backup og meta

អាហារគួរញុំា និងចៀសវាងដើម្បីការពារបញ្ហាកើតអង្គែ

ត្រួតពិនិត្យដោយ វេជ្ជ. ចាន់ ស៊ីណេត · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ សុខ វណ្ណ · កែ Jan 12

    អាហារគួរញុំា និងចៀសវាងដើម្បីការពារបញ្ហាកើតអង្គែ

    អង្គែជារោគសើស្បែកដែលបណ្តាលឱ្យយើងរមាស់ស្បែកក្បាល និងបង្កឡើង​​ដោយ​មូលហេតុ​ជា​ច្រើន។ ទន្ទឹមនឹងមានវិធីការពារកុំឱ្យកើតអង្គែ ក៏មានអាហារមួយចំនួនអាចការពារ​យើងពីការ​កើត​អង្គែ ឬអាចធ្វើឱ្យយើងងាយកើតអង្គែក៏​មាន​ដែរ។ តើអាហារទាំងនោះមានអ្វីខ្លះ?

    ក. អាហារយើងគួរញុំាបង្ការបញ្ហា​អង្គែ

    ១. គ្រាប់​ផ្កាឈូករ័ត្ន

    គ្រាប់ផ្កាឈូករ័ត្នសម្បូរទៅដោយសារធាតុចិញ្ចឹមដែលល្អចំពោះសក់ និងអាច​ការពារអង្គែផងដែរ ព្រោះគ្រាប់ផ្កាឈូករ័ត្នផ្ទុកទៅដោយស័ង្កសីដែលរាងកាយត្រូវការសម្រាប់ផលិតសារធាតុខ្លាញ់ដើម្បីថែរក្សាស្បែកក្បាលរបស់យើងឱ្យមានសុខភាពល្អ និងការពារស្បែកក្បាលមិនឱ្យស្ងួត។

    លើស​ពី​នេះ​ទៅទៀត គ្រាប់ផ្កាឈូករ័ត្នក៏មានផ្ទុកវីតាមីន B កំផ្លេច​ដែលជំនួយដល់ការរំលាយ​អាហារ​ព្រោះ​ប្រព័ន្ធរំលាយអាហារដំណើរការមិនល្អក៏បណ្តាលឱ្យយើងកើតអង្គែដែរ។

    ២. ខ្ទឹម​ស

    ខ្ទឹម​ស​សម្បូរទៅដោយសារធាតុ Allicin ដែល​ជា​សមាសធាតុ​អាចប្រឆាំងនឹងមេរោគ​ផ្សិត​ ហើយអាច​កម្ចាត់​អង្គែ​បានទៀតផង។ សារធាតុ Allicin ក៏សម្បូរនៅក្នុងខ្ទឹមបារំាង និងខ្ទឹមក្រហមផង​ដែរ។

    ៣. ខ្ញី

    យើងអាចកើតអង្គែដោយសារប្រព័ន្ធរំលាយអាហារដំណើរការមិនល្អ។ ការ​ញុំាខ្ញីអាចជួយឱ្យ​ប្រព័ន្ធ​រំលាយ​អាហារយើងដំណើរការល្អ និងអាចរំលាយខ្លាញ់ និងប្រូតេអ៊ីនបានទៀតផង។ ជាងនេះ​ទៅ​ទៀត ខ្ញីក៏មានសារធាតុអាចប្រឆាំងនឹងបាក់តេរី និងមេរោគផ្សិត​ដែលជួយឱ្យស្បែកក្បាល​យើង​មាន​សុខភាពល្អដែរ។

    ខ្ញី

    ចង់គណនា BMI ចុចទីនេះ!

    ចង់គណនា BMR ចុចទីនេះ!

    ចង់គណនារង្វាស់ចង្វាក់បេះដូង ចុចទីនេះ!

    ចង់ពិនិត្យសុខភាពប្រព័ន្ធរំលាយអាហារ ចុចទីនេះ!

    ៤. ចេក

    ចេកផ្ទុកទៅដោយវីតាមីន B6, A, C, E និងសារធាតុរ៉ែដូចជា ស័ង្កសី ប៉ូតាស្យូម ជាតិដែ អាស៊ីដ​អាមីណូ និងសារធាតុប្រឆាំងអុកស៊ីតកម្មដែល​សុទ្ធតែជួយឱ្យស្បែកមានសុខភាពល្អ និងអាចការពារ​ការ​កើតអង្គែ។

    ខ. អាហារគួរ​កាត់​បន្ថយ ឬ​ចៀសវាង​បង្កាបញ្ហាកើតអង្គែ

    ១. ស្ករ

    ការញុំាជាតិស្ករច្រើនអាចបណ្តាលឱ្យរាងកាយយើងរលាក និងបង្កឱ្យស្បែក​ក្បាលយើងកើត​អង្គែ ​ដូច្នេះយើងគួរកាត់បន្ថយការញុំាជាតិស្ករដោយកាត់បន្ថយអាហារដែលមានជាតិស្ករខ្ពស់ដូចជា អាហារ Fast food បង្អែម ទឹកក្រូច និង​នំខេកជាដើម។

    ២. ផលិតផលទឹកដោះមានជាតិខ្លាញ់ខ្ពស់

    ផលិតផលទឹកដោះដែលមានជាតិខ្លាញ់ខ្ពស់ពិបាកក្នុងការរំលាយ និងអាចបង្កើន​ការរលាក​ក្នុង​រាងកាយដែលអាចបណ្តាលឱ្យយើងកើតអង្គែ។ ជំនួយមកវិញ យើងអាចជ្រើសរើសញុំា​ផលិតផលទឹកដោះ​ដែលគ្មាន​ជាតិ​ខ្លាញ់។

    អង្គែក៏អាចកើតឡើងដោយសារស្បែកក្បាលស្ងួតដែរ ដូច្នេះយើងគួរញុំាទឹកឱ្យបានគ្រប់គ្រាន់​ដើម្បី​រក្សា​ជាតិទឹកក្នុងខ្លួន។

    ចំណុចសំខាន់

    – ខាងក្រោមនេះជាអាហារដែលយើងគួរញុំាដើម្បីការពារការកើតអង្គែ៖
    • គ្រាប់​ផ្កាឈូករ័ត្ន
    • ខ្ទឹម​ស
    • ខ្ញី
    • ចេក
    – ខាងក្រោមនេះជាអាហារដែលយើងគួរចៀសវាង ឬកាត់បន្ថយដើម្បីការពារការកើតអង្គែ៖
    • ស្ករ
    • ផលិតផលទឹកដោះដែលមានជាតិខ្លាញ់ខ្ពស់

    បដិសេធ

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ សុខ វណ្ណ · កែ Jan 12

    advertisement iconផ្សព្វផ្សាយពាណិជ្ជកម្ម

    តើអត្ថបទនេះមានប្រយោជន៍ដែរទេ?

    advertisement iconផ្សព្វផ្សាយពាណិជ្ជកម្ម
    advertisement iconផ្សព្វផ្សាយពាណិជ្ជកម្ម