ធ្លាក់ស ជាប្រតិកម្មធម្មជាតិរបស់ស្រីៗសំខាន់បំផុតមួយដើម្បីទ្រទ្រង់សុខភាពរាងកាយយើង ពិសេសការពារឆ្លងរោគ និងជួយទ្វារមាសឲ្យមានសំណើម។ ចុះបើធ្លាក់ស មានពណ៌ ឬធុំក្លិនមិនល្អ មកពីបញ្ហាអីវិញ? ប៉ះពាល់ដែរអត់? “Hello គ្រូពេទ្យ” បកស្រាយខាងក្រោម៖
១- ធ្លាក់សធម្មតា និងធ្លាក់សដោយសារបញ្ហាសុខភាព
ធ្លាក់សបែបធម្មតា មានសភាពស្ដើង និងស្អិត ឬក្រាស់ និងអន្ធិលៗ។ តែពេលខ្លះ ក៏អាចមានសភាពថ្លា និងមានពណ៌ស ប៉ុន្តែគួរយកចិត្តទុក្ខដាក់ខ្ពស់ចំពោះរឿងនេះផង ព្រោះបើអាការៈធ្លាក់មានការប្រែប្រួលខុសប្រក្រតី អាចបញ្ជាក់ពីវត្តមានមេរោគ ឬជំងឺណាមួយ ដូចជា៖
– មានក្លិនស្អុយ
– ពណ៌បៃតង ពណ៌ប្រផេះ ឬមានសភាពដូចខ្ទុះ
– មានលក្ខណៈពពុះ ឬស្រដៀងឈីស
– ទ្វារមាសរមាស់ ក្ដៅ ហើម ឡើងក្រហម ឬមានសភាពមិនប្រក្រតី
– មានធ្លាក់ឈាម ទោះមិនមែនជាពេលមករដូវ។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យជំងឺមហារីកសុដន់ ចុចទីនេះ!
ចង់ពិនិត្យជំងឺមហារីកមាត់ស្បូន ចុចទីនេះ!
បញ្ហាធ្លាក់សខុសប្រក្រតី អាចបណ្ដាលមកពីការឆ្លងរោគមាន ដូចជា ពពួក Vaginosis, Candidiasis (បង្ករោគដោយផ្សិត) និងមេរោគ Trichomoniasis។ បាក់តេរី Vaginosis និង Candidiasis អាចឆ្លង ទោះបីយើងមិនបានរួមភេទក្ដី ខណៈជំងឺប្រមេះ អាចធ្វើឲ្យស្រីៗធ្លាក់សខុសប្រក្រតីដូចគ្នា ហើយមេរោគមួយនេះ ឆ្លងតាមរយៈការរួមភេទមិនបានការពារ។ បើសង្កេតឃើញបញ្ហាធ្លាក់សខុសប្រក្រតី គួរទៅពិគ្រោះពេទ្យជំនាញឲ្យបានលឿន។
ស្វែងយល់បន្ថែមតាមរយៈវីដេអូខាងក្រោម៖
២- ពពួកមេរោគបាក់តេរីនាំឲ្យធ្លាក់សខុសប្រក្រតី
មេរោគផ្សិត អាចធ្វើឲ្យស្រីៗធ្លាក់ស មានពណ៌ស និងក្រាស់ ហើយច្រើនធ្វើឲ្យមានសភាពដូចឈីស។ បើយើងមានឆ្លងមេរោគផ្សិត Vaginosis អាចគ្មានក្លិនស្អុយខ្លាំងនោះទេ ប៉ុន្តែអាចមានបញ្ហារមាស់ និងមានអារម្មណ៍ក្ដៅខ្លាំង។
[embed-health-tool-ovulation]
ស្រីៗឆ្លងបាក់តេរី Vaginosis នៅប្រដាប់បន្តពូជ ច្រើនធ្លាក់សមានធុំក្លិនស្អុយ និងឆ្អាបខ្លាំង មានសភាពស្ដើង និងមានពណ៌ប្រផេះ។
ឯមេរោគ Trichomoniasis ធ្វើឲ្យស្អុយខ្លាំងដូចគ្នា និងមានសភាពពពុះៗ មានពណ៌លឿងលាយបៃតង អាចធ្វើឲ្យមានបញ្ហារមាស់ និងឈឺចាប់ពេលបត់ជើងតូច។
ធ្លាក់សខុសប្រក្រតី អាចទាក់ទងបញ្ហាគ្រោះថ្នាក់ច្រើន ហេតុនេះគួរទៅជួបជាមួយគ្រូពេទ្យឲ្យបានជាប្រចាំ និងទទួលការព្យាបាលឲ្យបានត្រឹមត្រូវ។
សម្រាប់ស្រីៗធ្លាប់ឆ្លងកាត់ការរួមភេទ ឬធ្លាប់រួមភេទមិនបានប្រើស្រោមការពារ គឺប្រឈមការឆ្លងមេរោគកាមរោគកាន់តែខ្ពស់។ បើយើងគិតថា ធ្លាប់រួមភេទជាមួយដៃគូសង្ស័យមានផ្ទុកមេរោគកាមរោគ គួរទៅជួបជាមួយគ្រូពេទ្យឲ្យបានលឿនពិសេស ត្រូវប្រញាប់ទៅជួបគ្រូពេទ្យជាបន្ទាន់ បើធ្លាក់សខុសធម្មតា មានលាយឡំជាមួយអាការៈក្ដៅខ្លួន ឈឺចាប់នៅក្នុងពោះ ឬនៅអាងត្រគាក។
អត្ថបទគួរអាន៖
- ស្រីៗមករដូវមិនទៀង ក្រោយចាក់វ៉ាក់សាំងកូវីដ-១៩ គួរបារម្ភអត់?
- ធ្លាក់កំណកឈាមធំៗពេលមករដូវ បណ្ដាលមកពីអ្វី?
- អំឡុងពេលមករដូវ ស្រីៗអាចញ៉ាំអាហារជូរបានអត់?
- មករដូវច្រើន និងឈឺចាប់ អាចមកពីបញ្ហាសុខភាពមួយនេះ
- មូលហេតុមកឈាមរដូវតិចជាងធម្មតា អាចមកពីហេតុផលទាំងនេះ
- ពណ៌ឈាមរដូវ អាចបញ្ជាក់ឲ្យដឹងពីបញ្ហាសុខភាពមនុស្សស្រី
៣- វិធីការពារបញ្ហាធ្លាក់សខុសប្រក្រតី
– មានអនាម័យទ្វារមាស ដោយលាងសម្អាតជាមួយសាប៊ូស្រាលៗ និងទឹកក្ដៅឧណ្ហៗ
– កាត់បន្ថយប្រើគ្រឿងសម្អាងមានក្លិន និងការងូតទឹកពពុះសាប៊ូ
– ហាមប្រើទឹកបាញ់លាងទ្វារមាស
– បន្ទាប់ពីបន្ទោបង់រួច ត្រូវជូតសម្អាតពីខាងមុខទៅក្រោយ ដើម្បីការពារកុំឲ្យមេរោគចូលទៅក្នុងទ្វារមាសបាន
– ស្លៀកខោទ្រនាប់ផលិតពីកប្បាស និងមិនត្រូវស្លៀកខោរឹបតឹងខ្លាំងទេ។
ចំណុចសំខាន់
- មានក្លិនស្អុយ
- ពណ៌បៃតង ពណ៌ប្រផេះ ឬមានសភាពដូចខ្ទុះ
- មានលក្ខណៈពពុះ ឬស្រដៀងឈីស
- ទ្វារមាសរមាស់ ក្ដៅ ហើម ឡើងក្រហម ឬមានសភាព
- មានធ្លាក់ឈាម ទោះមិនមែនជាពេលមករដូវ។
