ការថែទាំអនាម័យមានសារៈសំខាន់ណាស់ ជាពិសេសអំឡុងពេលមករដូវតែម្ដង ប៉ុន្តែគ្នាយើងខ្លះប្រហែលជាមានចម្ងល់មិនខាន ថាតើការរក្សាអនាម័យដូចម្ដេចទើបត្រឹមត្រូវ និងអាចបញ្ចៀស ឬកាត់បន្ថយហានិភ័យនៃការឆ្លងមេរោគផ្សេងៗបាន។ ខាងក្រោមនេះ ជាសំណួរខ្លឹមៗពាក់ព័ន្ធនឹងការថែទាំអនាម័យអំឡុងពេលមករដូវ ដែលស្រីៗមិនគួររំលង។
១. យើងគួរលាងសម្អាតបរិវេណទ្វារមាសអំឡុងពេលមករដូវញឹកញាប់ប៉ុនណា?
ឈាមអាចបង្កភាពងាយស្រួលដល់ការលូតលាស់របស់បាក់តេរី ដូច្នេះហើយ គ្រូពេទ្យជំនាញណែនាំឲ្យស្រីៗយើងលាងសម្អាតបរិវេណទ្វារមាសយ៉ាងហោចណាស់២ដងក្នុងមួយថ្ងៃ គឺនៅពេលព្រឹក និងពេលល្ងាច ប៉ុន្តែយើងអាចលាងសម្អាតញឹកញាប់ជាងនេះបាន។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យជំងឺមហារីកសុដន់ ចុចទីនេះ!
ចង់ពិនិត្យជំងឺមហារីកមាត់ស្បូន ចុចទីនេះ!
២. យើងគួរប្រើទឹកអនាម័យអំឡុងពេលមករដូវឬអត់?
ការពិតទៅ ទ្វារមាសជាសរីរាង្គដែលអាចលាងជម្រះខ្លួនឯងបាន ហើយការប្រើសាប៊ូធម្មតា ឬផលិតផលអនាម័យមួយចំនួន អាចប៉ះពាល់ដល់floraធម្មជាតិនៃទ្វារមាសទៅវិញ។ ដូចនេះ យើងគួរលាងជម្រះបរិវេណនោះ ជាមួយទឹកក្ដៅឧណ្ហៗដោយមិនចាំបាច់ប្រើសាប៊ូឡើយ។
[embed-health-tool-ovulation]
៣. ពេលមករដូវ អាចប្រើផលិតផលកម្ចាត់ក្លិនមិនល្អនៃទ្វារមាសបានអត់?
ផលិតផលកម្ចាត់ក្លិននៃបរិវេណទ្វារមាស អាចបង្កឲ្យរលាកទ្វារមាស ដែលមានរោគសញ្ញាដូចជារមាស់ ក្រហម និងធ្លាក់ទឹករម្អិលច្រើនលើសពីធម្មតា។ អីចឹងហើយ យើងគួរកាត់បន្ថយការប្រើប្រាស់ផលិតផលទាំងនេះ ទើបជាការប្រសើរ។
អត្ថបទគួរអាន៖
- ស្រីៗមករដូវមិនទៀង ក្រោយចាក់វ៉ាក់សាំងកូវីដ-១៩ គួរបារម្ភអត់?
- ធ្លាក់កំណកឈាមធំៗពេលមករដូវ បណ្ដាលមកពីអ្វី?
- អំឡុងពេលមករដូវ ស្រីៗអាចញ៉ាំអាហារជូរបានអត់?
- មករដូវច្រើន និងឈឺចាប់ អាចមកពីបញ្ហាសុខភាពមួយនេះ
- មូលហេតុមកឈាមរដូវតិចជាងធម្មតា អាចមកពីហេតុផលទាំងនេះ
- ពណ៌ឈាមរដូវ អាចបញ្ជាក់ឲ្យដឹងពីបញ្ហាសុខភាពមនុស្សស្រី
៤. បើប្រើសំឡីអនាម័យនៅពេលគេង យើងគួរក្រោកជារៀងរាល់៤ម៉ោងម្ដង ដើម្បីប្ដូរឬអត់?
នៅពេលដែលយើងបញ្ចេញសកម្មភាពនៅអំឡុងពេលថ្ងៃ លំហូរនៃវដ្ដរដូវរបស់យើងក៏ច្រើន ប៉ុន្តែនៅពេលដែលយើងគេង មុខងាររាងកាយនឹងថយចុះ ហើយលំហូរឈាមក៏ថយចុះ ហេតុនេះហើយ យើងអាចប្រើសំឡីអនាម័យពេញមួយយប់បាន ដោយមិនចាំបាច់ផ្លាស់ប្ដូរ។ ប៉ុន្តែ ស្រីៗយើងមិនគួរប្រើTampons លើសពី៨ម៉ោងឡើយ ពីព្រោះសំឡីអនាម័យប្រភេទនេះ អាចបង្កហានិភ័យនៃការឆ្លងមេរោគធ្ងន់ធ្ងរ ក្នុងករណីដែលប្រើប្រាស់យូរម៉ោង។
ចំណុចសំខាន់
- យើងគួរលាងសម្អាតបរិវេណទ្វារមាសអំឡុងពេលមករដូវញឹកញាប់ប៉ុនណា?
- យើងគួរប្រើទឹកអនាម័យអំឡុងពេលមករដូវ ឬអត់?
- ពេលមករដូវ អាចប្រើផលិតផលកម្ចាត់ក្លិនមិនល្អនៃទ្វារមាសបានអត់?
- បើប្រើសំឡីអនាម័យនៅពេលគេង យើងគួរក្រោកជារៀងរាល់៤ម៉ោងម្តង ដើម្បីប្តូរឬអត់?
