្នែក។ បើតម្រូវប្រើកុំព្យូទ័រច្រើន គួរសារ៉េអេក្រង់ឲ្យអេនបន្តិច ដើម្បីបន្ថយការជះពន្លឺខ្លាំងចូលភ្នែក។
កម្មវិធីពិនិត្យសុខភាពក្រពេញប្រូស្តាតអនឡាញ
កម្មវិធីពិនិត្យបញ្ហាលិង្គមិនឡើងរឹងអនឡាញ
កម្មវិធីពិនិត្យបញ្ហាឆាប់ចេញទឹកកាមអនឡាញ
៦- កុំចោលពេទ្យ
គ្នាយើងភាគច្រើនអត់ខ្វល់រឿងពិនិត្យសោះ ចាំរហូតដល់ឈឺ ឬមានបញ្ហា បានរកពេទ្យ។ ការពិនិត្យ អាចដឹងពីជំងឺទឹកដក់បាតភ្នែក។ បើមាន បើរកឃើញ ហើយព្យាបាលទាន់ពេល (ដំណាក់កាលស្រាល) ជាការល្អ។
ពេទ្យភ្នែកចែកជាពីរ៖
– ពេទ្យឯកទេសចក្ខុរោគ៖ គឺពេទ្យឯកទេសថែទាំភ្នែក អាចធ្វើរោគវិនិច្ឆ័យ និងព្យាបាល (បូករួមទាំងវះកាត់)។
– ពេទ្យអុបទិចមាត្រសាស្ត្រ៖ អាចព្យាបាលជំងឺភ្នែក តែមិនអាចវះកាត់បាន។
រកពេទ្យភ្នែកដើម្បីព្យាបាល ត្រូវមើលលើស្ថានភាពផ្នែក ថាតើគួរទៅរកពេទ្យភ្នែកមួយណាក្នុងចំណោមទាំងពីរខាងលើ។
អាន៖
- ថ្នាំបន្តក់ភ្នែក អាចប្រើរាល់ថ្ងៃបានអត់?
- លម្អិតជុំវិញមូលហេតុភ្នែកឆ្លងរោគ ឈឺឡើងក្រហម រហូតដល់ពិការ
- ជំងឺរលាកត្របកភ្នែកបង្កឡើងដោយសារអ្វី? គ្រោះថ្នាក់អត់?
- ប្រយ័ត្ន! ភ្នែកឡើងបាយ មកពីមូលហេតុប៉ុន្មាននេះ ហើយអាចធ្វើឲ្យងងឹត
- ភ្នែកស្រលៀង ឬកែក មកអី ហើយព្យាបាលកើតអត់?
- បញ្ហាភ្នែកមនុស្សចាស់មានច្រើនណាស់ ជួយយ៉ាងម៉េចបាន?
- ប្រភេទអាចម៍ភ្នែកធម្មតា និងឆ្លងមេរោគ គ្នាយើងគួរដឹង
- ចេះតែស្ងួតភ្នែក អាចមកពីបញ្ហាទាំង ៤យ៉ាងនេះ
- អង្កេតបញ្ហាភ្នែក ៧ចំណុចនេះ ព្រោះអាចបញ្ជាក់ពីស្ថានភាពសុខភាពខុសៗគ្នា
[embed-health-tool-ovulation]
