គ្នាយើងក៏បានដឹងខ្លះហើយអំពីអត្ថប្រយោជន៍ប្រទាលកន្ទុយក្រពើចំពោះសុខភាព។ គេអាចច្នៃវាទៅជាភេសជ្ជៈ បង្អែម ប៉ុណ្ណោះ ក៏អាចច្នៃទៅជាគ្រឿងថែរក្សាសម្រស់ បំប៉នសុខភាពស្បែកល្អប្រសើរផងដែរ។ ខាងក្រោមគឺជាអត្ថប្រយោជន៍សំខាន់របស់ប្រទាលកន្ទុយក្រពើចំពោះស្បែក៖
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
គ្នាយើងក៏បានដឹងខ្លះហើយអំពីអត្ថប្រយោជន៍ប្រទាលកន្ទុយក្រពើចំពោះសុខភាព។ គេអាចច្នៃវាទៅជាភេសជ្ជៈ បង្អែម ប៉ុណ្ណោះ ក៏អាចច្នៃទៅជាគ្រឿងថែរក្សាសម្រស់ បំប៉នសុខភាពស្បែកល្អប្រសើរផងដែរ។ ខាងក្រោមគឺជាអត្ថប្រយោជន៍សំខាន់របស់ប្រទាលកន្ទុយក្រពើចំពោះស្បែក៖
ចង់ពិនិត្យជំងឺមហារីកមាត់ស្បូន ចុចទីនេះ!
សាច់ប្រទាលកន្ទុយក្រពើអាចជួយប្រឆាំងការរលាក និង ប្រឆាំងអុកស៊ីតកម្ម ដូច្នេះវាគឺជាផ្នែកមួយយ៉ាងសំខាន់ជួយការពារស្បែកពីកម្ដៅព្រះអាទិត្យបានល្អ។ យើងអាចច្នៃប្រទាលកន្ទុយក្រពើជាម៉ាសបិទលើស្បែកដោយផ្ទាល់ ដើម្បីជំនួយដល់សុខភាពស្បែកក្រោយប៉ះពាល់ពីកម្ដៅថ្ងៃ។
ប្រទាលកន្ទុយក្រពើសម្បូរទៅដោយសារធាតុចិញ្ចឹមដូចជា ពពួកវីតាមីន រ៉ែ ហើយក៏មានជាតិទឹកច្រើនផងដែរ។ អត្ថប្រយោជន៍របស់ប្រទាលកន្ទុយក្រពើក៏ជួយអោយស្បែកមានសំណើម ជួយជម្រុះកោសិកាស្បែកចាស់ៗ បង្កើនការលូតលាស់កោសិកាស្បែកថ្មី។
ក្រៅពីផ្ដល់សំណើមដល់ស្បែក ប្រទាលកន្ទុយក្រពើ ក៏អាចជួយព្យាបាលរបួសស្នាមសើស្បែកឲ្យឆាប់ជាសះស្បើយរហ័សផងដែរ ពិសេសប្រភេទរបួសដែលបង្កឡើងដោយការរលាកលើស្បែកដោយសារកម្តៅ ឬវត្ថុក្តៅតែម្ដង។
ប្រទាលកន្ទុយក្រពើសម្បូរទៅដោយវីតាមីន C E និង beta Carotene ដែលសារធាតុសំខាន់ទាំងបី ជួយបង្កើនការលូតលាស់កោសិកាស្បែក ប្រឆាំងនឹងការវិវត្ដស្បែកតាមវ័យ ហើយមិនតែប៉ុណ្ណោះ សារធាតុទាំងនេះ ក៏ជួយបង្កើនការផលិត ខូឡាជែន ដែលគ្នាយើងកន្លងមកស្គាល់ថា ជាប្រូតេអ៊ីនជួយធ្វើឲ្យស្បែករលោងស្អាត និង ក្មេងជាងវ័យ។
ប្រទាលកន្ទុយក្រពើអាចជួយធ្វើឲ្យស្បែករលោងស្រស់ថ្លាបែបធម្មជាតិ ពិសេសជួយប្រឆាំងនឹងពពួកបាក់តេរី ដែលតោងជាប់ស្បែកធ្វើស្បែកងាយប្រឈមកកើតមុនបាន។ ដូច្នេះប្រទាលកន្ទុយក្រពើជួយឲ្យប្រឆាំងនឹងបាក់តេរី ធ្វើស្បែកមានសុខភាពល្អ ស្រស់ថ្លា និង ភ្លឺរលោង។ ប៉ុន្ដែចូរប្រុងប្រយ័ត្ននឹងជ័រពណ៌លឿងរបស់ប្រទាលកន្ទុយក្រពើអាចបង្កផលប៉ះពាល់ដល់ស្បែក ប្រសិនបើ ការកាត់ ការចៀរ និង លាងម្អាតមិនបានស្អាតល្អនោះ។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕