តាមពិតទៅ ភាពខ្ជិលច្រអូសរបស់ក្មេងៗងាយនឹងដោះស្រាយណាស់ ប្រសិនបើប៉ាម៉ាក់ចាប់ផ្ដើមបង្ហាត់បង្រៀនកូនចាប់ពីឥឡូវនេះទៅ។ ជាក់ស្ដែង ប៉ាម៉ាក់អាចប្រើប្រាស់វិធីសាស្ត្រសាមញ្ញងាយៗ ដែលអាចជួយដល់ក្មេងឲ្យយកឈ្នះភាពខ្ជិលច្រអូសរបស់ខ្លួនឯងបាន និងប្រកាន់ខ្ជាប់នូវទម្លាប់ល្អៗទាំងនោះ។
មាតិកា
បើកូនទម្លាប់ខ្ជិលមិនធ្វើអ្វីសោះ ប៉ាម៉ាក់គួរដោះស្រាយបែបណា?
គន្លឹះដោះស្រាយភាពខ្ជិលច្រអូសរបស់ក្មេង
១. កំណត់ពេលវេលា
ជំហានដំបូង ប៉ាម៉ាក់គួរឲ្យកូនយល់ដឹងពីសារៈសំខាន់នៃពេលវេលា ដោយកំណត់ពេលសម្រាប់ការធ្វើកិច្ចការផ្សេងៗ ដូចជាឲ្យកូនធ្វើលំហាត់ឲ្យចប់នៅក្នុងរយៈពេលណាមួយ។ ដូចគ្នានេះដែរ ចំពោះសកម្មភាពកម្សាន្ត ដូចជាមើលទូរទស្សន៍ ឬលេងហ្គេមក៏ប៉ាម៉ាក់គួរកំណត់ពេលវេលាឲ្យសមស្របណាមួយសម្រាប់កូន និងឲ្យកូនប្រកាន់ខ្ជាប់ទៅនឹងទម្លាប់មួយនេះ។
២. ធ្វើជាគំរូដល់កូន
ប៉ាម៉ាក់គឺជាគ្រូដំបូងសម្រាប់កូន ហើយក៏ជាគំរូដល់កូនដូចគ្នា។ ភាគច្រើន កូនតែងតែធ្វើតាមអ្វីដែលប៉ាម៉ាក់ធ្វើជានិច្ច អីចឹងហើយ បើយើងភ្ញាក់ពីព្រលឹម ធ្វើលំហាត់ប្រាណ ធ្វើកិច្ចការផ្ទះ ញ៉ាំអាហារល្អៗ ឬចូលគេងពីក្បាលព្រលប់ កូនក៏យកគំរូតាមដែរ។
៣. ឲ្យកូនបង្កើតតារាងការងារដោយខ្លួនឯង
ទន្ទឹមនឹងនេះដែរ យើងចាំបាច់ត្រូវលើកទឹកចិត្តកូនឲ្យចេះរៀបចំកាលវិភាគ និងកំណត់ពេលបញ្ចប់សកម្មភាពនីមួយៗដោយខ្លួនឯង។ ការធ្វើបែបនេះ អាចជួយឲ្យកូនចេះគោរពវិន័យបានល្អទៅថ្ងៃអនាគត។
ចង់គណនាទម្ងន់ស្រ្តីពពោះ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!
៤. បង្រៀនកូនឲ្យយល់ដឹងពីតម្លៃនៃភាពបរាជ័យ
ប្រសិនបើកូនមិនអាចបញ្ចប់កិច្ចការណាមួយតាមការកំណត់ ប៉ាម៉ាក់គួរពន្យល់ណែនាំកូនថា ការបរាជ័យមិនមែនជារឿងដែលត្រូវបាក់ទឹកចិត្តឡើយ ហើយអ្វីដែលសំខាន់បំផុត គឺអាចក្រោកឈរឡើងដោយខ្លួនឯងរាល់ពេលបរាជ័យ។
៥. ផ្ដល់រង្វាន់លើកទឹកចិត្តដល់កូន
មួយវិញទៀត ប៉ាម៉ាក់គួរផ្ដល់ជារង្វាន់លើកទឹកចិត្តនៅពេលដែលកូនខិតខំព្យាយាមធ្វើរឿងរ៉ាវអ្វីមួយ ដូចជាសន្យាថានឹងទិញកង់ឲ្យកូន ប្រសិនបើកូនអាចធ្វើលំហាត់បានពិន្ទុល្អ ក្នុងរយៈពេលពីរបីខែ ឬទិញសៀវភៅរឿងឲ្យកូន នៅពេលដែលកូនជួយធ្វើកិច្ចការផ្ទះណាមួយ។
អត្ថបទគួរអាន៖
- កូនចូលចិត្តញ៉ាំក្រៀមក្រោះ ល្អ ឬមិនល្អ? ប៉ះពាល់ការលូតលាស់ ឬអត់?
- ឮតែល្បី SYNBIOTICS! ជាអ្វីឲ្យប្រាកដ? មានប្រយោជន៍អ្វីខ្លះ?
- អាហារកូនៗចូលចិត្ត ពង្រឹងប្រព័ន្ធភាពស៊ាំចៀសផុតពីជំងឺផ្សេងៗ
- រោគសញ្ញា និងវិធីដោះស្រាយបញ្ហាជ្រាបពោះវៀនលើក្មេង
- កូនផឹកទឹកដោះគោ គួរផ្ដល់វីតាមីនបំប៉នឲ្យញ៉ាំទៀត ឬអត់?
- អាហារល្អសម្រាប់សុខភាពក្រពះ–ពោះវៀនកូន ម៉ាក់ៗគួរជ្រើសរើស
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Fix the lazy bones – Drive Away Laziness in Kids
https://thecamford.org/good-cbse-school-fix-the-lazy-bones-drive-away-laziness-in-kids/
does your child have “lazy child syndrome?”
https://www.childrensdayton.org/the-hub/does-your-child-have-lazy-child-syndrome
Lazy Kids? Start Here.
https://pepparent.org/lazy-kids-start-here/
Children Are Not Born Bad, Stupid or Lazy
https://www.npr.org/sections/13.7/2012/11/12/164968299/there-are-no-bad-lazy-stupid-children
កំណែប្រែបច្ចុប្បន្ន
23/08/2024
អត្ថបទដោយ នូ សោភ័ណ្ឌ
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម